US LA VAL
 
 
     
 

6ª partida de campionat - Aicha

Stampa PDF

foto_scuadra

Te na partida rica de ocajiuns y dominada lunć y lerch, à la La Val albü la miù sön la scuadra da Aicha. I atacanć ladins mët cater iadi le pale te sach aversar.





Na prestaziun ejemplara da pert de düć i sogadus dla scuadra él gnü mostrè l’ultim fin dl’edma sön le ćiamp a Aicha. Le publich rove adalerch por sostegnì la scuadra à podü amiré na bela partida rica de jüch y ocajiuns, cun dui goi che toma bel tl pröm tëmp y atri dui por stlü jö definitivamënter, tla secunda fraziun. La scuadra aversara à dër stentè da se fa prigorosa, ma cun val trata dalunć asi porvè a atochè la porta. Da recordè che La Val à ince batü la formaziun da Niederdorf te Copa Provinzia le mercui dan otedé por 2 a 1.

Bele do le 6^ se prejënta le atacant Alex E. bel sù dan le verdaporta  cun n bel pasaje filtrant da pert de Michi, la trata basa dlungia le pé de porta ite vêl le 1 a 0. Le presciun de düta la scuadra fej inciurnì la defenjiun aversara, che stënta dassënn a tignì sot control le palê. Püch do é Michi che vëgn servì da Alex E. dan porta mo la trata röia adôs al portier. Atres ocajiuns d’or él ćiamò da alzè fora, dütes cun na picia imperfeziun, le ultimo pasaje ne é gonot nia ruvé a bun fin. Mo ćiamò ala fin dl pröm tëmp é l’atacant da La Val Emanuel che radoplëia le resultat: sön na puniziun de Freddy él bun de sciampè al defensur, le portier ne é nia bun de apié la trata y sön la rebatüda apogëia le atacant le palê te sach.


Le mür defensif ladin à te chësta partida fat na bela parüda, architan sö scialdi dütes les ripartënzes aversares cun de gran antizips. Al 55^ é le portier dl Aicha che mëss gnì fora dl’area a antizipé n sogadù, Michi ciafa le palê tra i pîsc y anüza le dërt momënt por trà sura le portier ite, che ne é nia ćiamò rove te süa porta. 3 a 0 por La Val. N ater gran protagonist tla secunda fraziun, adüm a Michi, é sënzater le mandl fosch, che à partì fora n grüm de chertes gheles a trames scuadres scialdi iniüstamënter. Laprò é ince dui śogadus dl Aicha che mëss lascè le ćiamp por soma de amoniziuns. Al ne é nia da se fà de morvëia sce i śogadus te ćiamp é sëgn nervusc.

Le cuarto y ultimo gol de chësta partida toma al 65^, a ciafè le trù dl gol é le medemo Michi , al ti sciampa al’ ultim defensur, sù dan le portier preferëscel scavalchè chësc ultim cun n palonët spetacular. Michi pò esulté por le gran gol y por söa doplëta. Dan le sciüra final é ćiamò le Aicha che se fej prigorus sön na puniziun, Sepl é bun cun döes mans a archité sö la trata. La Val defënn insciö süa posiziun de tlassifica y consuistëia la cuinta devënta te chësc campionat.



Formaziun La Val: 1. Sepl Kantioler, 2. Elmar Valentin, 3. Marco Castlunger, 4. Paolo Vallazza, 5. Egon Frenes, 6. Freddy Sottara, 7. Max Nagler, 8. Stefan Sottara – capitan, 9. Emanuel Dorigo, 10. Michi Frenes, 11. Alex Elzenbaumer

 

Alenadù: Claudio Floriani


Gol por La Val: Alex E. (al 6^), Emanuel D. (al 42^), Michi (al 55^ y 65^)


Proscima partida: en domënia ai 12 otober dales 15:30, śoga La Val te ćiasa le derby ladin cuntra le la Val Badia.


Sostituziuns:

 

Marco Sottara gnü ite imped Max Nagler (70^ menüt)

Manuel Stampfer gnü ite imped Michi Frenes (75^ menüt)

Adrian Miribung gnü ite imped Alex Elzenbaumer (75^ menüt)

Andreas Miribung gnü ite imped Stefan Sottara (80^ menüt)

Martin Ploner gnü ite imped Egon Frenes (80^ menüt)


Resultać dles atres partides: RESULTAĆ

 

Chilò dessot pon ciafè in cürt val statistiches do la sesta partida de campionat 2014/15:

 

statistiche_05.10classifica_marcatori_0510

 

Fontana: www.altoadigegol.it

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©