US LA VAL
 
 
     
 

11ª y ultima partida de campionat rit. - Neustift

Stampa PDF

dfs

Incö, domënia ai pröms de jügn, él gnü sughé l'ultima partida d campionat por la scuadra de 3ª categoria da La Val, fora de ćiasa cuntra la scuadra da Neustift. Na partida dër combatüda y miritada dla pröma pêrt, mo plö sofrida tl secundo tëmp. Ala fin é trames scuadres che se partësc i punć, cun le resultat de 1 a 1.

 


Te chësta ultima partida vëgnel tignì a palsè val sogadûs por recuperè forzes y por nia rischìé amoniziuns che podess ester fatales por les partides de dezijiun. Floriani à arjigné impò na buna scuadra, che à fat bela parüda y tëgn bòt ala scuadra aversara. La partida mët man nia mal por La Val, che tëgn le pal bâs y lascia udëi de beles combinaziuns danter mezćiamp y atach. Stefan à na buna ocajiun sön na trata dal ćiantun, la trata al jôre ti röia adôs al portier che le rebat fora. Dedô é spo le pröm gol dla partida che toma, le atacant dl Neustift se infiltrëia da na pêrt it y mët n bel preparativ amez por le compagn che cun na bela trata bat le verdaporta Luki. 1 a 0 por le Neustift. Al 35ejim é spo le gol dla parité che toma. Sön n cross n pü massa lunch de Alexander é Alex E. che röia lassura mo atoca la stangia de porta, Romeo é sot porta y rebat le pal tla rëi. Le resultat é indo a parité y le jüch va inant. Dan la fin dl pröm tëmp é inc ciamò le zentrocampist Felix N. che á süa ocajiun, sön n bel preparativ de Alex E. röia Felix al limit dl'area mo la trata de püch sura porta fora. La plö gran ocajiun é spo ciamò Alex che à, al é bun de superé la defenjiun y va sù cuntra le verdaporta. La bela trata ti röia tles mans dl portier, nia da nen fà, la rëi ne se möia nia plö dan le sciüre dl arbiter.


Le pröm tëmp se röia sön le 1-1. N gran ćialt sön le ćiamp, i sogadûs y cuntënć de podëi ji a se rinfreschè!


N secundo tëmp che fej plö sofrì la scuadra ladina. Le defenjiun nöia de chësta partida conzed val ocajiuns ai aversars che röia ince a contlujiun, mo sënza segné. Sön les situaziuns standard é i sogadus dl Neustift dër prigorûsc. Tosc é le atacant Alex E. che mëss lascè le ćiamp sön burt intervënt sön la ciaidla de n aversar. Al é le portier Sepl K. che tôl sò post. Da tignì sö le pal ne vara nia plö cîs y l'alenadù é sforzè a cambié modulo. Ciamò Stefan à na ocajiun sön n bel preparativ al limit dl'area da pêrt de Alexander M., mo la trata röia sura la stangia de porta fora.

Felix é le secundo a lascé le ćiamp, sön n intervënt se fejel mè al l polpaccio y ne é nia plö bun de sughé inant, chësc vëgn sostituì cun le terzo portier Raimund. Ti ultimi 10 menüć é les forzes y la luzidité di sogadûs che lascia dô, ara ne va nia plö da impostè le jüch y an ciara de defënn bun. Le arbiter sciüra la fin, na partida dër patita por i sogadûs, che lascia le ćiamp cun dui infortunà mo cun un n punt de gaiofa dër asuié. Sëgn él spo da recuperè les forzes por les partides de dezijiun. Cun chësc fin dl'edema se stlüj ince jö les partides de campionat de chësta sajun.

Na beliscima sajun por la scuadra da La Val, che à arjunt bun 51 punć tl rode C, cun 16 partides davagnades, 2 partides jüda fora ala pêr y 3 pordüdes. De gran complimënć ti va a düta la scuadra y a sò alenadù Claudio, por l'impëgn desmostrè y por i bì resultać portà a ćiasa. N secundo post plö co merité. Ma insciö inant!!


Sëgn che le campionat 2013/14 é definitavamënter stlüt jö, à la scuadra da La Val ma plö un n travêrt. Da odëi saral le resultat dla finala de Copa Provinzia danter le Ritten Sport y le Franzensfeste, che sarà fondamental por les partides de dezijiun. Tl cajo che le Ritten ess da avëi la miù sön le Franzensfeste, gnaral sughé 2 partides sëćes, danter les 3 scuadres al secundo post di rodi A,B,C de 3ª categoria y le Ritten. Les scuadres che arà la miù te chëstes döes partides jarà sö te categoria.

In cajo che le Franzensfeste ess da portè a ćiasa la finala ne arà chësta scuadra nia plö bria de se sughé fora les partides de dezijiun por la promoziun. Chësta scuadra é rovada pröma te sò rode de 3ª categoria y à podü insciö bele festejé la promoziun dan la finala de Copa Provinzia. Te chësc cajo gnaral tignì n triangolare danter les scuadres secundes di rodi A,B,C de 3ª categoria cun la poscibilité de promoziun de 2 scuadres sön trëi.


In injunta pon ciafè informaziuns plö avisa sura les partides de dezijiun y i dis che al gnarà sughé (le ćiamp daulache al gnarà tignì les partides gnarà publiché plö inant) : spareggi.pdf

In cört n pice chêder cun les partides y i resultać de chësta sajun 2013/2014, da alzè fora é le bun travêrt dla defenjiun da La Val, che à ma lascè ite 18 goi te chësc campionat: resultać


Formaziun titolara: Lukas Eder, Egon Frenes, Werner Sottara, Marco Castlunger, Elmar Valentin, Stefan Sottara, Max Nagler, Felix Nagler, Alex Elzenabumer, Romeo Rubatscher y Alexander Miribung.

Alenadù: Floriani Claudio

 


Sostituziuns:

Martin Ploner gnü ite imped Egon Frenes  (45^ menüt)

Sepl Kantioler gnü ite imped Alex Elzenbaumer (70^ menüt)

Raimund Rubatscher  gnü ite imped Felix Nagler (80^ menüt)

 

 

Resultać dles atres partides: RESULTAĆ

IMG_5489 IMG_5490 IMG_5491 IMG_5495 IMG_5494

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©