US LA VAL
 
 
     
 

8ª partida de campionat rit. - Mühlwald

Stampa PDF

Immagine

In dumënia ai 11 de mà él gnü sughé la otava partida de campionat fora de ćiasa cuntra la scuadra da Mühlwald. Ince sce les condiziuns dl ć iamp ê plö da nodadoia, é l'arbiter che à impò tut la dezijiun de sughé la partida. A la fin é les döes scuadres che se partësc i punć do na gran batalia de paltan y ega.

 


A La Val ti é bastè arjunj chësc punt por se assiguré le secundo post dla tlassifica y sce ara restarà insciö la situaziun, arà la scuadra azes ai spareggi cun la poscibilité de jì sö de categoria, chisc gnarà sugà do le campionat. Te chësc fin dl'edma é le Mühlwald l'aversar, na bona scuadra cun de bugn sogadûs, plazada al terzo post de tlassifica.

Passun ala partida, sciöche bel scrit, ciara fora le "Waldstadion" da Mühlwald sciöche na nodadoia, i gran lê
ć de ćiamp ne permët nia da sughé le pal bâs.
Bele ti pröms menü
ć suzedl n gran cajin te area da La Val, l'arbiter vëiga n fal de man da pêrt de n sogadù da La Val y sciüra l'önescmetri. L'arbiter ne à nia udü dërt dô la minunga de düć i sogadus y sostenidûs. Le pal ti é ruvé sön la man a n sogadù aversar. Nia da nun fa, le atacant Maurer se prejënta dan Sepl K. y sighlëia le pröm gol.
I sogadûs disfid
ënć desmëntia l'episode y süga inant. Le jüch bâs é prësc asënt a gauja dles condiziuns dl ć iamp, sön vigni pal vëgnel porchël combatü y an prô de tigni le pal alt y de trà sön porta.
N bel inserimënt de Micky porta a mez le pröm t
ëmp la parité a La Val, al punta le defensur y mët n bel pal amez por Alex E.. Chësc ne abina nia le pal mo al é n defensur aversar che deviëia le pal te söa porta. Le resultat é indô in parité. Dan le pröm tëmp é ciamò da recordè na puniziun de Maurer che abina le set de porta, sön chësta trata é Sepl ciamò bun de devié le pal sura porta fora. Atres ocajiuns ne gareta nia plö dan la fin di 45 menüć.



Le pröm tëmp se röia spo sön le 1-1 y i sogadûs pò jì a palsè y se asuié!



Tl secundo tëmp é Floriani che cambia modulo, la scuadra süga plö offensiv por chirì le secundo gol.
Le sterch atach dl Mühlwald mët a düra proa la defenjiun ladina, do da 20 menü
ć é le medemo Maurer che fej la doplëta, la defenjiun ne é nia buna de trà sö le pal y insciö él bun di antizipé y de ruvè sù dan le portier Sepl, la bela trata bâsa röia sön le palo lunch. 2 a 1 por le Mühlwald. Ti proscimo menüć é la scuadra de ćiasa che detëia i ritmi, la defenjiun y Sepl à n gran laûr y ciara de dè jö plö pai poscibli al atach che stënta de tigni le pal y de rové a contlujiun, insciö ti gareta n gröm de ripartenze ai aversars, che anüza les ocajiuns y devënta três plö prigorûsc.
Sön na trata dal ciantun por La Val é por le pröm iade ince Paolo V. che se alza y se posizionëia te area adüm ai atacan
ć. Le pal che röia alt amez vëgn abiné de cé dal indemo y röia sot la stangia de porta ite. Le pal vëgn ciamò devié sön la riga de porta mo le arbiter conzed le gol, la cogura e bel dait ala riga. Na gran ligrëza por Paolo che sëgna sò pröm gol de chësta sajun y porta le resultat ala parité.
Na ocajiun à ciamò Micky atira dedô, sön na bela combinaziun cun Alex E. ciafel n bel pal sön le pé al limit dl'area, la trata bâsa ti röia indêre adôs al portier. Dan la fin dla partida mëss ciamò la scuadra ladina soffrì sön val trata dal ciantun y dal limit dl'area, sön vignüna él gnü defenü bun.
Le arbiter sciüra spo la fin dla partida, da recordè ince che la scuadra ladina é gnüda dër penalisada dals dezijiuns dl'arbiter te chësta partida
.


Le resulat final do chësta bela batalia é de 2-2. I 44 pun
ć ti assigurëia le secundo post a la scuadra da La Val. Ala fin dl campionat falel ciamò 3 partides, daulache i sogadûs ciararà de dè so miù por portè a ciasa trëi devëntes!



La proscima partida de campionat é in sabeda dales 17:00 indô fora de
ćiasa cuntra la scuadra da Aicha.

 

Formaziun titolara: Sepl Kantioler, Werner Sottara, Alex Alton, Paolo Vallazza, Elmar Valentin, Marco Castlunger, Max Nagler, Stefan Sottara, Alex Elzenbaumer, Micky Frenes y Romeo Rubatscher.

Alenadù: Floriani Claudio

 


Sostituziuns:

Felix Nagler gnü ite imped Werner Sottara  (65^ menüt)

Alexander Miribung gnü ite imped Romeo Rubatscher (70^ menüt)

Adrian Miribung  gnü ite imped Micky Frenes (70^ menüt)

 

 







Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©