US LA VAL
 
 
     
 

11ª partida de campionat - Sest

Stampa PDF
11297761_10205441562171145_1455882378_n

La Val stlüj jö bun le campionat cun na devënta al ultim menüt sön le rî ciamp a Sest. Impone ne á juvé i trëi punc por ti sciampé dant al Valdaora y abiné la ferata por les partides de dezijiun.






Na partida dezisiva chëra dl'ultim fin dl'edema cuntra le Sest, cun le vantaje por La Val che vëgn determiné al’ ultim menüt cun le gol de Adrian. Na devënta che ti ess dé l’ oportunité a La Val de se sughé le salt de categoria pro les partides de dezijiun, sce le Valdaora foss jü a mans ötes demez dal ciamp dl Gais. La scuadra jona da Valdaora à indere la miú y la notzia ruvada a Sest é sciöche na duscia frëida por i sogadus da La Val che arjüma insciö la ferata.

Do na partida nia daldöt otimala cuntra le Raas, se prejentëia la formaziun ladina a Sest cun n'atra determinaziun. Al é indere i padruns de ciasa che à tles mans le mëtman dla partida. I sogadus jogn lascia atira udëi le bel jüch bas y val ocajiun prigorosa te aria ladina. Le mür defensif tëgn bót y ne fej nia passé le palé. Ala chert'ora mët man la presciun dl atach  da La Val cun le sostëgn dl mezciamp. La defenjiun dl Sest vëgn metüda sot a druch da Alex y Michi, che arlungia de bí pai amez, mo ne vëgn indere nia anuzá bun da pert di cumpagns. Le arbiter archita ince plö iadi Michi por posiziun de forajüch cun motivaziun nia tres iustificada. Le portier Sepl, gran protagonist, se stira ciamó dan le pröm tëmp a desfanté na trata a bot sigü tl incrujiada de porta. 


L pröm tëmp se stlüj jö sön le 0 a 0

Le nervosism se fej atira sintì tla secunda pert, trames scuadres s'à che le pêr ne é nia ütl por passé inant. Les malies gheles scraiëntes dl Sest se prejentëia sciöche saítes dan Sepl, mo i atacanc é püch determinà a mët la cogura te sach. Te chësta secunda pert é le jüch ladin stenté, val iad por mancianza de conzentraziun y val iad a gauja dl terëgn mol y da paltan. I scrai dl'alenadú Floriani cuntra le mandl fosch fej tosc salté la desgorda a diesc menüc dala fin. Püch dan él Alexander M. che mëss lascé le ciamp a gauja de n infortüne, insciö vegha Floriani la sostituziun cun Adrian, che se rivelëia dezisiva. Al ultim menüt de recuper vëgn chësc ultim sorví da Max sön le ciantun de aria, le medemo, cun n bel control pro la trata basa sön le prüm pé de porta che ti gareta. Na esplojiun de ligrëza por i sogadus y por le publich rové adalerch a Sest. Le arbiter fej rové atira do la partida y condüj i sogadus te cabina impaziënc de aldí le resultat dl Valdaora. Cun n önescmetri ti gareta a chisc la devënta y pó insciö se arjigné por les partides de dezijiun. Cun chësta notizia nia cis plajora se stlüj ia le campionat por La Val che va sëgn tla palsa da d’isté mostran sö n buniscimo terzo post de tlassifica cun 46 punc.


Sexten - La Val: 0 - 1

Formaziun La Val: 1. Sepl Kantioler, 2. Luca Pescollderung, 3. Egon Frenes (dal 75^ Felix Nagler), 4. Paolo Vallazza, 5. Marco Castlunger, 6. Freddy Sottara, 7. Alexander Miribung (dal 80^ Adrian Miribung), 8. Stefan Sottara - capitan, 9. Michi Frenes,10. Max Nagler, 11. Alex Elzenbaumer

 

Gol por La Val: Adrian Miribung (al 90^)

 

Resultać dles atres partides: RESULTAĆ


classifica

partite

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©