US LA VAL
 
 
     
 

5ª partida de campionat - Sest

Stampa PDF
12077018_10206436961775513_638537476_n

Dô en prüm tëmp debl y sënza avëi udü le curan se mostra La Val tla secunda fraziun cun en ater carater y va in vantaje cun le Sest al’ultim menüt.



 

 

Por i sogadus da La Val él intres n plajëi incunté y se mosoré cun la scuadra dl Sest, noma sön le ciamp mo ince por sté adüm dô la partida. La scuadra jona dl Sest á intres pité n livel de jüch âlt invers ai ladins y ince l’ultima dumënia á fat i pustri parüda a La Val. Por düt le pröm tëmp á i aversars dominé y i padruns de ciasa mëss se paré ruvan püc iadi dan porta, tla secunda pert se sblochëia spo i ladins y ôj le resultat.

Ince sce le Sest á le comane te ciamp ne ti garetl nia gran ocajiuns, le bel jüch vëgn scialdi mostré amez cun le capitan y le sterch atacant Happacher. Val ripartënza ti gareta ince ai ladins, al 25^ é na combinaziun che ti fej lerch a Alexander M. por jí cuntra porta mo al mëss zede por na strata ala cössa, por chesta gauja mëss l’atacant lascé le ciamp y gní sostituí. Dal’atra pert é le pericul numer un, le atacant Happacher che fej tramuré la defenjiun mostran na gran determinaziun a orëi le vantaje. La dërta agresivité dla defenjiun che ti sta pormez ne le fej indere nia rové a contlujiun. La presciun y l gran druch vëgn  spo tosc premié cun en gran gol. Al 41^ se prejentëia ala trata dai trënta metri Kerschbaumer dl Sest che vega n palonet sön le pé lunch de porta. La trata ne vëgn nia calcolada bun y pê che sides indirizada sura stangia fora mo röia indere avisa tl’inrujiada de porta por le vantaje.



Le pröm temp se stlüj jö sön le resultat de 1 a 0 por le Sest



La mudaziun dla formaziun tl mëteman dl secundo tëmp i porta bun ai ladins, che se sblochëia y mët finalmënter pé te area aversara. Sön na passaja dal ciantun al 55^ é Alex E. che se liberëia y prô la trata a giré sön le pé lunch de porta che röia de en nia dlungia ia. Püc menüc dô é Adrian che se porta da na pêrt cuntra porta y mët le palê bass amez por le cumpagn Max N. che atoca indere damat. Al 70^ pënsa Alex E. a avalié le resultat, fora de n nia vëgn la defenjiun taiada fora cun na passaja dal mezciamp che ti röia sön le pé al’atacant, chesc röia sú dan le portier y pro la trata bassa te porta che ti gareta ince.

12067404_10206436963055545_541937438_n

Le Sest respogn cun döes trates da buna posiziun conzedüdes dal arbiter, la porta ne vëgn indere nia atocada. Grana é ince stada la spordüda al 80^, ulach le portier Sepl archita na trata sëcia dl capitan che ti sciampa fora dles mans, le un da La Val á chiló na gran reaziun y se tëgn ciamó toch le curan denant che i dui atacanc dl Sest röia lassura. Canche la fin dla partida vëgn tres plö daimpró, crëi ciamó i ladins tl radopl dl resultat. Le scrai de ligrëza röia spo al 90^, le defensur dl Sest apogëia le palê zeruch al verdaporta che vëgn atira ataché da Adrian, al pro la trata lungia mo chësta ti röia naota söl piet al’atacant da La Val y spo te porta. L’esultaziun é grana por düta la scuadra. Do le gol mostra l’arbiter trëi menüc de recuper che passa tosc. La mudaziun dla formaziun é stada fondamentala por l’andamënt dla partida y le carater mostré tl secundo tëmp é gnü premié.


La Val – Sest: 2-1

Formaziun La Val: 1. Sepl Kantioler, 2. Werner Sottara, 3. Marco Castlunger, 4. Paolo Vallazza, 5. David Moling, 6. Franz Tolpeit (dal 45^ Freddy Sottara),7. Christian Dapoz (dal 45^ Adrian Miribung), 8. Stefan Sottara - capitan, 9. Marco Sottara (dal 75^ Pescollderung Luca), 10. Alex Elzenbaumer, 11. Alexander Miribung (dal 25^ Max Nagler)

Goi por La Val: Alex Elzenbaumer al 70^, Adrian Miribung al 90^


Proscimes partides: Copa Provinzia: In mercui dales 20:00 a La Val cuntra le Raas por l'andata dl secundo turno.

Campionat: In sabeda ai 03 de otober dales 15:30 a San Iöre cuntra la scuadra dl San Iöre Junior

Atri resultac:

Altherren (La Val):  La Val – Gais   3-1

Juniores (Val Badia): Latzfons – Val Badia   1-0

U15 (Mareo/La Val): Mareo/La Val – Burnech   0-2

U13 (La Val): La Val – Teldra Jugend  3-0 (davagnada a tavolino)

U10 (La Val) : San Laurënz – La Val   0-4

 

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©