US LA VAL
 
 
     
 

8ª partida de campionat - Mühlwald

Stampa PDF
11215899_10205289292684503_1521822372_n

Na direziun arbitrala da desmentié chëra dl'ultim fin dl'edma a La Val. Impó é i padruns de ciasa che pó mostré sö n bel resultat, dessigü mirité.

 


 

 

Tles ultims partides de chësc campionat se prejentëia sön le calënder trëi partides dezisives por i plazamënc alc de tlassifica. Üna de chëstes é le Mühlwald, na scuadra cunsciüda bele da agn a La Val por süa determinaziun, mo dal atra pert ince por le comportamënt sportif nia cîs coret da pêrt di sogadus. Avisa insciö é ince in chësc iade pié ia n gran nervosism  te ciamp, incentivé dal arbiter che ne ti sciüra le dërt a degügn.

Le pröm tëmp é rich de ocajiuns, bele dô püc menüc de jüch é Alex E. che röia püch do le limit de aria y pro la trata sëcia sön le pé lünch, le portier se destira a devié sura fora. Atira do, sön na pasaja dal ciantun é Stefan S. che tira de potënza le palé indirizé tl incrujiada, la porta trëmora y le curan vëgn rebatü dal pé de porta. La presciun di sogadus de Floriani va inant y vëgn al 28^ premiada cun n gran stach de ce de Alex E., che mët le pal sorví dal ciantun te cëst aversar por le vantaje. Te chësta pröma pert é La Val che davagna trëi puniziuns al limit, la trata de Michi ë chëra plö prometënta, le cogura röia por en pulan dlungia porta ia. I ultims menüc é le Mühlwald che se fej udëi, val bela combinaziun pormët de rové dan le portier Sepl, cun segurté tëgn chësc les trates al sigü te sü brac.


Les scuadres va tla palsa sön le resultat de 1 a 0 por La Val


Por gran pert dl secundo tëmp él le marcé te ciamp, les dezijiuns dl mandl fosch vëgn ma plö retlamades y les amoniziuns y desgortes dal ciamp ne mancia sambëgn nia. La formaziun ladina se stënta deplö y vëgn drucada cuntra porta dai sogadus pustri. Da dí che i pustri á anuzé le cajin te ciamp por sughé grô y nia sportif. Le radopl dl resultat vëgn al 64^ sön puniziun al limit. Michi se prejentëia ala trata y cun prezijiun sön le pröm pé ne röia le portier nia a archité sö le palé. N bel gol che ti11212277_10205289292804506_534322990_n tol n pic pëis a La Val mo ne ti é bëgn nia dërt al Mühlwald che retalmëia la dezijiun dl’arbiter . Al 69^ i gareta le gol al sogadú a mezciamp Max, sön na crossada de forza de Alex röia chësc a rebat le curan de ce te porta, denant che le portier röies lapró. Le gol dla bandiera por la scuadra pustra toma al 70^, sön n palé arlungé de puniziun röia le atacant Steiner a rebat de ce avisa tl'incrujiada de porta. Na picia lüm de speranza a vint menüc vëgn tosc soflada demez dal önescmetri, conzedü por n fal sön Max te aria de straufunga. La trata a bot sigü de Michi ti taia les giames ai sogadus pustri. L'ultima chert'ora é le scenar caraterisé da burc fai y dai scrai dl publich y di sogadus cuntra le arbiter. Gran ora de fa ruvé a piz i nonanta menüc de jüch. In chësc fin dl'edema jarà La Val a Gais a se mosoré cun cun i padruns de ciasa, atualmënter al comane.

La Val - Mühlwald : 4 - 1


Formaziun La Val: 1. Sepl Kantioler, 2. Elmar Valentin, 3. Egon Frenes (dal 85^ Andreas Miribung), 4. Paolo Vallazza, 5. Marco Castlunger, 6. Freddy Sottara, 7. Luca Pescollderungg (dal 75^ Alexander Miribung), 8. Stefan Sottara - capitan, 9. Michi Frenes (dal 80^ Adrian  Miribung) , 10. Alex Elzenbaumer, 11. Max Nagler


Goi por La Val: Alex Elzenbaumer (al 28^), Michi Frenes (al 64^ y al 74^), Max Nagler (al 69^)


Proscima partida: en domënia ai 10 de mà dales 16:00 a Gais contra la scuadra de ciasa


Resultać dles atres partides: RESULTAĆ


Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©