US LA VAL
 
 
     
 

Prüma partida de campionat - Niederdorf

Stampa PDF

foto_scuadra_1

L’ultim fin dl’edema s’à la scuadra de Floriani  metü sön le iade cuntra Niederdorf por la prüma de campionat. Le ćiamp pesoch ti porta bun a la scuadra, che dominëia scialdi la partida. Le prüm bun resultat purtè a ćiasa fej da fundamënta por la sajun de retüda.

 

 

 

I pröms menüć é la scuadra de ćiasa che se fej prigorosa sön les trates da ciantun y sön val situaziun standard, i śogadus alć röia a rebat plö iadi de će cuntra porta, chilò é le portier Sepl che defënn bun le spidl de porta. Bel plan é inće i ladins che impostëia val aziun y insciö röia tosc le capitan Stefan al pröm gol. Dal piz dl area de straufunga é Michi che pro la trata cuntra porta, le pal ti sciampa fora dles mans al portier y a se prejentè sot porta é Stefan che à ma plö bria da apogè la cogora te sach. Na dijatenziun dla defenjiun ladina fej plö tert tramorè le publich rové adalerch, le atacant ti sciampa y röia dan porta, mo vëgn ćiamò architè dan la trata. Ala mesora é Michi che siglëia la doplëta, l'indemo vëgn sorvì da na pert y la trata basa sön le pé lunch de porta fej indo balè la rëi. Dan le sciür dla fin dla prüma pert ó i ladins ćiamò n iade udëi le pale te sach aversar. Alex E. vëgn sorvì cun n bel palè alt, al le defënn bun y pro la trata, che röia naota tla stangia y spo tla rëi de porta.


Le pröm temp se röia sön le resultat de 3 a 0 por La Val.


Do la palsa röia i ladins ćiamò plö determinà sön le ćiamp. I śogadus fej gran druch tla pert de ćiamp aversara y cun gran presciun ne röia i aversars scialdi mai te area ladina.  Sön na trata dal ciantun é Stefan che abina le palè rebatü al limit y le splundra sön le pé de porta lunch, mo cun en gran stach é le verdaporta bun de desfantè le palè da na pert fora.

Ala mesora é le arbiter che desgorda le sogadù a mezćiamp dl Niederdorf por n burt fal sön Max. Le büj amez i fej lerch ai ghesć, che pò se alzè por ruvé a contlujiun. Sön n bel inserimënt y cros de Alex röia Michi a rebat de će cuntra le portier. Le palè rebatü sö tla stangia röia avisa sön le pé de Max che pò condüj sënza dificolté la cogura dô la linea. La famoja "caterina" é gnüda arjunta y i śogadus aretrëia a tignì la posiziun. Atres ocajiuns dan la fin da trames perts ne é nia da alzé fora. Le sciür dl mandl fosch fej rové a piz i nonanta menüć de jüch. Sce an ciara zoruch al’ultima partida de Copa Provinzia d’altonn, sogada avisa cuntra le Niederdorf, à msè La Val jì a ćiasa a mans ötes, porchël é le resultat dessigü na bela sodesfaziun por düta la scuadra.

 

Cun le bun scomenciamënt dl campionat de retüda resta La Val tla pert alta de tlassamënt.


Niederdorf  – La Val  0 - 4


Formaziun La Val: 1. Sepl Kantioler, 2. Elmar Valentin, 3. Egon Frenes (dal 75^ Martin Ploner), 4. Paolo Vallazza, 5. Marco Castlunger, 6. Freddy Sottara, 7. Michi Frenes, 8. Max Nagler (dal 70^ Luca Pescollderungg) , 9. Alex Elzenbaumer (dal 75^ Adrian Miribung), 10. Stefan Sottara - capitan, 11. Alexander Miribung (dal 80^ Andreas Miribung)

 

Goi por La Val: Stefan Sottara (al 28^), Michi Frenes (al 33^), Alex Elzenbaumer (al 40^), Max Nagler (al 74^)

 

Proscima partida: en domënia ai 22 de merz dales 15.00 te ćiasa cuntra le Valdaora


Resultać dles atres partides: RESULTAĆ


Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©