US LA VAL
 
 
     
 

Summer Camp - A.C. Chievo Verona

Stampa PDF
foto_gru2po

Dan da en edema él gnü organisé la prüma ediziun dl „A.C. Chievo Verona summer camp“ a La Val. I mituns che á partezipé á podü imparé diretamenter da alenadus profescionisc tl setur jonil dl jüch dl palé.


 

 

 

Dai 13 cina ai 18 de messé él gnü organisé dal’Uniun Sport Amatoraiala da La Val la prüma ediziun dl “A.C. Chievo Summer Camp” por sogadus jogn de döta la valada. Por chësta edema intesiva de istruziun söl jüch dl pale él sté n gran interesc, bëgn 70 mituns á tut pert.

Bel plö dî é le U.S. La Val che á tut sö contat y colaborëia cun la sozieté y por chësc ann él gnü tut la dezijiun da pert dl diretif da Verona, de organisé en camp chiló da nos. Por chësta edema él preodü n program rich, dlungia le sughé al palé, che é l'ativité prinzipala, é i mituns ince gnüs porté a Reischach por en domisdé te nodadoia.

Chësta gran ocajiun sciöche bel dit, é gnüda anuzada da n grüm de jogn sogadus dl palé, che á podü imparé diretamënter da alenadus profescionisc, che laora esclusivamënter tl setur jonil y pó mostré sö na gran esperiënza cun les scuadres joniles dl Chievo Verona.

Le pröm dé, le lünesc, él vigne sogadú che á podü pié dô n bel rucsoch cun de vigni sort de guant por i alenamënc. Dô les prejentaziuns di alenadus é i sogadus gnüs partis sö te grups por scomencé cun i alenamënc. Bele atira án odü che i mituns â n gran interesc a imparé valch de nü. Tartan chisc dis intensifs i él gnü insigné les tecniches fondamentales dl jüch dl palé, sciöche an fej da archité, porté y passé indortöra le palé. Al é ince gnü pité n alenamënt a pert por i portiers, daulache al é gnü mioré les tecniches fondamentales por tigní sö le palé.

Por se destaché n pü dal ciamp, é i mituns gnüs condüc a Reischach por passé n dé te nodadoia, daulache al é sté lascé plö lerch al devertimënt. A fa vijita al camp é ince stá i giornalisc de sky, che á documenté l’ativité y la formaziun di mituns tratan l’edema.

Le camp é gnü stlüt jö la sabeda cun na picia premiaziun, olache vigni partezipant á podü pié dô n atestat de partezipaziun al camp cun les firmes di alenadus. Le presidënt dl’ Uniun dl Sport da La Val, Alex Alton, á ringrazié düc i volontars che á daidé organisé le camp. N gran giulan ti é ince jü al Hotel Posta a Pidrô por avëi dé albergh ai alenadûs y al Hotel Alciac por avëi fistidié por la marëna. N ringraziamënt particular ti é ince jü ai cater sponsors che á dé n contribut finanziar ala manifestaziun, cun chësc aiüt él ince sté meso da tigní valgamia basses les cuotes de iscriziun.

P1040948 P1040958 P1040974 P1040979 P1040986
P1040991 P1040993 P1040994 P1050010 P1050014
P1050051 P1050058 2015-07-18_12.11.49 2015-07-18_12.12.28 2015-07-18_12.19.46

 



Logo_m2 logo_raiffeisen

Logo_ITAS

Logo_nuovo_La_Val



 

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©