US LA VAL
 
 
     
 

Copa Provinzia - andata cuntra Mühlwald

Stampa PDF

copa2012

Na partida particolara chëra de Copa Provinzia da insëra, gnüda recuperada sön le ćiamp da Prettau a gauja dla impraticabilité dl ćiamp a Uttenheim (daulache al foss gnü sughé ai 23 de agost). Ince sce le scomenciamënt dla partida é preodü dales 20:00 , é i 90 menüć impormò ruvà incër mesa les dodesc por deplö gaujes. La Val mëss sun jì sënza devënta a ćiasa, dô avëi fat na bela parüda cuntra le Mühlwald.

 

 


La pröma gauja che à determiné le prolungiamënt de chësta sëra é stè le intardiamënt dl arbiter, che s’à prejentè al ćiamp n’ora plö têrt, i sogadûs de trames les scuadres à messè insciö dè sö le riscaldamënt por indô mët man na mesora plö têrt.

Le diretur röia adalerch y  damana pordonn por le gran intardiamënt, la partida mët spo atira man y al é La Val che fej gran druch. Ti confronć a chësta ultima domënia, aél da odëi na gran desfarënzia, nia ma tl bel jüch bâs mo ince tla determinaziun a mioré y lascè udëi indô les cualitês dla scuadra.

Ti proms 20 menüć ne vëiga i sogadûs da Mühlwald prësc degun pal, I centroćampisc é bugn de partì fora de bí pai ales fasces, daulache Alex E. y Micky é scialdi três bugn tl un cuntra un de sciampè y jì a contlujiun. Al ne passa porchël nia tröp che Alex sbloca le resultat cun n bel gol. Alexander M. deliziëia le atacant cun n bel pasaje âlt, chësc é bun de superè le defensur cun na bela morvëia, sù dan le verdaporta tira chësc na bela trata che ti röia sot les mans ite. Gran esultaziun por n bel gol de Alex. Bel plan é spo ince i aversars che se lascia odëi. Sön les situaziuns standard, dandaldöt sön les trates da ciantun é i aversars prigorûsc. A 15 menüć dala fin dl pröm tëmp é l’atacant aversars che ti sciampa sön n bel assist ala defenjun ladina, le portier Julian ne é nia plö bun dl archité sö y insciö pò la scuadra da Mühlwald esulté por la parité. Dedô é ince la scuadra de Floriani che pêrd n pü la conzentraziun y conzed  massa lêrch ai aversars. Al ne passa nia tröp tëmp che al ti garêta le secundo gol. Sön na puniziun cuntra porta röia n atacant denant sön le pal y pò insciö le apogé te porta, na picia scincunda ala scuadra da Mühlwald che vêl le vantaje.

Dan le sciüre dl pröm tëmp ti pudessera garetè ciamò a Alex a portè le resultat a parité, tla medema posiziun da denant ti sciampel ala defejiun mo la trata in chësc iade vëgn rebatüda dal verdaporta.


Le pröm tëmp se rüva sön le 2 a 1 por le Mühlwald.


Al scomenciamënt dl secundo tëmp é spo indô i sogadûs da La Val che detëia i ritmi, al vëgn druché sön les fasces por ruvé dan porta a chirì l’inserimënt di atacanć cun de bì preparatifs. Le ultim pasaje ne röia indêre nia três a bun fin.

Sciöche sce al ne ess nia bastè la retard dl arbiter, do da 6 menüć dl secundo tëmp, é ince les lüms dl ćiamp a Prettau che se destüda, i sogadûs mëss indô aspetè y la conzentraziun va ince indô a pêrd. Dô 15-20 menüć é l’ilumiaziun dl ćiamp indô chilò y an pò jì inant cun le jüch.

Le alenadû Floriani passa a n modulo de jüch plö intardiamënt, a ciarè de remuntè le resultat. Ince l’arbiter é protagonist de chësta sera, nia ma por le gran retard, mo ince por la direziun dla partida, n gröm de fai nia sciurà. Te döt le secundo tëmp ne él nia da mostrè sö gran ocajiuns da gol. La scuadra da La Val ne é impône buna de recuperè le resultat.

 

Le arbiter sciüra la fin sön le resultat de 2 a 1 por le Mühlwald. La partida de retüda vëgn sugada le proscim mercui ai 10 de setëmber dales 20.00 a La Val.




Formaziun titolara: Julian Moling, Elmar Valentin, Paolo Vallazza, Max Nagler, Egon Frenes, Alex Elzenbaumer, Stefan Sottara, Felix Nagler, Freddy Sottara, Micky Frenes y Alexander Miribung.

Alenadù: Floriani Claudio

 


Sostituziuns:

 

David Moling gnü ite imped Egon Frenes (70^ menüt)

Manuel Stampfer gnü ite imped Alexander Miribung (75^ menüt)

 

A chësc linch pon ciafè n pice insërat sura la partida da insëra y i resultać dles atres partides : altoadigegol


Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©