US LA VAL
 
 
     
 

1ª partida de campionat - Niederdorf

Stampa PDF

IMG_5638

Inier domënia ai 31 de agost él gnü sughé la pröma partita de campionat por la scuadra da La Val, che vêl ince sciöche pröma partita ofiziala a gauja dla partida de Copa dl’ultim fin dl’edma, rinviada por impraticabilité dl ciamp. Chësta partida é gnüda rinviada a in mercui ai 3 de setëmber y gnarà sugada fora de ćiasa sön le ćiamp a Prettau, três cuntra le Mühlwald.

 

 


Le pröm vare te chësta nöia sajun dl palè por la scuadra de Floriani é positif, te ćiasa davagna la scuadra por 1 a 0 cuntra le Niederdorf y pëia insciö atira ia bun cun 3 punć. Ince sce la prestaziuna dla pröma partida de campionat ne é nia stada üna dles miûs, ti era impò garatada a segné n gol y de avëi la miù sön la scuadra aversara.


La partida mët atira man cun 2 ocajiuns d’ôr por l atach ladin, üna cun Alexander M. che ciafa n bel pal da Micky y se tira ite cuntra area, Alex E. röia da na pert jö cuntra porta mo Alexander ne le vëiga nia y preferësc insciö trà te porta, la trata vëgn indere architada sö dal portier. Le protagonist dl’atra gran ocajiun é Emanuel D., che ciafa n bel assist dal centroćampist Stefan, bel sù cuntra le portier, ne él nia bun de se controlè le pal, che ti sciampa danfora y vegn insciö antizipé.

Tl’atra pêrt dl prom tëmp él I sogadûs che se stënta a impostè le jüch y sbaglia tröć pasaji saurîsc, val iad cun trö massa prescia y val iad sënza punsè. Le pal é ince deplö tl’aria co ia por tera y insciö é le bel jüch che la scuadra à lascè udëi tla sajun da denant, dal döt assënt.


Le prom tëmp se röia a rëis inviolades.


A mët man dl secundo tëmp él düt n’atra scuadra sön le ćiamp, agresiva y conzentrada. Les parores de Floriani amesa le prom tëmp fej faziun. Atira vëgn les secundes pales abinades a mezćiamp y vigni pal vëgn gestì cun calma y prezijiun. I sogadûs aversars vëgn antizipà y la scuadra é buna de se alzè a sostëgn dl atach. Le jôn Marco Sottara, cun le esordio pro le U.S. La Val à bel atira lascè udëi sües cualitês. Apëna rové te ćiamp dô le prom tëmp, él bun de delizié Dorigo cun n bel assist âlt, chësc ultim scavalchëia le portier cun n bel palonët y porta insciö le vantaje ala scuadra de ćiasa. Dô le gol por cört tëmp é ciamò i sogadûs da La Val che detëia I ritmi, Marco S. à ince ciamò na ocajiun da gol, Dorigo ti dà zeruch le plajëi da denant cun n bel assist orizontal al limit dl’area, la bela trata bâsa vëgn indere rebatüda dal portier.

Bel plan é spo indô le Niederdorf che se lascia udëi y devënta prigorûs, ai davagna n grüm de puniziuns al limit dl’area y trates dal ciantun. Sön vigni trata é la defenjiun da La Val conzentrada y röia scialdi denant sön le pal. Dan la fin dl secundo tëmp é ciamò Manuel S. “Zaupo” che à na pala gol sön le pé. Te n gran cajin anter le defensur y le portier aversar ti sciampa le pal a chisc y Zaupo é bun de ti sciampè, al mëss indere aretrè mo cun n bel palonët scavalchëiel ciamò la defenjiun, por gran desfortüna röia le pal sön la stangia de porta, na bela ocajiun che ess podü stlü jö la partida.

Dô püć menüć sciüra l’arbiter la fin. La Val se mët te gaiofa trëi punć y scomëncia insciö bun le campionat. La prestaziun dla partida ne é dl prom tëmp nia stada cis buna, na gran sodesfaziun dal atra pêrt é stada da odëi I nüs sogadûs che à de n gran contribut al garatè dla partida.

 

La scuadra da La Val süga la proscima partida de campionat in domënia ai 07 de setëmber dales 16:00 a Olang cuntra la scuadra de ćiasa.

Le recuper dla partida de Copa Provinzia é in mercui ai 03 de setëmber dales 20:00 sön la plaza dl sport a Prettau cuntra le Mühlwald. La partida de retüda é spo le proscim mercui ai 10 dales 20:00 a La Val.


Formaziun titolara: Elmar Valentin, Paolo Vallazza, Marco Castlunger, David Moling, Alex Elzenbaumer, Stefan Sottara, Max Nagler, Micky Frenes, Alexander Miribung y Emanuel Dorigo.

Alenadù: Floriani Claudio

 


Sostituziuns:

Marco Sottara gnü ite imped Alexander Miribung  (45^ menüt)

Freddy Sottara gnü ite imped Max Nagler (65^ menüt)

Manuel Stampfer gnü ite imped Emanuel Dorigo (70^ menüt)

Adrian Miribung gnü ite imped Alex Elzenbaumer (75^ menüt)

 

Resultać dles atres partides: RESULTAĆ






Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©