US LA VAL
 
 
     
 

4ª partida de campionat - Percha

Stampa PDF

foto_scuadra

La scuadra da La Val condüj in chësc iade a ćiasa n punt sù. Dal mëteman é le Percha che va en vantaje, mo vëgn spo apià tla secunda fraziun. Sön puniziun é Michi che fej balè la rëi.






Les condiziuns otimales y la temperatöra cialdina dla sabeda da denant i à fat da cornisc ala partida cuntra Percha. La formaziun ladina à albü tröpes ocajiuns, deperpo che i aversars n’é nia stà bugn da se fà plü co intan prigorusc. Le prom tëmp é indere stè caraterisé dala mancianza de agresivité da pêrt dla scuadra da La Val.

Jun de revêrs, dal scomanciamënt é le Percha co tôl la partida tles mans, i pasaji dla formaziun ladina röia massa gunot ai aversars y i chisc é bugn denant a lì i movimënć, insciö ti gareta n gröm de ripartënzes. A chësta manîra se portera prò che le vantaje dal Percha gareta al 36^, l’ara ciampa dl Percha mët n bel preparatif amez, le verdaporta Sepl é bun de devié le pal mo atira se prejënta le atacant Hopfgartner te area y splundra le pal te sach. Dan jì a palsè é ćiamò Michi che pro de puniziun cun na bela trata, mo le verdaporta ne à nia dificolté a parè.


Le pröm tëmp se röia sön le 1 a 0 por Percha.


Che i sogadus ladins é bugn de avalié en resultat tla secunda fraziun de na partida, él bel gnü desmostrè cotan de iadi. Dal mëteman dl secundo tëmp é atira le sceter co passa ai ladins, cun determinaziun y le costruì de beles aziuns röia i atacanć dan porta a trà, mo le gol ne ò indere nia ćiamò tomè. Le centrocampist Max Nagler mëss dô 15 menüć lascè le ćiamp, sön n contrast de će s’al procurè na ferida da tâi sura l’edl.

La conzentraziun ne calëia nia y tosc é Michi, plö avisa al 63^, co pënsa a deslié le grop cun n bel gol. Sön na trata de puniziun dlungia le pé de porta ite ne röia le verdaporta nia in tëmp a desfantè le pal. Prigorusc é ćiamò püch do i atacanć pustri, cun n gol anulè dal arbiter por forajüch. Le verdaporta Sepl K., gran protagonist dla partida, ne ti à ti ultims menüć nia plö conzedü de stlü jö la partida.


Percha – La Val  1 - 1


Formaziun La Val: 1. Sepl Kantioler, 2. Martin Ploner, 3. Marco Castlunger, 4. Paolo Vallazza, 5. Egon Frenes, 6. Freddy Sottara, 7. Stefan Sottara - capitan, 8. Max Nagler, 9. Alexander Miribung , 10. Michi Frenes, 11. Alex Elzenbaumer


Alenadù: Claudio Floriani

 

Proscima partida: en domënia dales 15.30 te ćiasa cuntra le Prettau.


Sostituziuns:

 

Elmar Valentin gnü ite imped Ploner Martin (55^ menüt)

Felix Nagler gnü ite imped Egon Frenes (60^ menüt)

Marco Sottara gnü ite imped Max Nagler (60^ menüt)

Manuel Stampfer gnü ite imped Alexander Miribung (65^ menüt)

Adrian Miribung gnü ite imped Manuel Stamper (75^ menüt)

 

Resultać dles atres partides: RESULTAĆ

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©