US LA VAL
 
 
     
 

2ª partida de campionat - Niederdorf

Stampa PDF
10987752_871905509535941_4874398056905203545_n

La Val mëss dlotì na pordüda antia cuntra le Niededorf. N grüm de ocajiuns por I ladins, l’aversar é indere plö efiziënt sön püces y mët insciö al sigü la devënta.





Tla partida sogada söla plaza dal palê dl Niederdorf imblagnada dala plöia s’á i ghesc ladins indurmedì ia gran pêrt dl pröm y dl secundo tëmp. L’agressivité, les combinaziuns y les ocajiuns garatades ti ultims vint menüc de de trami I tëmpc ne á nia basté a recuperé i dui goi subís.

Atira dal mëteman é i padruns de ciasa che dëteia le ritm de jüch. Le pilaster amesa le ciamp Bachmann  fej jüch cun de bugn movimënc y partësc fora pai por de continuité ales aziuns aversares. Te chisc pröms trënta menüc de fraziun se stënta La Val cotan a tigní le palê y fa jüch, mo defënn deperpo bun y tëgn insciö bót a les infiltraziuns di atacanc. Dal atra pêrt ne mess le verdaporta nia se destrá por tigní sö val trata debla di ladins dal limit dl’area.

Ala mesora ciafa i sogadus plö coraje y se fej inant cun de vigni sort de combinaziuns. Al 30^ é le atacant Alexander M. che vega n stach de cé sön na crossada dl defensur Werner, le curan röia de püch sura porta fora. Püc menüc plö tert é le sogadú a mezciamp Stefan che se fej lerch al limit y prô la trata a bót sigü tl’incrujiada de porta, le stach imprescionant dl verdaporta gareta y deviëia insciö te ciantun. Ti ultims menüc dl pröm tëmp vëgn l’area aversara dominada dal druch ladin, plö trates dal ciantun y dal limit mët in prigo la defenjiun y le verdaporta, che mëss se destrá dan pé de porta al ater por desfanté le curan. A archité la presciun ladina é le arbiter cun le sciür dla fin dl pröm tëmp che pënsa.


Le pröm tëmp se stlüj jö sön le 0 a 0


scomenciamënt dla secunda fraziun ne pormët nia bun por i ladins. I sogadus dl Niederdorf fej dassënn presciun sön i portadûs dl palê y pó sorví i atacanc por la contlujun. Avisa insciö röia al 54^ l’atacant sú dan le portier Sepl,  denant co porvé la trata vëgn chësc ultim contrasté dal defensur. Por chësc fal conzed l’arbiter atira le önescmetri che vëgn trasformé dal capitan.

Le radopl röia tosc al 65^ cun na dijatenziun anter la defenjiun y le mezciamp, le sogadú asvelt fej presciun sön le defensur da La Val y prô le palonët da ciantun de area sura le portier ite che ti gareta ince. Na duscia frëida por La Val, che chiri cun vigni meso le pêr. Do chisc pêr mumënc de deblëza dla ne é i pustri nia plö prigorusc, ai se stlüj ia dedô a defënn le resultat cina la fin. Cun l’inserimënt de n atacant respogn La Val al jüch aversar. Cun presciun rüven indô a fa tramuré le mür defensif, al vëgn conzedü tröp ai atacanc ladins, che davagna val puniziun dal limit y n grüm de trates dal ciantun. A püc menüc dala fin é le nü sogadú Franz T. che taia la defenjiun por se prejenté sú dan le numer un mo ne vega nia la trata porvan le dribbling, che ne gareta nia. A trá sön porta é ince ciamó Max Nagler che prô, in chësc iade é la stangia de porta che tegn sö le curan y le fej devié te ciantun. Nia da nen fa, le mür defensif psuter  vëgn premié cun le sciür dl arbiter che fej ruvé insciö nonanta menüc. Sot la plöia mëss i ladins sun jí derevers cuntra ciasa lascian cun incherscimun i trëi punc ai aversars.


Niederdorf – La Val : 2 - 0

Formaziun La Val: 1. Sepl Kantioler, 2. Luca Pescollderung, 3. Werner Sottara (dal 49^ Egon Frenes), 4. Paolo Vallazza, 5. Marco Castlunger, 6. Freddy Sottara (dal 65^ Felix Nagler), 7. Max Nagler, 8. Stefan Sottara - capitan, 9. Adrian Miribung (dal 50^ Franz Tolpeit), 10. Alex Elzenbaumer, 11. Alexander Miribung

 

In mercui ai 09 de setëmber dales 20:00 süga La Val la partida de retüda de Copa Provinzia cuntra le Dientenheim. La partida de andata é gnüda davagnada dai ladins por 2-0 .

Proscima partida de campionat: en domënia ai 13 de setëmber dales 15:30 te ciasa cuntra le Dietenheim 

 

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©