US LA VAL
 
 
     
 

Ritorno Semifinala Copa Provinzia

Stampa PDF

copa2012

Insëra, mercui ai 7 de mà él gnü sughé le ritorno dla semifinala de Copa Provinzia cuntra la scuadra da Ritten. Dô la sconfita te ćiasa por 2 a 0, à la scuadra de Floriani messü porvè la remuntada sön le rî ćiamp a Klobenstein. Ince sce al é gnü desmotrè na gran grinta da remuntè, ne ti é le pasaje dl turno nia garatè ala scuadra.

 

 

In chësc ann ne ti ara nia buté ai sogadûs de rové tla finala sciöche tl ann 2011. La plöia tomada jö sön le têrt dl domisdé à in pêrt alaghé le ćiamp da jüch y à insciö ostacolé le jüch cun le pal bâs dles döes scuadres. La Val é impó buna de mët 2 goi te rëi, la partida se é rovada cun le resultat de 2-2.

La partida mët man bun por i sogadûs ladins, atira vëgnel fat gran presciun dant.
Bel ti pröms menüć é l'arbiter che ne conzed nia n önescmetri netto. Sön na trata al limit de Romeo é n defensur che abina le pal cun la man mo l arbiter ne vëiga degun fal.
Dedô é spo le Ritten che se lascia udëi y va in vantaje cun na bela aziun, le sogadú sön la fascia mët zeruch n bel preparativ por l' atacant che pò apogé le pal te porta. Do le gol é le Ritten che fej jüch y röia plö iadi a contlujin, mo gonot é le pal rové dlungia la porta ia o adôs a Lukas E.. Döes é ciamò stades les ocajiuns por La Val dan la fin dl pröm tëmp. Üna de chëstes é stada le gol, cun Dorigo che à albü na buna reaziun sön n fal dl verdaporta che ne é nia stè bun da se tignì le pal tles mans, y pò insciö apogè le pal te porta. Sciöche secunda ocajiun é stada sön n bel cros de Marco C., le bel pla sön le pé a Dorigo ne vëgn nia trat de porta, le medemo slizia te area.


Le arbiter sciüra la fin dl pröm tëmp sön le 1 a 1.



Les condiziuns dl ćiamp miorëia tl secundo tëmp, l'ega sön le terëgn se asüia n pü sö y ara va indo da tignì le pal bâs. Le arbiter é ince protagonist y de chësta partida y da sò contribut a pegioré la situaziun. Ince dla secunda pêrt dla partida vëgnel sciüré n grüm de fâi inejistënc.
A mez le secundo tëmp tomel spo le secundo gol por le Ritten, sön na trata dal limit dl'area ti sciampa a  Lukas E. le pal fora dles mans y röia bel plan te porta. Sëgn é la situaziun y le pasaje dl turno ciamò plö rî por La Val. Al vëgn impó ciarè de tigni le pal alt y de rové dan porta cun inserimënć jö por les fasces. Insciö é Alex E. che fej, al röia jö insom al ćiamp y mët n bel pal bâs amez por Dorigo, chësc controlëia le pal y tla mischia él bun de trà te porta.
Ti ultimi menüć é ciamò le Ritten che é prigorûs, cun n atacant che atoca la stangia de porta cun na bela trata al jore.
Dan la fin dla partida é ciamò Romeo che sfiorëia la devënta sön na trata dal ciantun. Al abina le pal de cé che rimbalza naota ia por tera y rüva spo de püch dlungia porta ia.

Cun le sciüre dl'arbiter é la speranza de ruvé te finala de Copa Provinzia che sparësc por la scuadra ladina.

I sogadûs pò ester capazi de avëi arjunt do n grüm de devëntes la semifinala, a düta la scuadra ti va i complimënć por i bugn resultać che al é gnü arjunt te chesta Copa. Dô che al é gnü davagné la Copa tl 2011 ti dà la scuadra vigni ann na gran importanza a chësta competiziun, al é dessigü ince na ocajiun por se mosoré cun scaudres di atri gironi. La scuadra da Ritten pò se enconfortè da sughé la finala ai 8 de jügn sön le ćiamp de St. Johann.


In dumënia ai 11 de mà él la partida de campionat cuntra le Mühlwald sön le program. Al vëgn sughé dales 16:00 a Mühlwald.

 

 

Formaziun titolara: Lukas Eder, Egon Frenes, Alex Alton, Paolo Vallazza, Werner Sottara, Marco Castlunger, Max Nagler, Romeo Rubatscher, Alex Elzenbaumer, Emanuel Dorigo y Alexander Miribung.

Alenadù: Floriani Claudio

 


Sostituziuns:

Micky Frenes gnü ite imped Alexander Miribung  (45^ menüt)

Stefan Sottara gnü ite imped Max Nagler (75^ menüt)

 

 

 







Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©