US LA VAL
 
 
     
 

4ª partida campionat rit. - Sexten

Stampa PDF

IMG_5068

Inier mercui ai 16 de aurì él gnü recuperè la partida dl campionat de 3ª categoria cuntra la scuadra da Sexten, che foss gnüda sugada ai 23 de merz, mo gnüda spustada a gauja dla nëi. Do le derby a Rina, daulache la scuadra da La Val à pordü por 1 a 0, davagnera te ćiasa cun 3 goi cuntra na scuadra jona che à fat na bela parüda. L'unica partida adüm al derby che La Val à pordü te chësta sajun é propi stada cuntra la scuadra da Sexten.

 

 

La partida mët dales 20:00 y atira é la scuadra aversara che lascia udëi n bel jüch y costruësc de beles aziuns. La gran presciun mët in dificulté la scuadra da La Val, che mëss plö iadi sciüré demez le pal. Ti pröms 20 menüć dla partida mëss la scuadra de ćiasa plö subì co costruì, dandadüt sön i angoli, daulache plö iadi é i sogadus dl Sexten che abina denant le pal de cé. Le portier Lukas é tres conzentrè y abina scialdi dütes les trates sön porta. Le ritmo dla scuadra aversara vëgn tosc archité sö, plö avisa cun n episode, Emanuel D. abina n bel pal de cé sön n cross de Micky y bat insciö le portier, La Val é in vantaje por 1 a 0. I sogadûs da La Val ciafa insciö plö coraje y süga cun bunes combinaziuns, mo le ultim pasaje é prësc três massa cürt o i atacanć é scialdi plö inant co la defenjiun, le arbiter sciüra n grüm de forajüch.


Le pröm tëmp se rüva sön le resultat de 1 a 0 por La Val.


Le secundo tëmp é plö interessant, sides da üna na pert che dal'atra. La Val mëss chirì le secundo gol por mët al sigü la devënta, mo sciöche la secunda pêrt dla partida mët man, pêle che chësc sides n pü plü rî. Le Sexten fej indô druch y ti sciampa incé plö iadi ala defenjiun da La Val. A impostè indô le jüch al urü ester na gran reaziun dla scuadra de Floriani, sön n bel assist da pêrt de Alex Elzenbaumber, rüva Micky bel sù dan le portier y é bun de apogè le pal te porta. Al ne passa nia tröp che le atacant dl Sexten porta süa scuadra al gol. Sön na bela aziun da na pêrt jö é l'atacant che ti sciampa al defensur da La Val y cun na bela trata röia le pal naota sön la stangia de porta y spo tla rëi. Por rimedié ala dijatenziun é la scuadra che se alza, sugan plötosc sön la pêrt de Alex E., le medemo à ince na ocajiun cun na bela trata sön le ciantun de area, che rüva de püch dlungia porta ia. Ince Freddy é ruvé tl secundo tëmp te ćiamp, do le infortunio dla preparaziun, che l 'a fat stè fora por deplö edmes.

Lukas fej ince ciamò 2 mirachi, daimprüma cun na bela reaziun sön na puniziun deviada dal defensur da La Val y dedô él ciamò bun de trà fora cun i pügns n pal che ti é sciampè naota al defensur y dedò al portier instës. A sighlé la devënta cun le gol dl 3 a 1 é spo indô Micky cun na bela trata de secunda sön na puniziun al limit dl'area che pënsa. Le pal röia dlungia le palo ite y le portier ne à nia poscibilité da le parè.

Sön n'aziun da pêrt dl Sexten é Marco Castlunger che prô de curì le pal y ti rüva insciö adôs al aversar che röia cuntra la panchina, le arbiter ne pënsa nia 2 iadi a mustrè la chêrta cöcena. La scuadra röia la partida in 10 sënza subì atri goi.

La partida se röia sön le 3 a 1 por La Val. Na vitoria de gran importanza por la scuadra, dandadüt por se destachè dales atres scuadres y ti stè dô ala scuadra da Rina, al mumënt al pröm post dla tlassifica.IMG_5069

 

 

 

 

 

In sabeda ai 19 de aurì dales 16:00 él la scuadra da Raas che se prejënta sön le ćiamp da La Val por disputé la 5ª partida de campionat.

 


Formaziun titolara: Lukas Eder, Egon Frenes, Alex Alton, Paolo Vallazza, Marco Castlunger, Alex Elzenbaumer, Stefan Sottara, Max Nagler, Micky Frenes, Romeo Rubatscher y Emanuel Dorigo.

Alenadù: Floriani Claudio

 


Sostituziuns:

Freddy Sottara por Max Nagler (70^ menüt)

Marco Rossini por Micky Frenes (80^ menüt)

Adrian Miribung por Romeo Rubatscher  (85^ menüt)

Felix Nagler por Alex Elzenbaumer (85^ menüt)


Por odëi i resultac dles atres partides drüca RESULTAĆ


 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©