US LA VAL
 
 
     
 

Sajun dl palé 2015-16

Stampa PDF
_Q1B6734

Por la sajun nöia che mët tosc man él deplö scuadres daulache al süga sogadus da La Val che se prejentëia ai campionac FIGC y VSS, plö avisa 6. Duman la prüma partida ofiziala, la scuadra de terza categoria se mosöra cuntra le Dietenheim te Copa Provinzia.



Les scuadres daulache al süga sogadus da La Val che tol pert ai campionac FIGC y VSS é in chësc ann 6: Altherren (La Val), scuadra de terza categoria, Juniores (Val Badia), Allievi (Al Plan), U13 (La Val) y U10 (La Val)

A düc i sogadus y ales scuadres ti va da pert dl'Uniun dl Sport da La Val les mius aodanzes por la sajun nöia che mët man y tröpes sodesfaziuns adüm a düc i grups. N gran giulan ti va ince bel danfora ai acompagnadus y aiutanc, che condüj y dëida alené i sogadus che mëss se trasferí ti atri ciampc da jüch por i alenamënc. Proscimamënter gnaral ince publiché le calënder cun i orars de dütes les partides di campionac. 


Sajun nöia por la terza categoria:

Cun incö veindres 21 de agost se à stlüt ia la preparaziun al campionat 2015/2016 por la scuadra de terza categoria da La Val. La scuadra nöia se prejentëia cun  sogadus nüs y cun val sogadus che é jüs demez. A lascé le grup é Michi Frenes, Elmar Valentin y Emanuel Dorigo, sogadus che á porté tröp a la scuadra da La Val y á fat só dovëi cun gran dediziun, a chisc n gran giulan por düt. Dal atra pert é gnüs a fa pert dl grup sogadus jogn: Franz Tolpeit, Christian Dapoz y Michele Campei; A chisc trëi ti aoda l'uniun che ëi pois se integré bun tl grup y che
ëi pó avëi tröpes sodesfaziuns por le dagnì. Tartan la preparaziun s'à la scuadra ince mosoré te partides amichevoli cun aversars de atres categories sciöche le Dietenheim, le Sest, Vintl y Al Plan. Le pröm fin dl'edema de agost él ince garate n pice ritiro a Sest.


Bele l’ann passé á la scuadra, adüm al’alenadù Floriani, tigní n pice ritiro a San Ciascian. Chësc á dër plajü y insciö él gnü tut in chësc ann la dezijiun de jí n toch plö lunc. Bele da doman adora s’à i sogadus metü sön trú por rové dales 09:00 a Moos, daulache ai á ciafé albergh te n pic residence da de priorité dl “Sport Hotel Bad Moos”. Plö tert é spo scomencé le pröm alenamënt sön le ciamp dl Sest y sön l tert dl domisdé le secundo. Le alenadù Floriani á anuzé i alenamënc de sabeda por fa flé y forza, deperpo che l’alenamënt dla dumenia é gnü tigní scialdi cun le palé y schemi d’atach.

Sön la sëra él ciamé gnü tigní na partida cuntra la scuadra de ciasa, le Sest, che sugarà indo tl medemo rode cun La Val. Ince sce i sogadus ladins á ruvé les forzes, era jüda de tigní bót y de porté a ciasa na picia sodesfaziuns do dui dîs de dür alenamënt, la devënta por 1 a 0. Ringrazié particolarmënter uressen le Hotel Bad Moos, por l’alebergh y por avëi dé a desposiziun la nodadoia, le Sest por avëi dé a desposiziun le ciamp da jüch y a nosc alenadú Floriani por avëi organisé i dui dis de ritiro. Chisc dui dis passá adüm a düta la scuadra á dessigü fat bun al spirit y grup de scuadra, i sogadus nüs á podü se integré tl grup y á podü conësc damí le jüch dla scuadra.

Duman sabeda ai 22 de agost él la prüma partida ofiziala de Copa Provinzia cuntra le Dietenheim sön le program che gnarà sogada fora de ciasa a Dietenheim dales 17:00.

11910954_10206193663533209_591255717_n 11911003_10206193665173250_2134201374_n 11920483_10206193664813241_1482690175_n 11930718_10206193664173225_1032717117_n








Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©