US LA VAL
 
 
     
 

Sajun dl palè 2014-15

Stampa PDF

IMG_6060

Le scomenciamënt di campionać dl palè 2014 - 2015  é três plö daimprò y i sogadûs se alenëia bel cun gran impëgn por fa garatè na bel sajun. Bëgn set é les scuadres in chësc ann daulache al süga sogadûs da La Val. Te chëstes é ince la scuadra di "Altherren", che é jüda in chësc ann da mët indô impé y alenada da Davide Moling.

 

 

 

La nöia sajun vëgn três plö daimprò y les scuadres s'é da bel da fa por rovè bun preparà al scomenciamënt dles partides da d'altonn. Na gran novité in chësc ann é dessigü la scuadra di "Altherren", che é indô jüda da mët impé do val agn, de chësta scuadra fej pêrt sogadûs ince da atri paîsc dla Val Badia. Al é stè Davide Moling che à surantut le laûr de alenadù de chësta scuadra. Ai Altherren ti va les miûs aodanzes da pêrt dla Uniun por na buna garatada dl campionat 2014-2015.

La scuadra de 3a categoria é ince indô motivada a mët man le nü campionat, le salt ala 2 categoria ne ti é nia garatè ala scuadra tla ultima sajun, la determinaziun a fa le salt de cualité é insciö ciamò plö grana. Floriani Claudio é gnü riconfermè alenadù dla scuadra. Bele da 3 edemes se alenëia la scaudra plö iadi al'edma y te chësc fin dl'edma él gnü tigni n pic ritiro de dui dis a San Ćiascian, plö avisa ite al Sass Dlacia, daulache la scuadra à passè la nöt in tenda. Tartan chisc 2 dis él gnü tignì n alenamënt danmisdé y domisdé, três sön la plaza dl sport a La Ila y a San Ćiascian. La domënia dales 17:00 él spo gni tignì n'amichevole de contlujiun di dui dis a La Val, cuntra la nöia scuadra di Altherren. Chësc "mini ritiro" é dessigü ince stè na bela ocajiun por imparè a conësc i nüs sogadûs jogn dla scuadra. L'Uniun ti aôda ince a vëi na buna integraziun tla scuadra y de beles sodesfaziuns.

Ince in chësc ann era jüda da partì sö i sogadûs jogn y manco jogn da La Val pro scuadres dl'alta y dla bâsa.

Chëstes é in cürt les scuadres di mituns daulache al sugarà ince i sogadûs da La Val:


U - 10 (scuadra La Val)

U - 11 (scuadra S. Martin - La Val)

U - 13 (scuadra S. Martin - La Val)

Giovanissimi (scuadra Val Badia)

Allievi (scuadra Val Badia)


Le program dles partides dla nöia sajun 2014 - 2015 gnarà publiché plö inant. A dütes les scuadres les miûs aodanzes por i campionać dl palè.

 

IMG_6062 IMG_6042 IMG_6055

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©