US LA VAL
 
 
     
 

Reuniun generala 2014

Stampa PDF

Immagine

L’Uniun Sport Amatoriala à tigni ai 21 de merz süa reuniun generala anuala. La reuniun generala é stada na ocajiun por ćiarè zoruch al’ativité dl ann 2013 y por portè dant le program preodü por l’ann corënt.

 

 

 


Le presidënt Alex Alton á danfora saludé i mëmbri che à tut pert ala reuniun por passè spo a tratè l’ordin dl dé. Ala fin dl ann passè pò la uniun mostrè sö 173 scrić ite, a desfarënzia 2012, daulache le numer ê de 162. Marco é spo passè a la letüra dl protocol dl'ultima sentada.

An é spo passá al’aprovaziun dl cunt consuntîf y dl bilanz de previjiun. Tla relaziun sön l’ativité à le presidënt y i caposeziuns referí sön les ativitês desvalies. La seziun cun la maiú ativité é chëra dl jüch dl palé.  I alenadûs y acumpagnadûs à fat na picera relaziun sön i resultać y ativité dles scuadres di mituns y jogn. N gran giulan ti va ai mëmbri por sò gran laûr, che se crüzia de alenè y acompagné i mituns a les partides. L'ativité cun i mituns, che rapresentëia le dagnì dl'uniun é tres stè n punt prinzipal dl l'ativité sportiva a La Val. Da alzè fora é stè le pröm post dla tlassifica dla scuadra de 3ª categoria al'andata dla sajun 2013/14, avisa in domënia ai 23.03 éle metü man le ritorno de campionat por la scuadra (partida gnüda spostada a gauja dla nëi). Ala scuadra ti vegnël fat les miûs aodanzes por n bun ritorno, sides de campionat che de Copa Provinzia, daulache ara é cualificada a la semifinala.


Pro la seziun dla lüsa él gnü portè dant i punć prinzipai dl’ativité. Da alzè fora é stà i bugn plazamënć di alteć dla scuadra da La Val. N gran giulan ti va dal' atra pêrt ai organisadûs y ai acompagnadûs dla seziun, che cun sò gran laûr y sostëgn dà dessigü n gran contribut a tignì alâlt le sport dla lüsa a La Val.

Pro les ativitês desvalies él gnü recordè da pêrt dla responsabla Monica Ploner i cursc organisá. Dër aprijá é gnüs i cursc por mituns organisà tl'ann 2013, danter i atri le curs de schi, da nudè y le program sportîf da d’isté. Inće chisc gnará sambëgn indo organisà chësc ann.

N'atra ativité dl U.S. La Val é le arpizé, daulache le grup di "Madclimbers" se dà jö cun le mantenimënt dla "Boulderhalle" ia dala zona sportiva, cun l'organisaziun de cursc y cun atres iniziatives. Al é ince gnü mostrè escursciuns desvalies che é gnüdes fates tartan l'ann.

 

fotoEn gran punt de chësta serada é sënzater ince stè chël de Valentina Tolpeit, che à garejè in chësc ann por l'U.S. La Val. La picera atleta à portè a ćiasa de boniscimi resultać, dai campionaćdl VSS al Nightcup 2014, de trames le competiziuns à l'atleta arjunt le pröm post.

N punt sön le program 2014 é stè le ritiro dla scuadra Chievo Verona, che sciöche preodü foss gnüda a fa n ritiro d'isté a La Val y San Martin. Avisa in vëindres é chësta bela iniziativa gnüda desdita dal diretif dla scuadra, che à valuté plü avisa la poscibilité de gnì chilò da nos y à tut la dezijiun de passè le ritiro tl post daulache ai é stà in l'ann passè. Ala fin dl campionat vëgnel impò organisé n'amichevole cuntra le Chievo a La Val y la scuadra gnarà ince a tignì n camp por i mituns d'isté.

 

Al é ince gnü presentè na proposta de ampliamënt dla zona sportiva  "Plans", daulache al foss la poscibilité de ingrandì y injuntè magazinns y garages bas ite, che pudess gni adurà ince da atres uniuns. N'atra proposta laurada fora dal comité y prejentada in vëindres foss chëra de curì la terassa dan le bar sport cun n tët.

Ala riuniun é ince stè presënt l'ombolt da La Val che à tignì n discurs sön l'ativité dla uniun y à alzè fora l' importanza dl'ativité sportiva. Al à ringrazié i funzionars dla uniun por le laûr  y por le impëgn demostrè. Gran importanza ti âl ince dè ai proieć portà dant, daulache al é gnü valuté positivamënter la proposta dl tët sura terassa, al é probabile che chësc pudess bel gnì realisé le proscim ann. Por ci che reverda la proposta de ampliamënt dla zona sportiva é da odëi  sambëgn tan inant ch’ara jarà da ciafè i fianiamënć por curì na pêrt di cosc che foss sënzater alć. Le presidënt à tut l'ocajiun por ringrazié le ombolt por le sostëgn finanziar che vëgn vigni ann conzedü da pêrt dl comun ala uniun.

IMG_4936

Sciöche ultim punt dla serada é stè la protlamaziun dles lites dl comité, che arà le compit de aministré l'uniun por i proscimi 3 agn. Plö inant gnarà spo prejentè le comité nü.

 

Dô la reuniun á i partezipanć pudü se mangé val e se bëre val.


Por ciarè ala prejentaziun drüca sön le linch injuntè: prejentaziun

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©