US LA VAL
 
 
     
 

Copa Provinzia - ritorno cuntra Mühlwald

Stampa PDF

copa2012

La scuadra da La Val passa le pröm turno de Copa Provinzia cun la devënta sön le Mühlwald por 2 a 0 cun Michi che sëgna na doplëta tl secundo tëmp.

 





Dô la sconfita dl ultim mercui ai 03 de setëmber sön le ćiamp a Prettau por 2 a 1, daulache la partida à duré plö de 3 ores por deplö gaujes, à la scuadra lascè udëi indô na buna prestaziun cun deplö ocajiuns da gol. Ti prüms menüć dla partida ne él nia da mustrè sö gran ocajiuns, al vëgn scialdi sughé a mezćiamp y le pal é deplö tl'aria co ia por tera. Ala cher d'ora é le jogn Marco S. che à na gran ocajiun da gol amez aria. Sön na puniziun de Michi abina le sogadù le pal al jore che por desfortüna röia sön la stangia de porta. L laûr di atacanć, che é bugn de tignì le pal âlt, pormët ala defenjiun de avanzè a de sostëgn. Dan le pröm tëmp é ćiamò Michi sön puniziun che tira le pal de püch dlungia la stangia de porta ia.


An va ala palsa cun le resultat de 0 a 0


Le secundo tëmp é plö rich de aziuns y ocajiuns. Atira é i śogadus ladins che fej druch, sön na trata dal ciantun rebatüda dala defenjiun dl Mühlwald röia adalerch Freddy al limit dl aria y splundra le pal de püch sura porta fora. La defenjiun pustra mëss plö iadi spazè le pal demez, a segné le gol dlvantaje ne manćel nia plö tröp. Sön le rinvio da pêrt dl verdaporta Julian vëgn le pal spizuré de cé a mezćiamp, le mandl fosch vëiga n fal sön Michiy sciüra la puniziun. Sön chësc episode  ne conzed le arbiter nia le vantaje por Michi, che foss rove sù dan porta. L atacant Michi, nia a üna cun la dezijiun dl arbiter, se prejënta ala puniziun da 25 metri y bat le portier cun na bela trata tl ciantun bâs dla porta. Le Mühlwald se fej sëgn inant cun inserimėnć dals pêrts ite, mo i preparatifs vëgn scialdi antizipà dala denfenjiun ladina che pò insciö pié sö danü. Le secundo gol toma spo püch dô, sön na spizada de cé de Stefan, röia Michi indô sù dan le portier, chësc ultim ne é nia bun de antizipé le atacant che pò insciö acompagné le pal te porta. Gran esultaziun por Michi che sëgna süa pröma doplëta te chësta sajun. Le druch da pêrt d La Val va inant cun Felix y Manuel S. , le pröm röia te aria sön n bel assist de Michi,mo la trata röia dlungia porta ia, le secundo vëgn sorvì cun n bel pasaje dal medemo  Michi, mo vëgn ciamò al ultim mumënt antizipé dal defensur. Mühlwald les prô ciamò dütes a segné le gol che ti garantis i önescmetri, mo nia da nen fa, la defenjiun tëgn y le resultat ne müda nia. Cun na doplëta y na gran forma te chësta partida é stè sënzater le atacant Michi.


La Val passa insciö le prüm turno de Copa Provinzia. La scuadra aversara dl secundo turno à inom Niederdorf, dô avëi batü la Val Badia por 2 a 0.



Formaziun titolara: Julian Moling, Martin Ploner, Paolo Vallazza, Romeo Rubatscher - capitan, David Moling, Alex Elzenbaumer, Stefan Sottara, Freddy Sottara, Marco Sottara, Michi Frenes y Alexander Miribung.

Alenadù: Floriani Claudio

 


Sostituziuns:

 

Egon Frenes gnü ite imped David Moling (45^ menüt)

Manuel Stampfer gnü ite imped Alexander Miribung (70^ menüt)

Felix Nagler gnü ite imped Marco Sottara (75^ menüt)

Adrian Miribung gnü ite imped Alex Elzenbaumer (80^ menüt)

 

A chësc linch pon ciafè düć i atri resultać de Copa Provinzia: Risultati coppa

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©