US LA VAL
 
 
     
 

3ª partida de campionat - Neustift

Stampa PDF
_Q1B6810

En gol sú i porta la devënta a La Val sön le ciamp posoch a Vahrn. A confront le miú atach y la miú defenjiun tl rode C.


 

 

 

Na devënta particolara chëra dl'ultim fin dl'edema sön le ćiamp a Vahrn. Por i ladins ne porta chësc nia de bì recorc, ti ultims agn à La Val soghé plö gonot a Vahrn, cinamai döes partides dezisives por le balz te secunda categoria. Mai ne à la scuadra porté a ciasa na devënta. Te na partida combatüda y asuiada cina le la fin i era indere chesc iad garatada.

La scuadra de ciasa scomëncia dal mëteman cun n gran druch, le bel jüch bas y le bun control dl pal i purmat a sté alc y a mët i ladins sot presciun. Ala chert’ora ti gareta respogn i ladins cun na ocajiun al jüch sterch aversar: sön na crossada alta de Michi röia le capitan Stefan a mez area y rebat la cogura de cé, püch dlungia le pé lunch de porta ia. Alex E. se fej püch do lerch y al limit dl'area fejel pié na trata sëcia, che ti fej le pulan ala stangia de porta. La presciun di ghesc ladins lascia tosc do y al é bel indo le Neustift che se presentëia dan porta cun val trata nia prigorosa. Ala mesora é La Val che à na gran fortüna sön n önescmetri conzedü dal’arbiter a gauja de n fal defensif sön l’atacant aversar. Le arbiter mostra atira al punt di önescmetri y i retlams di ladins ne vëgn nia ascutá. Le atacant Prosch se presentëia dan le verdaporta Sepl y vega la trata sëcia cuntra porta, chësta rebat por fortüna tla stangia de porta. Te n mumënt de deblëza à La Val albü fortüna. Da alzé fora n'ocajiun dan la palsa, le pasaje filtrant de Alex E. fej rové Michi sù dan le portier, che desfantëia la trata tl'ultim.


Les scuadres va tla palsa sön le resultat de 0 - 0


Le ciamp posoch a Vahrn mët ince in dificolté i sogadus da La Val, che stënta dassënn a rové al antizip y mëss insciö subì ripartënzes. La forza ladina é deperpo ti duei tl'aria, la cogura vëgn scialdi arlungiada de ce inant ai atacanc, che ti sciampa al mür defensif y röia val iad a contlujiun, te chisc iadi al mancé la convinziun a segné. A deslié le grop é Alex E. al 54' menüt che pënsa. Cun n bel palé alt vëgn chësc ultim sorví da Freddy che ti deura le trú por la porta. La trata basa sön le pé lunch de porta fej banduré la rëi y porta le vantaje a La Val. L'ultima mesora é le Neustift che à le sceter dl bel jüch tla man. Le ritm alt fej aretré i ladins a defënn y mëss fa val sacrifizé inplö. A La Val i costel indere la desgorta dal ciamp dl atacant Michi por dopla amoniziun a gauja dla pordüda de tëmp a jüch chit. Le mür defensif tëgn indere bot fina le sciür dla fin. Na devënta dezisiva sön le ciamp "maledët" a Vahrn, La Val ne ti lascia insciö nia tra le flé al Gais y resta al secundo post de tlassifica a ma un en punt de destach.


Neustift – La Val : 0 - 1


Formaziun La Val: 1. Sepl Kantioler, 2. Elmar Valentin, 3. Egon Frenes, 4. Paolo Vallazza, 5. Marco Castlunger, 6. Freddy Sottara, 7. Michi Frenes, 8. Max Nagler, 9. Alexander Miribung (dal 75^ Felix Nagler), 10. Stefan Sottara - capitan, 11. Alex Elzenbaumer (dal 85^ Martin Ploner)

 

Gol por La Val: Alex Elzenbaumer (al 54^)

 

Proscima partida: en sabeda ai 04 de aurì dales 16:00 a te ciasa contra le Percha


Resultać dles atres partides: RESULTAĆ


Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©