US LA VAL
 
 
     
 

4ª partida de campionat - Percha

Stampa PDF
3a_categoria

Le Percha va in vantaje, mo la gran reaziun di ladins fej ciamó avalié le resultat püch dan le pröm tëmp. L’autogol dl Perca é spo dezisif por le resultat final.



L’ultima sabeda s’á la scuadra da La Val metü sön trú por jí a soghé a Percha y é stada buna cun carater de condüj a ciasa na devënta miritada. La formaziun ladina é stada la miú scuadra te ciamp, cun le palê che n’à indî nia urü jí te rëi.

La partida mët man cun La Val al’atach, i sogadus é plö reatifs co i aversars y devënta prigorusc sön les perts. Bele ti pröms menüc röia Christian y Alex a alzé le palê amez por i cumpagns, che ne rüva indere nia a contlujiun. Tosc pon udëi la pröma ocajiun de Alexander che se porta da na pert jö y pro na trata alta che sfiorëia la stangia de porta. Pro le Perca é le sterch sogadú amez  che fej jüch y procurëia ince val puniziun al limit. Al 25^ é le jonn Christian Dapoz che fej pié ia na bela combinaziun cun Marco S. al limit y prô la trata sëcia, le verdaporta mëss se destrá por devié te ciantun. Al somëia le dërt momënt por jí in vantaje, le druch ladin fej aretré i aversars che mëss scialdi sciuré dant le palê. La duscia frëida vëgn spo al 40^, sön na trata dal ciantun é le atacant Peintner dl Percha che abina le curan cun n bel stach de ce y le fej rové te rëi por le 1 a 0. La reaziun dla formaziun ladina al vantaje aversar é ejemplara, püch dô le gol vëgn Christian sorví dal mezciamp y da inant le palê a Franz che ne sighita nia y vega la trata a bót sigü sot la stangia de porta ite. N gran gol por Franz che avaliëia le resultat a püc secunc dan la fin dl pröm tëmp.



Le pröm temp se stlüj jö sön le resultat de 1 a 1


Ti prüms 20 menüc dl secundo tëmp se stënta i sogadus da La Val a imposté le jüch y a tigní la posiziun. Gonot ne vëgn i atacanc dales perts nia marcá y pó ruvé saurí pormez al’area ladina a trá. La conzentraziun dl’portier Sepl ne fej passé degügn pai y le medemo fej alzé la scuadra cun trates lunges por i atacanc. Tosc é indo le bel jüch dl pröm tëmp da udëi, i sogadus a mezciamp fej rové i cumpagns dan porta mo le gol dl vantaje cina le 70^ ne gareta nia. Avisa te chësc momënt é na crossada ladina da na pert che porta fortüna, le defensur dl Percha prô l’antizip de ce sön Adrian y apogëia le curan zeruch al portier, i dui ne se capësc nia y le palê röia te rëi impede tles mans dl un Harrasser. La fortüna chirida porta La Val in vantaje.          

Floriani mët te ciamp sogadus frësc por tigní le vantaje, un de chisc é ince Luca P., le prüm palê sön le pé é bel na ocajiun da gol d’or. Alex se fe lerch sön la fascia y mët n bel preparatif amez por Luca che mëss aretré por controlé le pale y tra te porta. La trata é indere debla y röia dlungia porta ia.

Ti ultims diesc menüc é ciamó le Percha che va al’atach, la defenjiun respogn cun determinaziun y evitëia insciö le peso. Le mandl fosch fej tosc ruvé la partida, la bela prestaziun di ladins vëgn premiada cun la devënta y i trëi punc te sach.

Percha – La Val : 1 - 2

Formaziun La Val: 1. Sepl Kantioler, 2. Werner Sottara, 3. Marco Castlunger, 4. Paolo Vallazza, 5. David Moling, 6. Franz Tolpeit, 7. Christian Dapoz (dal 75^ Luca Pescollderung), 8. Stefan Sottara - capitan, 9. Marco Sottara (dal 60^ Felix Nagler), 10. Alex Elzenbaumer, 11. Alexander Miribung (dal 45^ Adrian Miribung)


Proscima partida: en domënia ai 27 de setëmber dales 15:30 te ciasa cuntra le Sest

 

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©