US LA VAL
 
 
     
 

Campionać provinziai a Latsch

Stampa PDF

20._LM_Latsch_350

Bun 130 atleć da 18 uniuns dla lüsa s’à prejentè al start in chësc ultim fin dl’edema a Latsch. Chilò él gnü tignì i campionać provinziai, uramai ruvà a süa ventejima ediziun.


 

 


I favorić al start é jüs por i ëi le atlet jonn da Lijun Roman Kaser, tl dopel le duo Lambacher y pro les ëres l’atleta da Deutschnofen Katharina Pfeifer. Chisc à inće porvè de defënn le titul da l’ann denant cina al’ultim centejim.

Pro les ëres röia la favorita Pfeifer al terzo post, davagnè cun le miù tëmp à l’atleta da Lijun Martina Kaser (2’28.31), só dl favorit Roman Kaser, Theresa Hilpold davagna la medaia d’arjënt.

I atri dui favorić é bugn de se tignì le titul por ëi. Roman Kaser fej le miù tëmp dl dé cun 2’21.06 y ti la stica insciö a Kinzner dal Jaufental y al atlet ladin da La Val Diego Tschaffert, che pò pié dô in chësc ann la medaia de brom! Tl dopel fej l’indemo le duo Lambacher, ei se davagna le titul por le terzo iade consecutif.

Miribung Carlo ajunj le bun secundo post tla categoria master B cun le tëmp de 2’29.69.

Moling Manuel se posizionëia ai 10˚ post y Ploner Alex al 12˚ post te süa categoria.

Rubatscher Manuela fej indo podest cun le tëmp de 2’35.07, ara pò pié do la medaia de brom.

Cun chësta ultima gara é ince la sajun dla lüsa che va a piz, na sajun dër intensiva y rica de sodesfaziuns. N grüm é stà i bì y bugn resultać arjunć da pert di atleć da La Val.


Se congratulé uress l’Uniun dl Sport no ma por i bugn resultać arjunć, mo ince por l’impëgn y la gran devoziun desmostrada da pert de düc. N gran giulan por le laûr che é dô ia, l acompagnamënt inće da pert de geniturs a les gares y l’insegnamënt di atleć cun tröpa esperiënza ai atleć plö jogn che vëgn dô ca. Le bel grup y i bi resultać arjunć des stimolé ince le dagnì de chësc bel sport.


En ocajiun de chësta ultima gara a Latsch él inće gnü prejentè le program y les localitês dles gares por le proscim ann:


-       Campionać provinziai a Latzfons

-       Campionać taliagn a Lungiarü

-       Südtirolcup a Lijun, Valdaora y Selva

-       Campionać mondiai a Oberperfuss tl’austria

-       Campionać europeics a Funes


I atri resultać y plazamënć di atleć da La Val dla gara a Latsch : risultati

Por deplö informaziuns, por ci che reverda resultać, novitês y le program dla lüsa pon vijité la plata internet sot a chësc linch: http://www.sportrodel.it/

 

 

20._LM_Latsch_008 20._LM_Latsch_133 20._LM_Latsch_150 20._LM_Latsch_185
20._LM_Latsch_281 20._LM_Latsch_323 20._LM_Latsch_306

20._LM_Latsch_335

 

 

Foto: Dropbox

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©