US LA VAL
 
 
     
 

Copa Provinzia - retüda cuntra Dietenheim

Stampa PDF
copa2012

La partida de retüda de Copa Provinzia cuntra le Dietenheim, sugada insëra mercui 9 de setëmber, é ruvada sön le resultat de 1-1, La Val sla cava insciö da passé le prüm rode.


 

 




Do la devënta dl'andata fora de ciasa por 2-0 à la scuadra da La Val albü n bun vantaje dal mëtman. Por val infortüne y val asënza á la formaziun ladina subí cotan de variaziuns. I sogadùs che á metü pé te ciamp á pité na bela prestaziun. Bele atira é le druch ladin che se fej udëi, cun antizips y ripartënzes vara a druché zeruch i pustri y ruvé dan porta a trà. Le gol toma al 25^, sön na crossada röia Alexander a antizipé le portier y cun l bel stach de cé apogëiel le palê te rëi por le 1-0. Le Dieteheim se fej tosc prigorus te area ladina, chiló vëgn n atacant ôt cuntra le ciantun, metü a tera dan sogadu ladin. Le arbiter conzed le önescmetri sënza dubité. Ala trata él Julian che individuëia bun la direziun dl curan y se tëgn toch le palê. Le arbiter ne conzed indere nia la parada a gauja dl movimënt de Julian defora dala linea de porta. I sogadus se lascia sö, mo ne porta a nia. La secunda trata é spo garatada por i pustri, 1-1.


Tla secunda pert vëighen indo n bel jüch bas, plëgn de combinaziuns. I movimënc di atacanc stimnëia y al ti gareta de vigne sort de ocajiuns al limit, chiló mancel scialdi l'ultim sforz por la contlujiun. Alex E. röia plö gonot a trà dal limit, le curan indere ne ciafa scialdi mai la direziun cuntra porta. I pustri ne sciafia nia da ciafé le vantaje y insciö é inc le nervosism che se fej sintí, le jüch puster devënta plö grô y le arbiter stënta de tignì  le jüch sot a control. Julian mëss salté fora de porta por antizipé val palê arlungé dala defenjiun. Nia de straordinar ti gareta plü al Dietenheim y insciö se stlüj ia i nonanta menüc. La Val passa le prüm rode de Copa Provinzia y pó se inconforté a incunté indo in dumënia le Dietenheim te campionat. La terza partida de campionat vëgn sugada a La Val dales 15:30.


La Val - Dietenheim: 1-1



Formaziun La Val: 1. Julian Moling, 2. Martin Ploner, 3. Max Nagler , 4. Werner Sottara, 5. David Moling (dal 75^ Egon Frenes), 6. Franz Tolpeit, 7. Marco Sottara, 8. Stefan Sottara (dal 75^ Felix Nagler), 9. Adrian Miribung (dal 75^ Christian Dapoz),10. Alex Elzenbaumer, 11. Alexander Miribung

Gol por La Val: Alexander Miribung al 25^

 

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©