US LA VAL
 
 
     
 

5ª partida de campionat - Prettau

Stampa PDF
_Q1B6810

L'ultim fin dl'edema é la lungia trasferta a Prettau sön le program. La Val mëss incassé la prüma pordüda dla sajun de retüda.


 

 

 

Dan le scomenciamënt dla partida él gnü fat n menüt de recoglimënt por recordé le jonn Manuel che á msé se lascé. Manuel é sté tres atif pro le sport a La Val y á lascé na gran locia che gnará implida cun i bí recorc che un de ël.

Cun le sciür dl arbiter á metü man le druch di aversar, che dal mët man röia cun pai alc a fa tramoré le mür defensif che mëss plö iadi tra demez le palé. La prüma ocajiun di ladins é Alex che á sön le pé, al vëgn sorví cun na pasaja filtranta, le medemo se arlungia indere le palé y ne röia nia a contlujiun. I sogadus da La Val stënta a mezciamp pro i duei tl'aria, i pai rebatüs dal verdaporta ti röia scialdi sura fora y insciö é ince i atacanc dl Prettau che se fej plö saurí. Ala mesora é le ünesc Dorigo che pro la trata do ester bun de se delibré al limit, chësta vëgn architada sënza dificoltes dal portier. Püch dô le medemo vëgn sorví cun na crossada de Michi, al pro le ce che rebat sëch cuntra stangia de porta. La determinaziun y la conzentraziun ne é bëgn te chësta prüma pert nia stades al alteza dles partides da denant.

 

Le pröm tëmp se röia sön le pêr de 0-0.


Le secundo tëmp é scialdi caraterisé dal nervosism, incentivé sënzater dal arbiter, che ne sciüra nia a scüsa y fej pié ia n gran marcé te ciamp. Al 65ejim i gareta insciö ince le vantaje al Prettau, sön plö dijatenziuns röia le atacant a mët n bel palé amez por le compagn Stolzlechner, chësc rebat le palé de ce sëch tl' incrujiada de porta.

Na gran ficiada por La Val, che mëss sëgn ciaré de abiné le pêr. Le alenadú Floriani variëia les posiziuns y fej alzé la scuadra. Val trata cuntra porta gareta bel atira, por val menüc é La Val che tëgn le sceter tla man, mo mëss tosc zede al druch aversar. Na puniziun dal ciantun fej ciamo tramoré n iad la porta ladina, le palé trat cun prezijiun röia a rebat cuntra le pé alt de porta. Al 75^ mëss le atacant Emanuel lascé le ciamp do avëi subì n fal sön contrast. I ultims menüc se destaca i sogadus da süa posiziun y rischiëia deplö, Alex röia inc ciamo cuntra porta a porvé la trata basa, ince chësta dlungia ia. Le mür dl Prettau tëgn bot cina la fin y cun le sciür mëss La Val i conzed la devënta.

Do le pêr dl penultim fin dl'edema cuntra le Percha, toma La Val a manco cater punc dal Gais, atualmënter a ce dla tlassifica.

 

La scuadra di Altherren da La Val á ince soghé la rpöma de campionat cuntra le Welsberg, davagnada por 2 a 1!


Prettau  – La Val  1 - 0


Formaziun La Val: 1. Sepl Kantioler, 2. Elmar Valentin, 3. Egon Frenes (dal 70^ Alexander Miribung), 4. Paolo Vallazza, 5. Marco Castlunger, 6. Felix Nagler, 7. Michi Frenes, 8. Max Nagler, 9. Emanuel Dorigo (dal 75^ Luca Pescollderungg), 10. Stefan Sottara - capitan , 11. Alex Elzenbaumer

 

Proscima partida: en domënia ai 19 de aurì dales 16.00 te ćiasa cuntra le Aicha


Resultać dles atres partides: RESULTAĆ


Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©