US LA VAL
 
 
     
 

Risultati/Spielergebnisse Wengen by night

Stampa PDF


IMG_8533
Tla nöt danter i 11 y i 12 de messè él gnü organisé dal’Uniun Sport Amatoriala La Val la 17. ediziun dl torneo dla nöt. In chësc ann é le tëmp sté da pert y les temperatüres cialdines i á fat da cornisc ala manifestaziun.

 

Le numer de scuadres che s’à scrit ite é en chësc ann stè indo 16, tra chëstes ince valgünes  ruvades adalerch da Montan, Welschnofen, Sest y Steinegg. Le publich ruvé adalerch á podü amiré n livel de jüch cotan alt, cun partides combatüdes cina l’ultim. Le trofé, do ester resté te ciasa por dui agn consecutifs, é in chësc iade gnü davagné da na scuadra foradecá.

La manifestaziun à metü man la sabeda dales 6 da sëra cun les partides de cualificaziun y s’à stlüt jö cun la finala sogada dales 2 da duman. Tratan che al gnê soghé söla plaza dal palé, podô i spetadus se divertì a ritm de müjiga tl tendun metü sö dan le bar sport. Chilò ti va n gran giulan ai volontars dl’Uniun dl Sport y aiutanc, che á fistidié por düta la nöt da apraté de bun patüc da mangé y da dè fora da bëre por düć.



Les scuadres é gnüdes partides sö te cater rodi da cater, olache vignüna à messü soghé cuntra les atres trëi. Mâ les prümes döes scuadres de vigni rode podô soghé inant söi prüms posć, les atres döes sogâ inant sön le "pozer", na sort de rode de consolaziun. Tles 24 partides de cualificaziun anse odü deplü partides cun resultać strenc y püc goi tomá, la desfarenzia de “cualité” tra na scuadra y l’atra ne ê nia grana. Les partides a eliminaziun che é spo gnüdes sogades dô les diesc inant é spo stades plü combatüdes.
Tla gran finala é rovada la scuadra da La Val “Squirting Lovers”  a se mosoré cun la scuadra da Montan “Ponnyhof”. Te chësta ultima partida é i ghesc che detëia le ritm y á insciö la miú sön la scuadra ladina, davagnan por 3  a 1  . Tl rode de consolaziun é la scuadra jona ladina “Wuaka Wuaka” che concuistëia le titul. Sön podest al terzo post röia ince la scuadra “Studio Verginer 40”, che á albü la miú sön i jogn dl Vinzentinum da Porsenù.

Incër les trëi da duman, do ch’al é gnü stlüt jö les les partides de finala, él spo gnü tignì la premiaziun. Le presidënt dl’U.S. La Val Alex Alton ti à surandè a les prümes scuadres les copes y sambëgn inće i premi en scioldi.

Ringrazié oressen particolarmënter i sponsors, che à de n gran sostëgn finanziar a chësta manifestaziun. Por fortüna ne éle nia stè da anotè gran infortunns a sogadus, n bel giulan ti va por chësc  ince ai volontars dla Crusc Blancia da La Ila, ch’à indo fat sciöche vigni ann le sorvisc de prüm aiüt.

Ciamò n iade n gran giulan ti va a düc chi che à de sò contribut por  fa garatè ince in chësc ann le torneo de nöt a La Val. A se odëi ala proscima ediziun



logo_M2_Srl logo_raiffeisen Murin Logo_verginer




Resultac/risultati/Spielergebnisse : results

Foto
(facebook - U.S. La Val)

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©