US LA VAL
 
 
     
 

Reuniun generala 2015

Stampa PDF

Unbenannt

L’Uniun Sport Amatoriala à tigni ai 21 de merz süa reuniun generala anuala. La reuniun generala é stada na ocajiun por ćiarè zoruch al’ativité dl ann 2014 y por portè dant le program preodü por l’ann corënt.

 

 

 

 


Le presidënt Alex Alton á danfora saludé i mëmbri che à tut pert ala reuniun por passè spo a tratè l’ordin dl dla sëra. Ala fin dl ann passè pò la uniun mostrè sö 156 scrić ite, n numer mëinder do l’ann 2013, daulache le numer ê de 173. Le scrivan dl’uniun Marco Castlunger é spo passè a la letüra dl protocol dl'ultima sentada. Dô les lites dl’ultim ann él ince gnü prejentè le nü consëi dl’Uniun, che arà le compit de aministré l’uniun por i proscimi trëi agn.

An é spo passá al cunt consuntîf 2014 y dl bilanz de previjiun, gnüs aprovà al’unanimité cun alzada de man. Al é spo gnü ciarè zeruch l’ultim ann, vigni caposeziun à riferì  sön l’ativité, i resultać arjunć y le program dl dagnì. La seziun cun la maiú ativité é indô chëra dl jüch dl palé.  Le caposeziun Michi Frenes à fat na picia introduziun y ti à spo passè la parora ai respetifs alenadûs y acumpagnadûs, che à fat na picera relaziun sön i resultać y ativité dles scuadres di mituns y jogn. N gran giulan ti va ai responsabili y geniturs por sò gran laûr, che se crüzia de alenè y acompagné i mituns a les partides. L'ativité cun i mituns, che rapresentëia le dagnì dl'uniun é tres stè n punt prinzipal dl l'ativité sportiva a La Val, nia ma pro le jüch dl palè mo inće pro la seziun lüsa y l’ativité de arpizé, de conseguënza vëgnel dè gran pëis a chësc punt. Da alzè fora è in chësc ann le bun secundo post d’altonn dl campionat de 3 categoria, avisa la dumënia ai 14 de merz al scumencè le campionat de retüda, daulache La Val à purtè a ćiasa na bela devënta. Ales scuadres di campionać daulache al süga sogadus da La Val i vëgnel fat les miûs aodanzes por n bun campionat de retüda.

Pro les ativitês desvalies él gnü portè dant da pêrt dla responsabla Monica Ploner i cursc organisá. Dër aprijá é gnüs i cursc por mituns organisà tl'ann 2014, danter i atri le curs de schi, da nudè y le program sportîf da d’isté. Düć i cursc è gnüs tignis yP1050079 organisà en colaboraziun cun la Scora de Schi Dolomites, Simon Dapoz, Alex Verginer y Davide Moling. L’Uniun se cruziarà sambëgn ince tl 2015 de organisé cursc desvalies, na odlada ciafen tla prejentaziun in injunta.

Pro la seziun dla lüsa él gnü portè dant i punć prinzipai dl’ativité. Responsabli dla seziun é Diego Tschaffert adüm a Carlo Miribung y Merch Vallazza. A tó la parora é Diego Tschaffert che po’ mostrè sö adüm a düta la seziun i bugn plazamënć di alteć dla scuadra da La Val. Punt saliënt tla sajun 2014/15 é dessigü stè le iade a Jesenice tla Slovenia por i campionać europeics, daulache Carlo à arjunt le pröm post y la cuinta devënta consecutiva al Südtirolcup de Diego. Gran valur ti él inće gnü dè ai atleć plö jogn che vëgn dô ca, ince i manco jogn à te chësta sajun pudü se mosoré cun atri atleć de düt le raiun. Por ultim él ćiamò gnü alzè fora le gran prüm post de Rubatscher Manuela a les “Raika - Jugendrennen”, la competiziun de 4 gares, daulache l’atleta jona è gnüda incoronada sciöche campionëssa. N gran giulan ti va dal' atra pêrt ai organisadûs y ai acompagnadûs dla seziun, che cun sò gran laûr y sostëgn dà dessigü n gran contribut a tignì alâlt le sport dla lüsa a La Val.

Portè dant él ince gnü i laurs de manutenziun ala plaza sportiva ia n Plans. Tl 2014 él gnü cuncè y puzenè le ćiamp da jüch da pert de na dita spezialisada, chësc, por ciafè le renovamënt dl’omologaziun dl ćiamp por trëi agn. Le bar sport é inće gnü decorè danü, Egon Frenes y Adrian Miribung se à cruzié de ti dè nöia vita al bar. Atri laurs de manutenziun è gnüs fać incër le implant sportif.


Progam 2015:

Le prüm punt sön le program 2015 é l’organisaziun dl A.C. Chievo-Verona Camp, che gnarà tignì dai 13 – 19 de messè 2015. Al sarà n’ocajiun por düć i apascionà y mituns dla valada, de gnì alenà da alenadûs profesionisć dl setur jonil, che tëgn düt l’ann proieć y camps en colaboraziun cun la scuadra dl Chievo da Verona. Tartan chësta edema ne é nia ma le palè al zënter, mo al vëgn organisé de vigni sort de ativites. An spera che la gran profescionalité desmostrada dala societé tres l’organisaziun cina sëgn, vëgnes ince portada sön le ćiamp y portada dant a nüsc mituns. Le program y atres informaziuns gnarà publicades plö inant.

N ater punt sön le program é la cumpra de aparać de pröm aiüt por implanć sportifs. Por le 2016 él oblig de se arjigné n defibriladù por vigni implant, y de pité la formaziun ai responsabli.

Ala reuniun é inće stè presënt l'ombolt da La Val che à tignì n discurs sön l'ativité dla uniun y à alzè fora l' importanza dl'ativité sportiva. Al à ringrazié i funzionars dla uniun por le laûr  y por le impëgn demostrè. I complimënć al fat deperpo ales scaudres dl palè y ai bugn resultać arjunć da pert di atlec dla lüsa. Por ci che reverda la cumpra de aparać de pröm aiüt al aprofondi l’argomënt y sotrissé che le contribut gnarà sënzater curì dal cumun cun l’aiüt dla provinzia.Le presidënt à tut l'ocajiun por ringrazié le ombolt por le sostëgn finanziar che vëgn vigni ann conzedü da pêrt dl comun ala uniun.

Cun le discurs dl’ombolt s’à stlüt jö la reuniun anuala dl’Uniun dl Sport La Val, dedo é ćiamò düć stà adüm pro val da mangé y da bëre. N bel giulan a düc i presënć y a proscim ann!


Por ciarè ala prejentaziun drüca sön le linch injuntè: prejentaziun

 

 

P1050075 P1050083


 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©