US LA VAL
 
 
     
 

Wengen by night 16˚ edition - resultać

Stampa PDF

IMG_6050

Tla nöt danter i 12 y i 13 de messè él gnü organisé dal’Uniun Sport Amatoriala La Val la 16. ediziun dl torneo dla nöt. Inće sce por gran pêrt dla serada él tomè la plöia y les  temperatöres ê plütosc frësches, à la manifestaziun, che é oramai devantada n apuntamënt tradizional a mez messè de vigni ann, albü n bun suzès. Le numer de scuadres che s’à scrit ite é en chësc ann stè 16, en confrunt ales 20 dl’ultim ann.

Read More

 

 

 

 

Chësta ediziun é gnüda davagnada sciöche ince en l’ann passè, da na scuadra da La Val che é stada buna da se afermè cuntra les atres scuadres proveniëntes dantadüt dala Val Badia mo ince da foradecá.

La manifestaziun à metü man la sabeda dales 6 da sëra cun les partides de cualificaziun y s’à stlüt jö cun la finala sogada dô les 3 daduman. Tratan che al gnê soghé söla plaza dal palè, podô i spetadus se divertì a ritm de müjiga tla tenda metüda sö dan le bar sport. N gran  giulan ti và ai volontars dl’Uniun dl Sport, che à fistidié por düta la nöt da apraté de bun patüc da mangé y da dè fora da bëre por düć.

Les scuadres é gnüdes partides sö te cater rodi da cater, olache vignüna à messü soghé cuntra les atres trëi. Mâ les prümes döes scuadres de vigni rode podô soghé inant söi prüms posć, les atres döes sogâ inant sön le "pozer", na sort de rode de consolaziun. Tles 24 partides de cualificaziun anse odü deplü partides cun resultać tlêrs y cun tröc goi tomà. Les partides a eliminaziun che é spo gnüdes sogades dô les önesc inant é spo stades plü combatüdes, cun resultać dërt strënć y cun ma un o dui goi de desfarënzia.

Tla gran finala é rovada la scuadra da La Val “I Frusins”, dô avëi batü tla semifinala la scuadra pustra “Baking Bread” por 7 a 1. La finala é stada dër combatüda, mo ala fin à spo la scuadra de ćiasa  albü la miù ai önescmetri cuntra la scuadra da Steinegg “Olgamachslocha”, davagnan por 4 a 3. Le pozer é gnü davagné dala scuadra “I Mixeri” da Al Plan. La finala por le terzo post é gnüda davagnada dala scuadra ladina “Wuaka Wuaka”.

Incër les cater daduman, do ch’al é gnü stlüt jö les les partides de finala, él spo gnü tignì la premiaziun. Le presidënt dl’U.S. La Val Alex Alton ti à surandè a les prümes scuadres les copes y sambëgn inće i premi en scioldi.


Ringrazié oressen particolarmënter i sponsors, che à de n sostëgn finanziar a chësta manifestaziun:  L’Après Ski-Ostaria L’Murin a Corvara, la Cassa Raiffeisen Val Badia y Studio Verginer - SE.VE.

Por fortüna ne éle nia stè da anotè gran infortunns a sogadus, n bel giulan ti va por chësc  ince ai volontars dla Crusc Blancia da La Ila, ch’à indo fat sciöche vigni ann le sorvisc de prüm aiüt. Ciamò n iade n gran giulan ti va a düc chi che à de sò contribut por  fa garatè ince in chësc ann le torneo de nöt a La Val.

Chilò dessot pon ciafè i resultać de chesta ediziun dl torneo de nöt y le linch por ti ciarè a les foto:

 

-> RESULTAĆ GIRONI

-> RESULTAĆ FINALI

- >  FOTO (facebook - U.S. La Val)

 

Murin vector seve

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©