US LA VAL
 
 
     
 

9ª partida de campionat rit. - Aicha

Stampa PDF

IMG_5339

In sabeda ai 17 de má él gnü sughé la nona partida de campionat de 3ª categoria indô fora de ćiasa cuntra la scuadra da Aicha. Ince sce La Val pò sperè tla promoziun cun les partides de dezijiun, ne éle gnü lascè degügn punć sön le bel ćiamp a Aicha. La Val porta a ćiasa la devënta por 2 a 1.

 

 


Les condiziuns dl ćiamp é otimales, n pü demanco le vënt, che fej indirizé le pal de vigni vêrs y mët a düra proa i sogadûs. Da nia se desmentié les dezijiuns arbitrales, che vëgn influenzades por döta la partida dai scrai dl publich y suradöt dai scrai di sogadûs. La scuadra de Floriani cunësc bel bun le Aicha, do avëi sughé ince te copa decuntra. Ince sce le Aicha é plazada al ultim post él gnü mostrè da pêrt süa na gran determinaziun a combat cina ala fin dla partida.

La partida mët man bun por la scuadra ladina, ince sce le pal é tröp tl’aria, é i atacanć bugn de tigni sö le pal y jì cuntra porta. Al ne passa nia tröp tëmp che Emanuel D. fej bel le pröm gol. Al é bun de puntè 2 defensurs y se porta insciö da na pêrt it cuntra porta, la trata ti rüva sura le će dl portier ite. Les fasces fej ince n gran laûr, três vegnël puntè le defensur aversar y tut spo la strada plö cürta cuntra porta. Alex E. atoca ince insciö la stangia de porta dô n bel assist de Alexander y n bel inserimënt amesa l’area. Le jüch dl’Aicha se basëia tröp sön lanci dla defenjiun cuntra porta, daulache le atach sterch ti dà laûr al portier Lukas. De beles combinaziuns vëgnel lascè udëi ca dant, mo le ultim pasaje che pudess ester fatal, ne ti gareta nia ai sogadûs. A Alexander ti vëgnel ince anulè n gol por forajüch, dassën tl dübe, sön n rinvio dl portier é Alex E. che abina le pal al jore püch sura le mezćiamp, la bela trata vëgn architada sö da Alexander che se ôsc y cun na trata basa fejl balè la rëi. Nia da nen fà, le gol vëgn anulè.

Dan la fin dl pröm tëmp é Marco C. che fej na bela suraposiziun y va da na pert jö cuntra porta, le verdaporta dl’Aicha prô dal anticipé, ti röia adôs y sciüra le defensur sot y sura. Le arbiter ne vëiga degun fal y ne sciüra nia le önescmetri. Marco é ia por tera mo les protestes da pêrt de düć i sogadûs ne porta a nia, sön chësc episode ne é la dezijiun arbitrala nia stada dërta.


Le prom tëmp se röia sön le 1 a 0 por La Val, te chësta pêrt dla partida à La Val albü plö ocajiuns por stlü jö la partida.


Le secundo tëmp é plö rich de aziuns y ocajiuns. Atira ne garetêl da trames döes pêrts gran tröp. La pröma ocajiun é le Aicha che à, sön chëra che al vëgn segné le gol. Sön na puniziun dal ciantun röia le pal sura Lukas fora y abina la stangia de porta, le pal ti röia sön le pé a n’atacant che pò insciö l’apogé te porta. Sëgn é i sogadûs da La Val che ciara de fa jüch y atachè la porta. Bele dô le gol él n mioramënt dl jüch a mezćiamp, al vëgn indô sughé cun le pal bâs y cun de bí pasaji in profondité é les fasces che röia plö iadi a contlujiun. Le portier dl’Aicha é bun da cöi fora na bela trata sön punizun de Micky. Le pal é indirizé dlungia le palo it mo le verdaporta é ciamò bun de le devié dlungia porta ia. Le medemo Micky porta spo le secundo gol a La Val, sön n assist da mezćiamp él bun de superé le defensur y cun na bela trata bâsa dlungia le palo it ne ti dal in chësc iade degüna ocajiun al portier da parè. 2 a 1 por La Val y na gran grinta laprò a chirì le terzo y de stlüj jö insciö la partida.

Amez le secundo tëmp é Freddy S., apëna rové te ćiamp che vëgn desgort cun la cherta cöcena. A jüch chìt é n atacant ia por tera che ti tëgn les giames a Freddy cun les mans. Sön chësc él Freddy che prô da se delibrè y avisa te chël mumënt é le arbiter che vëiga la reaziun cun na pedada dl centrocampist. Al ne pënsa nia dô dui iadi a tra fora le cherta cöcena.  

La Val rischia ciamò n iade sön n retro pasaje massa cürt de n sò defensur al portier, Lukas fej chilò n gran antizip y ne lascia nia trà te porta. L’ater iade, a un n menüt dala fin é Lukas che sbaglia n rinvio, le pal ti röia sön i pîsc al atacant, mo la trata ne röia por fortüna nia te porta.

Sön chësc é le arbiter che sciüra la fin. Trëi bugn punć portà a ćiasa.

 

La Val resta al secundo post cun 47 punć, do le Rina três a će dla tlassifica



La proscima partida de campionat é in domënia dales 16:00 te
ćiasa cuntra la scuadra da Prettau.

 

Formaziun titolara: Lukas Eder, Egon Frenes, Alex Alton, Paolo Vallazza, Marco Castlunger, Max Nagler, Stefan Sottara, Alex Elzenbaumer, Micky Frenes, Emanuel Dorigo y Alexander Miribung.

Alenadù: Floriani Claudio

 


Sostituziuns:

Werner Sottara gnü ite imped Egon Frenes  (45^ menüt)

Romeo Rubatscher gnü ite imped Alexander Miribung (45^ menüt)

Freddy Sottara  gnü ite imped Max Nagler (60^ menüt)

Felix Nagler gnü ite imped Alex Elzenabumer (80^ menüt)

Marti Ploner gnü ite imped Micky Frenes (90^ menüt)

 

Resultać dles atres partides: RESULTAĆ

IMG_5341 IMG_5342 IMG_5343 IMG_5344 IMG_5345

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©