US LA VAL
 
 
     
 

Andata Semifinala Copa Provinzia

Stampa PDF

Unbenannt1

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3ª categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ćiasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

 

Ince sce la scuadra de Floriani é jüda sot de 2 goi él impò gnü mostrè n jüch discret da pêrt di sogadûs che é três stà bun posizionà sön le ćiamp y à ciarè de sughé söa partida.IMG_5126


Le pröm tëmp mët man cun n gran druch da pêrt dl Ritten, i atacanć é scialdi três bugn da se destachè dala defenjiun da La Val por gnì a pié dô le pal y dl sughé inant. Les fasces fej ince n gran laûr cun inserimënć y lanci sön le portier. La conzentraziun di sogadûs da La Val ne mancia nia y al vëgn mantignì la calma, ince sce an é sot a presciun. Bel plan é ince La Val che se sbloca y pro da costruì combinaziuns cun le pal bâs, tröc iadi a chirì la profondité por les fasces. Le capitan Alex ciara de tignì la scuadra alta por che i atacanć se fej plö saurì da gestì le pal sënza subì ripartenze. De gran ocajiuns ne éle dl pröm tëmp nia stè, da pêrt de Alex E. na trata dal ciantun dl’area ruvada dlungia porta ia y na trata de Stefan sön n pasaje de Alex, gnüda deviada de ciantun.

 


Le pröm tëmp se stlüj jö sön le 0 a 0.



La Val mët man anfat le secundo tëmp sciöche ai à lascè le ćiamp ala fin dl pröm, determinà a sughé bâs y a tignì sö le jüch aversar. I sogadûs ciarà de fa le poscibil por nia se ciafè le gol, che uress bel di tröp por la scuadra. Le sterch mezćiamp aversar ti fej la partida crüdia a Freddy y Stefan, che mëss aretrè y se posizioné bun sënza ester trami in linea y se fa sorpassè. Le gol toma spo do da 10 menüć, sön n lancio dala defenjiun aversara rimbalza le pal dan la defenjiun da La Val, la cogura röia te area y vëgn antizipada dal atacant che ti röia adôs al defensur aretrè a recuperè le pal, le arbiter alda le bòt dl contrast y sciüra insciö le önescmetri. Lukas ne abina nia le pal y insciö se porta le Ritten sön le 1 a 0.

 

Floriani ciara do le gol de impostè n jüch plö offensiv cun l’inserimënt de n atacant inplö y de sughé in trëi amez, al vëgn inc fat val sostituziuns por ti dè nöies forzes ala scuadra. I sogadûs ciara de sughé inant y al ti garêta ince val ocajiun. Marco C. é bun de crossè le pal amez daulache Werner abina le pal al jôre, mo la trata vëgn architada sö da n defensur. Les ripartenze dl Ritten é da spavënt prigoroses, la velozité y la reativité di sogadûs fej gran parüda. Püc menüć dala fin vëgnel segné le 2 a 0 che ti taia les giames ai sogadûs. Le atacant é bun de se smarché al limit dl’area y cun na bela trata abinel le ciantun bâs de porta, Lukas ne à nia poscibilité de abiné le pal. I tentatifs dla scuadra da recuperè le resultat và düc a sbüja y insciö mëssi ti lascè la devënta al Ritten.


Ai 7 de mà dales 20:00 gnarà sughé le ritorno sö Ritten, daulache La Val messarà almanco segné dui goi sënza nun subì por passè ai tëmps regolamentai o önescmetri.


In dumënia ai 27 de aurì él la partida de campionat cuntra le Olang sön le program. Al vëgn sughé dales 16:00 sön le ćiamp da Olang.

 

 

Formaziun titolara: Lukas Eder, Egon Frenes, Alex Alton, Paolo Vallazza, Marco Castlunger, Alex Elzenbaumer, Stefan Sottara, Freddy Sottara, Werner Sottara, Alexander Miribung y Marco Rossini.Unbenannt

Alenadù: Floriani Claudio

 


Sostituziuns:

Adrian Miribung gnü ite imped Alexander Miribung   (60^ menüt)

Felix Nagler gnü ite imped Werner Sottara (70^ menüt)

David Moling gnü ite imped Marco Rossini (70^ menüt)

 

 







Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©