US LA VAL
 
 
     
 

11ª y ultima partida de campionat - Sest

Stampa PDF

foto_scuadra_1

Tl’ultima de campionat se partësc La Val y le Sest i punć. Por püch é le sbalz al pröm post nia garatè.

 


 



La Val va in vantaje bel tl pröm tëmp, mo mëss spo i la zede ti ultims menüć al Sest. I trëi punć foss te chësta ultima partida stà de öga por i sciampè dant al Gais, che à pordü sön le ćiamp dl Valdaora, mo resta impò a ćiaval cun un en punt de vantaje.

 

La scuadra jona dl Sest à bele l’ann denant lascè udëi sò jüch asvelt cun le palê bas y inće te chësta partida n’é al nia mancé. Tla pröma mesora mëss la scuadra de ćiasa plö subì co costruì, le regist a mezćiamp dl Sest impostëia bun le jüch y partësc fora de bunes cogures a les fasces, che ti sciampa val’iade ala defenjiun y röia a contlujiun. Julian mëss chilò se destrà a parè val’ trata. Prigorosa la trata dal ciantun dl Sest, daulache le atacant deviëia le palê de će de püch sura porta fora. Ala mesora reagësc spo i ladins ala sotmetüda di aversars naota cun Stefan, che ti fej le pulan de će al pé de porta sön na trata dal ciantun. Püch do i gareta le gran gol al atacant Alex E, a trënta metri dalunć da porta se fej chësc post amesa i aversars y pro la trata sëćia de estern ciamp cuntra porta, le verdaporta ne pordüj nia a aretrè y ne arjunj insciö nia a desfantè le palê. En gol nia da vigni domënia, che porta La Val in vantaje, do chësc episode n’él cina la fin di pröms 45 menüć nia plö da alzè fora atres ocajiuns.


Le pröm temp se röia sön le resultat de 1 a 0 por La Val.


Tla pröma pert dl secundo tëmp pro La Val cun dütes les forzes a stlü jö la partida, mo la buna defenjiun dl Sest, che à ma subì indüt cater goi, mët gunot in dificoltè l’ atach ladin. Le palê é inće sëgn indo plö tl’aria co ia por tera a gauja dla prescia y manćianza de luzidité. I ladins mëss insciö passè a en modul plö defensif por se parè dala presciun aversara. Le mandl fosch fej inće gnì nervusc i śogadus, che mëss plö iadi i la zede por fai de jüch inesistënć.

Le Sest se alza intres deplö y vëgn spo premià al 80^ cun en gol. Sön na crossada i sciampa le atacant al defensur y rebat le palê de će sö tla incrujada de porta. Le gol fatal ti taia les giames ai śogadus de Floriani che à ma plö püć menüć de tëmp por rimedié a la dijatenziun. Ala desperada vëgnel porvè de vigni sort de trates cuntra porta, mo nia da nen fa, i menüć ne basta nia y cun le sciür dl arbiter se röia la partida sön le resultat a parité. Le pêr é dessigü plö co iüst, mo da spavënt sciode por La Val, che s’à fat sciampè l’oportunité de jì le comane dla tlassifica. Ala fin dl’altonn pò La Val jì ala palsa mostran sö n superb secundo post, a ma un en punt dal Gais. La scuadra tol l’ocajiun por ringrazié dandadüt i tröć sostenidus por le sostëgn moral tartan düt le campionat. Dessigü n gran aiüt por la scuadra, giulan!  (ss)


La Val – Sest : 1-1


Formaziun La Val: 1. Julian Moling, 2. Elmar Valentin, 3. Egon Frenes, 4. Paolo Vallazza, 5. Marco Castlunger, 6. Freddy Sottara, 7. Michi Frenes, 8. Max Nagler, 9. Alexander Miribung, 10. Stefan Sottara – capitan, 11. Alex Elzenbaumer

 

Proscima partida: La Val śoga ćiamò in sabeda ai 15 de novëmber dales 14:30 la partida de retüda de Copa Provinzia sön le ćiamp a Niederdorf cuntra la scuadra de ćiasa.



Sostituziuns:

Marco Sottara gnü ite imped Alexander Miribung (65^ menüt)

 

Resultać dles atres partides: RESULTAĆ

 

Tlassifica do la ultima partida de campionat:

(Atres statistiches dla scuadra da La Val pon ciafè a chësta plata: altoadigegol )

classifica_dp_Sexten

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©