US LA VAL
 
 
     
 

9ª partida de campionat - Gais

Stampa PDF
11088860_10205325460348672_897327772_n

N publich dles gran ocajiuns é rové adalerch a Gais l’ultim fin dl’edma por chësta partida fondamentala  por l’andament final de campionat. La devënta da pert dl Gais ó dí campiuns dl rode C, dal’atra pert, i trëi punc a La Val ó dí confermé le secundo post por les partides de dezijiun sce nia ciamó arjunjé le pröm post tles ultims döes partides.

 


Le resultat baia indere dassú y la devënta dl Gais é meritada, ci che dejplej é la direziun arbitrala nia tres iüsta. Bel dal mëteman á la partida msé gní sburlada de val menüt a gauja dl’ arbiter che á msé gní sostituí y dô la chert d’ora de jüch é n sogadú dl Gais che mëss gní condüt tl pröm aiüt por na intorta al jenëdl. Le jüch archité ti tôl la conzentraziun ai sogadus che mëss indo chirí da nü la iüsta mentalité.

Atira do le sciür dl’arbiter é la pröma ocajiun por La Val che se presentëia, te na bela combinaziun é Alex E. che crossëia amez por le compagn Alexander, cun n gran colp de cé rebat chësc le curan cuntra l’incrujiada de porta, le portier se stira a devié sura fora. Le sterch atach dl Gais se fej tosc prigorus cun val soraposiziuns y röia a sorví i compagns amez, daulache la defenjiun röia denant a trà demez le curan. Sciöch bel scrit danfora, é le sogadú amez dl Gais che se scontrëia cun le defensur da La Val, i scrai ne pormët nia de bun - da na intorta se él scomedé fora la cogora dl jenëdl, atira vegn archité le jüch y cherdé le pröm aiüt. Do val menüc de paziënza röia la crusc blancia te ciamp y tosc fej l’ arbiter indo pié ia le jüch.

La Val chir le vantaje cun na bela passaja filtranta de Freddy por l’ atacant Alex che condüj le palé cuntra porta – la bela trata sön le pé lunch fej balé la rëi. La scuadra pustra tôl coraje y davagna n grüm de trates dal ciantun, i atacanc röia a rebat n grüm de pai de ce cuntra porta, le numer un da La Val i tëgn indere düc cun segurté te sües mans. Canche al mancia ma plö val secunc ala fin dla prüma pert é le arbiter che conzed n önescmetri dër tl dübe: sön puniziun é l’atacant dl Gais che  se lascia tomé a tera avisa dan l’arbiter. Le talënt Lanz trasformëia le önescmetri cun na trata sëcia.


Les scuadres va tla palsa sön le resultat de 1 a 1


I prüms vint menüc dl secundo tëmp é La Val che detëia le ritm de jüch, i aversars röia dainré tl’amez ladin y le curan é scialdi te aria pustra. Le mür defensif tëgn bót y ne lascia pormez degüna trata. Tosc i gareta na repartënza al Gais, le asvelt Lanz vëgn sorví cun n palé arlungé y pro atira le palonët sura le portier, che ti gareta por le 2 a 1. Le vantaje vëgn retlamé por posiziun de forajüch, sënza indere ciafé na iustificaziun.

La partida se fej intres plö interessanta, i scrai dl publich a sostëgn dl Gais fej rové n gran nervosism te ciamp y l’ arbiter ne sparagna nia cun les chertes. Por prüm vëgn desgort dal ciamp le alenadú Floriani y atira do le atacant Adrian, por soma de amoniziuns. I ladins é sëgn in diesc y mëss rischié deplö por chirí le pêr, le atach vëgn raforzé mo ne porta nia bun y insciö vëgn la lerch a mezciamp tosc anuzada dai pustri por castighé ciamó dui iadi. Le sogadú Agstner realisëia na doplëta, trami dui goi toma scialdi anfat, al é bun de se delibré tl cajin amez aria y trà te sach. A püc menüc dala fin ti tôl chësc resultat la speranza dla devënta ai sogadus da La Val. Da recordé che la ferata por le secundo post (che uress dí partides de dezijiun) ne é nia ciamó jomada, a döes partides dala fin dl campionat él ciamó poscibl arjunje le secundo post.


Gais - La Val : 4 - 1


Formaziun La Val: 1. Sepl Kantioler, 2. Elmar Valentin, 3. Egon Frenes (dal 80^ Werner Sottara), 4. Paolo Vallazza, 5. Marco Castlunger, 6. Felix Nagler, 7. Luca Pescollderungg (dal 75^ Adrian Miribung), 8. Freddy Sottara, 9. Alexander Miribung (dal 85^ Martin Ploner), 10. Stefan Sottara - capitan, 11. Alex Elzenbaumer


Alenadù: Floriani Claudio

Gol por La Val: Alex Elzenbaumer (al 17^)


Proscima partida: en domënia ai 17 de mà dales 16:00 te ciasa cuntra le Raas

 

Resultać dles atres partides: RESULTAĆ


Na picera statistica ala 20 giornata de campionat rode C y dla scuadra da La Val:

Immagine
Fontana: www.altoadigegol.it

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©