US LA VAL
 
 
     
 

4ª partida de campionat - Percha

Stampa PDF
_Q1B6810

Le fin dl’edema de Pasca ti porta en punt sù a la scuadra da La Val. Le resultat cuntra Percha röia fora anfat sciöche al’andata, 1 a 1.


 

 

 

La Val röia te ciamp cun les döes asënzes de Michi y Marco y mëss afrontè na scuadra zbidra. I sogadus stënta a costruì le jüch y la determinaziun dan porta à ince mancé. Tl pröm tëmp é La Val la fovorita, che ess bel msè mët almanco dui iadi le palé te sach aversar.

La Val mëss bel atira se confronté cun pai prigorusc al limit tl’area. Le jüch alt dl Percha, che pëia scialdi ia dala defenjiun cun pai alc cuntra porta, mët gonot in dificolté la defenjiun de ciasa, che mëss fa dl düt por evité la contlujiun di atacanc da Percha. Ala chert’ora sciampa Alex E. sön na pasaja filtranta de Dorigo cuntra porta, chilé é le verdaporta da Percha asvelt da devié le palé sön la trata. Püch dô é le atacant Alexander che à sön le pé na bela ocajiun, al vëgn sorvì dal medemo Alex cun n bel preparatif, mo la trata sëcia röia tla stangia de porta. Gran protagonist é ince l’arbiter jonn, che ne é por düta la partida nia bun de avëi le jüch sot a control y sciüra de vigne sôrt de fai daldöt nia esistënc. Le pröm gol dla partida é spo le Percha che arjunj: Sön en palé arlungé dala defenjiun é le atacant che mët a tera le palé y preparëia por le compagn che pro la trata basa cuntra porta. Chësta i gareta y la cogura röia de püch dlungia le pé de porta ia, Sepl ne é nia bun da abiné le pal y insciö se porta la scuadra pustra in vantaje. La reaziun di ladins é püch do ejemplara, cun na bela combinaziun anter Alex E. y Alexander, röia Alex te area y fej bandore la rëi cun na bela trata sön le pröm pé.

Dan le sciür dla palsa i gareta ciamò al medemo Alex na trata basa, en pü lungia, che ti fej insciö le pulan al pé de porta.


Les scuadres va tla palsa sön le pêr de 1 a 1.


Por ajunje le vantaje y porté a ciasa la devënta ôl sambëgn ester plö determinaziun y convinziun. Le secundo tëmp indere ne é nia al altëza dles aspetatives, manco interessant y manco rich de ocajiuns. Le scenar dl jüch é scialdi tl’aria y canche an prô de le mët a tera vëgn la cogura pordüda y le pasaje final ne röia nia a destinaziun. La nervosité te ciamp se fej sintì, sënzater ince a gaujia dl cajin dl mandl fosch, che ne é nia plö bun a dé na motivaziun a sues dezijiuns. Al 85ejim ti dá indere le arbiter na picera speranza ai ladins, Alex vëgn metü a tera püch do la linea dl’area de straufunga y insciö conzed le mandl fosch le önescmetri, I retlams di pustri fej archité le jüch por val menüc, mo Emanuel D. é bel arjigné sön le punt a trá te porta. Le speranza dl vantajé se desfantëia tosc, la trata massa alta dl’atacant röia sura porta fora.

I ultims 8 menüc pro ciamó La Val da se alzé a chirì le gol. Sön na trata da ciantun é le defensur Paolo che controlëia le pale y pro la trata, chesta röia indo dlungia porta ia.

Nia da nen fa por chësc fin dl’edema. Le Percha i la fej indô ria a La Val, che mëss se acontenté te ciasa cun en punt sú.

Le U.S. La Val tol l’ocajiun y aoda a düc na buna Pasca!


La Val – Percha  1 - 1


Formaziun La Val: 1. Sepl Kantioler, 2. Elmar Valentin, 3. Egon Frenes (dal 75^ Luca Pescollderungg), 4. Paolo Vallazza, 5. Martin Ploner (dal 65^ Romeo Rubatscher), 6. Freddy Sottara, 7. Alexander Miribung, 8. Max Nagler (dal 70^ Felix Nagler) , 9. Emanuel Dorigo, 10. Stefan Sottara - capitan , 11. Alex Elzenbaumer

 

Proscima partida: en sabeda ai 11 de aurì dales 16.00 a Prettau cuntra la scuadra de ciasa

Resultać dles atres partides: RESULTAĆ


Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©