US LA VAL
 
 
     
 

2ª partida de campionat - Valdaora

Stampa PDF
foto_scuadra_1

Le scomenciamënt dl' aisciüda i porta bun a La Val, che arjunj i trëi punć te ćiasa cuntra la scuadra jona dl Valdaora. Da alzè fora sciöch prüm é le titul dla miù defenjiun dl campionat cina sëgn.


 

 

Le Valdaora, posizionada toch dô La Val de tlassfica mëss i la zede a La Val, che arjunj la devënta y lascia udëi indo na buna prestaziun. Na devënta dezisiva por l’andamënt dl campionat d aisciüda. Sciöche bel dit danfora, pò La Val mostrè sö la miù defenjiun de düt le campionat cina sëgn, cun ma ot goi ciafà. N bel titul che ti fej onur ala scuadra.


A chirì le vantaje é bel Alex E. al nono menüt de jüch, sön na pasaja filtranta de Stefan prôl la trata al sëcia de ćiamp cuntra porta, che vëgn trasformada te n eurogol: por n pulan ne röia nia le portier a desfantè le palè, che röia sëch tl incrujiada de porta. Atira dô é l’ arbiter protagonist dla pröma dezijiun eclatanta: le atacant Dorigo vëgn metü a tera püch do la linea de area, l’ arbiter ne archita indere nia le jüch, le atacant se lascia sö sënza derzè fora valch. Le Valdaora se alza deperpo y davagna valch trata dal ciantun, daulach i atacanć alć röia scialdi por prüms a rebat le palè cuntra porta. Atres döes ocajiun d'or ala mez dl pröm tëmp ti gareta a Emanuel, naota sön n palê alt dal mezćiamp, daulach le control dl palè n'è indere nia perfet y la trata ne gareta nia, sciöche secunda, tres sön pasaje filtrant prôl la trata basa che ti röia tles mans al verdaporta. Dan le sciür dla prüma pert, la secunda dezijiun eclatanta dl mandl fosch, le medemo atacant vëgn metü a tera da bëgn dui śogadus aversars, nianca sëgn toma por l mandl fosch la dezijiun sön l’önesc metri. I ladins dessenà por la dezijiun respogn atira cun na combinaziun perfeta danter le tridënt ofensif, por ultim i rüva le palè a Michi che mëss se destrà por l’abiné, la trata de dërt vëgn desfantada dal portier puster.


Le pröm tëmp se röia sön le resultat de 1 a 0 por la scuadra da La Val


Le sceter dl bel jüch i passa tl secundo tëmp al Valdaora, la scuadra jona tëgn le pal bas y partësc fora de bugn pai ales pêrts. Plö de n iad se archita le palè al limit, daulach te n gran cajin saltel inće fora val trata, por fortüna nia prigoroses. A respogn é spo i śogadus de ćiasa cun n'aziun ejemplara, le palè i röia sön la fascia a Michi, che se fej inant cuntra porta y mët le palè amez, chilò é le sogadù a mezćiamp Stefan che röia sön le palè y apogëia le palè te porta. La scuadra pò insciö lascè do n pić pëis y tignì la posiziun. Insciö lascia do la presciun y le Valdaora se fej lerch. Al mumënt dërt vëgn le palè impò antizipé y la segurté dl verdaporta Sepl ne fej nia passè plö cotan la cogura. Tl'ultima pert dla partida é le bel jüch daldöt assënt, i pai vëgn scialdi ma plö splundrè tl'aria, n pü por le nervosism, n pü por l'assënza de luzidité da pert di śogadus. L'arbiter fej tosc ruvé la partida y i śogadùs de ćiasa pò trà le scrai de vitoria. La secunda devënta de chësta aisciüda fej restè La Val a un en punt toch do le Gais, che à inće arjunt la devënta cuntra le Aicha.

 

La Val - Valdaora : 2 - 0


Formaziun La Val: 1. Sepl Kantioler, 2. Luca Pescollderungg, 3. Egon Frenes (dal 85^ Andreas Miribung), 4. Paolo Vallazza, 5. Marco Castlunger, 6. Freddy Sottara, 7. Michi Frenes (dal 75^ Alexander Miribung), 8. Max Nagler (dal 70^ Felix Nagler) , 9. Alex Elzenbaumer (dal 75^ Adrian Miribung), 10. Stefan Sottara - capitan, 11. Emanuel Dorigo

 

Goi por La Val: Alex Elzenbaumer (al 9^), Stefan Sottara (al 54^)

 

Proscima partida: en domënia ai 29 de merz dales 15.00 a Vahrn cuntra le Neustift


Resultać dles atres partides: RESULTAĆ


Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©