US LA VAL
 
 
     
 

6ª partida de campionat - San Iöre Junior

Stampa PDF
3a_categoria2015

Na partida rica de ocajiuns mo cun le resultat megher. Cun na gran reaziun se porta ciamó i ladins ti ultims menüc in vantaje



 

 

Bele la sabeda s'à la scuadra da La Val metü sön trú por la sesta de campionat. La formaziun nöia dl San Iöre Junior, che in chësc ann á fat le pröm debut te nosc campionat ,á ospité i ladins sön le bel ciamp te ciasa. Pro la nöia formaziun ince val sogadú conesciü a La Val, sciöche le portier Eder y le alenadú Steinhauser.

Le pröm tëmp vëgn dominé dai ghesc cun i padruns de ciasa che ne röia dî nia te area ladina. Tla secunda pert é le jüch ladin che stënta y mëss ince subí le gol, la reaziun é spo fondamentala por la devënta. Le resultat vëgn bel sbloché al 8^ menüt da Max Nagler. Sön na trata dal ciantun röia chësc cun n bel stach de ce a rebat la palê sön le pé lunch de porta. Sciöche bele anuzé y le druch ladin cotan maiú y sughé vëgnel scialdi tl mezciamp aversar. Tla proscima chert'ora garetel de vigne sort de trates cuntra le un Eder che fej indere bun só laur. Le portadú dl palé vëgn ataché al dërt momënt por favorí ripartënzes y por fa alzé la scuadra. La fromaziun ladina va tla palsa a recuperé forzes dô avei pité al publich n prom tëmp plajor.


Le pröm temp se röia sön le resultat de 1 a 0 por La Val

Protagonist é ince la mandl fosch chesciüra cotan de fai nia iustificá y ne conzed nia fai evidënc. Insciö a Alex E. che se porta da na pert ite cuntra porta y vëgn metü jö amez area, por l'arbiter é le önescmetri tl dübe y ne le conzed nia. Al 55^ vëgn Alex sorví dal mezciamp lascian passé le palé amesa les giames por Adrian che se prejentëia sú dan Eder mo ne incuadrëia nia bun le spidl de porta. Le San Iöre se descëda y pro de a partí for a bun le palê, rovan ince tla picia area a mët in dificolté le un da La Val Sepl. Al 75^ se fej Stefan lerch a mezciamp y porta inant le palé por vaghé na trata a bót sigü tl'incrujiada de porta. Le curan vëgn indere rebatü dala stangia jö sön la linea de porta, l'arbiter ne conzed nia le gol. Atira dô é Max che concuistëia le palé sön la linea de ciantun mo á massa prescia da sorví i dui cumpagns susc amez. Le castighe por i ladins röia rodunt al 85^, Sepl ciara de antizipé la crossada mo le contrast cun l’atacant ti fej sciampé fora le curan dles mans, tla dërta posiziun é le compagn Kammerer che apogëia te porta por l 1 a 1. N gol antié che avaliëia le resultat a fin dla partida. Sön chesta duscia frëida á indere i ghesc na gran reaziun, al vëgn davagné na trata dal ciantun y Stefan rebat de ce amez por le defensur Paolo. Le medemo ne controlëia le palê y vëgn contrasté da ia dô, le arbiter mostra atira sön le punt di önescmetri. Alex E. se prejentëia sigü ala trata y le trasformëia por le vantaje. Dan la fin vëgn ciamó Freddy desgort dal ciamp por soma de amoniziuns. I nonanta menüc röia a piz y la devënta é plö co meritada.

San Iöre Junior – La Val : 1 - 2

Formaziun La Val: 1. Sepl Kantioler, 2. Werner Sottara, 3. Marco Castlunger, 4. Paolo Vallazza, 5. Egon Frenes (dal 70^ Martin Ploner), 6. Freddy Sottara, 7. Christian Dapoz (dal 70^ Luca Pescollderung), 8. Stefan Sottara - capitan, 9. Adrian Miribung (dal 75^ Franz Tolpeit), 10. Max Nagler (dal 80^ Michele Campei), 11. Alex Elzenbaumer

 

Goi por La Val: Max Nagler al 8^ y Alex Elzenbaumer al 90^

 

Proscima partida: en domënia ai 11 de otober dales 15:30 te a San Martin por le derby cuntra l’ACD Val Badia


Atri resultac:

Alteherren (La Val): Schabs – La Val  0-1

Juniores (Val Badia): Val Badia – Kiens: 2-6

U15 (Mareo/La Val): Hochpustertal – Mareo:  7-0

U13 (La Val): Val Badia – La Val:  5-0

U10 (La Val): La Val - Reischach: 0-2

Resultac dles atres scuadres

 

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©