US LA VAL
 
 
     
 

5ª partida de campionat - Prettau

Stampa PDF

foto_scuadra

Na devënta bindebo asuiada cuntra le Prettau, cun n pale che n’à dî alalungia nio orü ji te sach. La Val romagn inant a ćiaval dla tlassifica.





Sot n cil sarëgn y na temperatöra cialdina é rové le Prettau adalerch a se mosoré cun la scuadra de ćiasa. A confront dles ocajiuns da gol por La Val te chësta partida, é le resultat stè da spavënt megher. Dantadöt le pröm tëmp é stè caraterisé dala mancianza de determinaziun dan porta aversara. Dal’atra pert inće le arbiter, che ti à refodè n gol regular y deplü iadi archité le jüch por posiziuns de forajüch inesistëntes.

Atira dal mëteman  à i śogadus ladins pressè alingrana sön i aversars, por ti impedì da fa jüch. Le palê vëgn soghé plö iadi amesa l’area, mo i cumpagns é scialdi fora posiziun y ne röia insciö a dërt’ora a contlujiun. Al 25ejim é Michi che arlungia n bel pal âlt a Emanuel y cun n bel stach de će apogëiel le pal te sach. Por le mandl fosch ne é le gol indere nia regolar, sön le stach de će é le defensur tomè a tera, i retlams di sogadus cuntra l’arbiter ne ti fej nia mudé minunga, la jüch va inant. Sön piceres dijatenziuns a mezćiamp é le Prettau bun de ruvé plö daimprò a porta, mo le mür ladin é scialdi bun de archité sö l’aziun. Dan le pröm tëmp él ćiamò da alzè fora döes de bunes ocajiuns, üna cun na infiltraziun te area de Alex E.  da na pert ite cun contlujiun dlungia basa porta ia y na bela trata de Freddy dal limit che röia de n pulan dlungia le pé de porta ia.

 

La Val röia zeruch dala palsa cun na gran fan a sbloché le resultat. I centroćampisć se alza a dè sostëgn al atach y al gareta de beles aziuns cun pal bas. Al 60ejim é spo indô Michi, autur dl gol cuntra le Percha tl’ultima partida da medema posiziun, che porta La Val in vantaje sön na trata de puniziun. Al se prejënta al limit dl’area y la trata sterscia vëgn deviada dal mür y cambia insciö direziun, le verdaporta inciurnì pò ma plö ciarè al palê che cogora te porta.

Sön na puniziun é püch dô la defenjiun pustra che ne se capësc nia, Emanuel anüza la situaziun por arubè le pal, mo a püć metri dan porta röia la trata adôs al verdaporta che mëss indere se destrà a parè te dui tëmps. Bel plan vëigen ince les prömes contlujiuns prigoroses dl Prettau, cun l’atacant che ti sciampa ala defenjiun y röia sù dan porta, chilò é le jonn Julian Moling (pröm debut te campionat cun la maglia da La Val) che antizipëia le sogadù y ne le lascia nia trà. Al é da se temëi che dô les ocajiuns falades se ciafon le castighe, mo por fortüna ne se averëia chësta vedla regola dl jüch dl palê nia plö ti ultims menüć. Insciö pò La Val pié dô i trëi punć y restè a će dla tlassifica dô la cuinta partida de campionat. 

La Val – Prettau  1 - 0


Formaziun La Val: 1. Julian Moling, 2. Elmar Valentin, 3. Marco Castlunger, 4. Paolo Vallazza, 5. David Moling (dal 70^ Egon Frenes), 6. Freddy Sottara, 7. Felix Nagler (dal 80^ Adrian Miribung), 8. Stefan Sottara – capitan, 9. Emanuel Dorigo, 10. Michi Frenes  (dal 75^ Manuel Stampfer), 11. Alex Elzenbaumer

 

Alenadù: Claudio Floriani


Gol por La Val: Michi Frenes (al 60^)


 

Proscima partida: en mercui 01 de otober dales 20:00 al ćiamp dl sport "Plans" süga La Val l'andata dl secundo turno de Copa Provinzia cuntra le Niederdorf

campionat: en sabeda ai 04.10 a Aicha dales 18.00 cuntra la scuadra de ćiasa.



Sostituziuns:

 

Egon Frenes gnü ite imped David Moling (70^ menüt)

Manuel Stampfer gnü ite imped Michi Frenes (75^ menüt)

Adrian Miribung gnü ite imped Felix Nagler (80^ menüt)

 

Resultać dles atres partides: RESULTAĆ

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©