US LA VAL
 
 
     
 

2˚ turno Copa Provinzia - andata cuntra Niederdorf

Stampa PDF

copa2012

Insëra, mercui ai 01 de otober él gnü sughé l'andata dl secundo rode de Copa Provinzia por la scuadra da La Val. Sughé él gnü sön la plaza dl sport a La Val cuntra le Niederdorf.

 





Sciöche l'ann passè, à La Val inće in chësc ann incuntè le Niederdorf sön le trù dla Copa Provinzia. Na partida in chësta ôta daldöt nia saurida, cun le gol dl vantaje che toma pormò a püć menüć dala fin.

I śogadus da La Val süga n bun pröm tëmp y bel do püć menüć él bel Adrian che ti sciampa ala defenjiun sön n pal arlungé dal mezćiamp, mo la trata röia dlungia porta ia. Alexander M. mëss bel dô püć menüć lascè le ćiamp a gauja de na strata. Alex E. tôl sò post y atira se prejëntel al limit tl'area a tra na puniziun, la bela trata sëcia vëgn de püch deviada dlungia le pé de porta ia. Le medemo é ince protagonist de na bela trata cuntra porta püch do, chësta vëgn architada sö de man da n defensur aversar, mo le mandl fosch ne à nia odü le fal evident, che ti ess costè le önescmetri ala scuadra Pustra. De döt le pröm tëmp ne é le Niederdord nia stè plö cotan prigorus. Al 35ejim é spo Adrian che porta la scuadra da La Val in vantaje cun n bel gol al jore. La defenjiun spizura de će le pal che röia a Adrian, chësc sighita nia dui iadi y abina le pal al jore sëch te porta.


Ti ultims menüć ne suzedl nia tröp y insciö sciüra l'arbiter la fin dl pröm tëmp sön le resultat de 1- 0 por La Val.


A confront dl pröm tëmp é la prestaziun dla secunda fraziun cotan plö debla. Bel do 10 menüć é na ripartenza dl Niederdorf fatala por  la defejiun ladina. Le atacant röia da na pert ite y mët le pal amez por le compagn che röia adalerch, chësc fala le pal y te na gran confujiun te area abina ćiamò n aversar le pal che cogora bel plan te sach. Le resultat à sëgn arjunt la parité de 1-1 y La Val mëss se sotmët al jüch dl Niederdorf.

Le alenadù Floriani passa spo a n modul plö ofensif cun l'inserimënt de n atacant. Michi à ince süa ocajiun sön n bel assist delizié da pert de Andreas Miribung, a sò debut cun la maglia da La Val. Al ciafa le pal mo la bela trata al limit vëgn ćiamò deviada dal verdaporta te ciantun. A püć menüć dala fin sciüra le arbiter n önescmetri por La Val. Sön n cross de Alex vëgn Stefan antizipé y sburlé a tera. Michi se prejënta sön le punt di önescmetri, le pal da üna na pert y le portier dal atra. 2 a 1 por La Val al 87ejim. Da remuntè le resultat ne purdüj le Niederdorf nia plö. L'andata dl secundo rode va insciö a La Val.

La partida de retöda gnarà sugada ai 15 de novëmber a Niederdorf.

 

In sabeda ai 04 de otober süga La Val la sesta partida de campionat a Aicha cuntra la scuadra de ćiasa, dales 17:00!


Formaziun titolara: Julian Moling, Elmar Valentin, Paolo Vallazza, Marco Casltunger, Egon Frenes, Max Nagler - capitan, Marco Sottara, Freddy Sottara, Adrian Miribung, Manuel Stampfer y Alexander Miribung.

Alenadù: Floriani Claudio

 


Sostituziuns:

 

Alex Elzenbaumer gnü ite imped Alexander Miribung (10^ menüt)

Michi Frenes gnü ite imped Adrian Miribung (60^ menüt)

Andreas Miribung gnü ite imped Manuel Stampfer (65^ menüt)

Stefan Sottara gnü ite imped Marco Sottara (70^ menüt)


A chësc linch pon ciafè i resultać dles atres partides de Copa Provinzia : altoadigegol


Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©