US LA VAL
 
 
     
 

9ª partida de campionat - Gais

Stampa PDF

1

Te na partida ezitënta cina la fin é la formaziun pustra buna al’ultim menüt de ti tó i trëi punć ala scuadra da La Val, che mëss insciö ti surandè le comane de tlassamënt adüm al Sest.

 

 




La formaziun ladina s’à bel preparè cun gran dediziun ia por l’edema a chësta partida, cosciënć che ara foss stada dezisiva por l’andamënt dla tlassifica. Por le publich na partida emozionanta cina le sciüre dla fin, rica de jüch y ocajiuns. An à ince odü n mioramënt dla prestaziun, ti cunfrunć a chëra mostrada tla penultima partida de campionat.

 

Soradüt tla pröma fraziun él gnü mostrè na gran intesité de jüch, vignì palê vëgn atachè y gestì, rovan da trames les perts a contlujiun. Bel do püć menüć é le śogadù a mezćiamp puster co fej tramoré la porta ladina. Al pro la trata sëcia da 25 metri che vëgn deviada da Julian sö tla stangia de porta, sön la rebatüda é spo le diesc Lanz che se presentëia sù dan porta, mo le palê abiné de će i rüva tles mans al portier. Dal atra pert é le asvelt Alex E. che porta le pröm gol y le vantaje, sön en passaje zeruch dla defenjiun pustra abina Alex denant co le portier le palê y le scavalchëia cun n bel palonët. Le medemo pro atira dedô en palonët da mezćiamp che rimbalzëia sön la stangia de porta aversara. Le Gais pro da abiné le pêr sön puniziun püch dlungia le ciantun, le palê crossè vëgn devié de će dal atacant avisa sön le pé de porta y atira splundrè demez dal defensur Marco.

Al 40^ é spo le diesc Lanz che pënsa a avalié le resultat cun en eurogol: Al vëgn sorvì al limit dl’area y cun n bel control él bun da alzè le palê dlungia le pé âlt de porta ite, sënza ti de le tëmp ala defenjiun de jì al antizip. Dan che le arbiter sciüra la fin dl pröm tëmp ti gareta ćiamò le secundo colp al Gais, sön na crossada röia le palê sön le pé de porta, ala rebatüda é spo le atacant che po’ apogé la cogura te sach. I śogadus confusc y rabiusc lascia insciö le ćiamp da jüch por la palsa.


Le pröm temp se röia sön le resultat de 2 a 1 por le Gais.


Cun nöies forzes se presentëia la formaziun de Floriani tla secunda fraziun sön le ćiamp. Le atach adüm al mezćiamp fej gran presciun y vëgn bel do püch tëmp premià cun n önescmetri. Le medemo atacant Michi, che vëgn sburlé te area, trasformëia la mascima puniziun y regolëia insciö le resultat. A detè le ritm de jüch é sëgn i śogadus da La Val, co se fej prigorusc ca dant. Sön na crossada de Michi, abina Stefan le palê de će, mo sfiorëia de püch le pé de porta. Ince Max à sön le pé l’ocajiun por le terzo gol, cun en palê âlt vëgnel sorvì al limit dl’area, al pro la trata sëcia al jôre mo le palê vëgn blochè dal verdaporta. Tla ultima pêrt dla partida se stënta indô deplö La Val, che mëss se retrà a defëne. Al mancia ma plö un en menüt de jüch y le Gais davagna na puniziun dai trënta metri. Le palê vëgn arlungé tl’area dl cinch daulache cun n gran stach de će deloj le śogadù Agstner M. le palê te rëi. Insciö castighëia le Gais la formaziun da La Val y surantôl le comane dla tlassifica adüm al Sest. Plö che iüst foss stè le pêr, mo sciöche an s’à, se röia la partida pormò cun le sciüre dla fin.



Formaziun La Val: 1. Julian Moling, 2. Elmar Valentin, 3. Marco Castlunger, 4. Paolo Vallazza, 5. Egon Frenes, 6. Freddy Sottara, 7. Max Nagler, 8. Stefan Sottara – capitan, 9. Alexander Miribung, 10. Michi Frenes, 11. Alex Elzenbaumer


Alenadù: Claudio Floriani


Proscima partida: En domënia dales 14.30 a Raas cuntra la formaziun de ćiasa.



Sostituziuns:

Felix Nagler gnü ite imped Alexander Miribung (65^ menüt)

Marco Sottara gnü ite imped Max Nagler (70^ menüt)


Resultać dles atres partides: RESULTAĆ

classifica

2 3 4 5
6 7 8 9

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©