US LA VAL
 
 
     
 

2ª partida de campionat - Olang

Stampa PDF

IMG_5638

Te na partida combatüda é la scuadra da La Val stada buna de concuisté trëi punć d’ôr cun n gol segné da Adrian ala fin dl secundo tëmp.  Bel tl pröm tëmp à i sogadus ladins  manacè de realisé plö goi y de stlü insciö jö la partida.

 

 


La partida mët man cun la scuadra da La Val al atach, le pressè y le druch vëgn bel defata premié.

Dô la cher d’ora à Max Nagler sön le pé la maiù ocajiun a sbloché le resultat: Le atacant Emanuel D. salta le defensur y preparëia n bel pasaje amez por Max che röia adalerch. La bela trata a bòt sigü vegn desfantada cun na bela parada dal vedaporta, le pal vëgn ćiamò n iade devié de cé dal medemo mo röia de püch dlungia sach ia. Atira dô é ćiamò le verdaporta da Valdaora che mëss se destrà por devié fora na bela puniziun tl’incrujada da pêrt de Freddy. Dan la palsa él ciamò da alzè fora n’ocajiun d’ôr de Michi, indô él Emanuel che mët le pal amez mo la trata debla de Michi vëgn architada sö.


An va ala palsa sön le 0 a 0.


Tl secundo tëmp é i sogadus dl Valdaora che se fej prigorusc suradöt sön aziuns standard, Sepl K. defënn bun la porta y ne lascia nia sciampè la cogora te rëi. Protagonist dl secundo tëmp é ince stè in chësta dumënia l’arbiter, influenzè dai scrai dl publich y dai sogadûs, deplü dezijiuns é gnüdes tutes cuntra la scuadra ladina.

Ti ultimi 20 menüć é indô i śogadus de Floriani che sorantôl le sceter dla partida y dà dant le ritm. Püch dô ti gareta a Emanuel na bela ocajiun da gol, cun gran furbizia él bun de controlè de piet la cogura lungia de Michi, al salta le defensur y va a contlujiun cun na trata basa che ti röia avisa tles mans al verdaporta.

Al 86ejim é spo le atacant Adrian M., apëna rové frësch te ćiamp, che pënsa a segné le gol dl vantaje. Sön na combinaziun danter le defensur dl Valdaora y le verdaporta, ti sciampa a chësc ultim le pal danfora y Adrian asvélt  é bun dl antizipé  y de spizuré insciö le pal te rëi. Cun le pal che cogora bel plan te sach s’à concretisé la secunda devënta por la scuadra da La Val. (ss)

Valdaora – La Val  0 - 1

 

La scuadra da La Val süga la proscima partida de campionat in domënia ai 14 de setëmber dales 15:30 a La Val cuntra la scuadra da Neustift.

Chësc mercui süga La Val la partida de Copa de retüda te ciasa cuntra le Mühlwald. Sughé vëgnel dales 20:00!


 

Formaziun La Val: 1. Sepl Kantioler, 2. Elmar Valentin (dal 70^ Egon Frenes), 3. David Moling, 4. Paolo Vallazza, 5. Marco Castlunger, 6. Freddy Sottara 7. Michi Frenes (dal 65^ Alexander Miribung), 8. Max Nagler (dal 45^ Felix Nagler), 9. Emanuel Dorigo, 10. Stefan Sottara – capitan, 11. Alex Elzenbaumer (dal 75^ Adrian Miribung)


Alenadù: Floriani Claudio

 

Sostituziuns:

Felix Nagler gnü ite imped Max Nagler (45^ menüt)

Alexander Miribung gnü ite imped Michi Frenes (65^ menüt)

Egon Frenes gnü ite imped Elmar Valentin (70^ menüt)

Adrian Miribung gnü ite imped Alex Elzenbaumer (75^ menüt)

 

Resultać dles atres partides: RESULTAĆ

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©