US LA VAL
 
 
     
 

1ª partida de campionat rit. - Percha

Stampa PDF

IMG_4980

In sabeda ai 29 de merz él gnü sughé la pröma partida de campionat por la scuadra de 3ª categoria da La Val, dô che la partida dl'ultima domënia é gnüda spostata a gauja dla nëi, chësta gnarà spo recuperada le mercui ai 9 de aurì.

 

 

Read More

 

Le aversar dla pröma partida à inom Percha, na scuadra che à tres lascè odëi de bunes prestaziuns sön le ćiamp de ćiasa, mo in chësc iad é la scuadra da La Val che à la miù, portan a ćiasa na bela devënta, la partida é jüda fora sön le 2 a 0.

La scuadra da La Val mët man bun la partida sön le ćiamp da Percha daulache la temperatöra ćialdina é otimala por sughé. Atira é Alexander che à na bona ocajiun, sön n bel assist röiel cuntra porta mo la trata röia de püch dlungia porta ia. Le gol dl vantaje toma bel al 9° menüt, sön na bela aziun é Marco che crosëia bas ite amez, Micky röia sön le pal dan le portier y fej balè la rëi de porta. Ince la scuadra aversara à val ocajiuns y la defenjiun da La Val mëss plö iadi spazzè le pal. Le nü portier da La Val, Lukas Eder, à atira lascè odëi sües capazitês da parè y dà na gran segurëza ai sogadus. Te chësta partida é stè le arbiter protagonist, che à partì fora n grüm de ghêles, la miù pêrt por protesta.


Le pröm tëmp se stlüj jö sön le 1 a 0.


Le secundo tëmp mët man atira cun na ocajiun de Stefan, che sön na rebatüda de n defensur aversar al limit dl'area, tira na trata al jôre che vëgn parada dal portier. Atira dedô é n defensur aversar che vëgn desgort dal arbiter por soma de gheles. La Val stënta dassën de fa alzè la scuadra, ince sce i sogadus dl Percha é in 10. La scuadra aversara fej n gran druch, i defensurs da La Val mëss splundrè le pal lunch y i atacanć se stënta a tignì le pal âlt. Da arcurdè é ince na ocajiun de Marco, che é bun de controlè le pal sön n bel cross de Micky, mo la trata basa röia de püch dlungia le palo ia. Al ne mancia nia plö tröp ala fin dla partida y la luzidité di sogadus lascia dô bel plan. Adrian, gnü te ćiamp tl secundo tëmp, à segnè spo le gol dla devënta. Bel al ultim menüt de recuper röia Adrian sön n bel assist de Alex. E. sù dan le portier che se é destachè da porta y cun n bel palonët él bun dl scavalchè y mët l pal te porta.IMG_4979

Sön le gol é spo l arbiter che sciüra la fin. Davagné la pröma partida de campionat é dessigü stè fondamental por l andamënt dla tlassifica.Luki_Eder

L U.S. La Val ti da ince le bëgnodü al portier Lukas Eder da Pfalzen, che é gnü por sostituì le infortuné Sepl K.. A Lukas les miûs aodanzes por chësta nöia aventüra.

La Val sugarà söa proscima partida in domënia ai 06 de aurì dales 16:00 te ćiasa cuntra la scuadra da Niederdorf, bele incuntada ai cuarti de finala de Copa Provinzia.

 

 

 

Da recordè: La partida che ess messü gni sugada ai 23.03.2014 cuntra le Sexten é gnüda spostada al mercui 16.04.2014 dales 20:00 a La Val.

 

Formaziun titolara: Lukas Eder, Martin Ploner, Paolo Vallazza, Alex Alton, Egon Frenes, Marco Castlunger, Felix Nagler, Stefan Sottara, Alex Elzenbaumer, Micky Frenes y Alexander Miribung.

Alenadù: Floriani Claudio


IMG_4985


Sostituziuns:

Max Nagler por Felix Nagler (60^ menüt)

Werner Sottara por Egon Frenes (65^ menüt)

Adrian Miribung por Alexander Miribung (75^ menüt)

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©