US LA VAL
 
 
     
 

Derby ladin : ACD Val Badia - US La Val

Stampa PDF
3a_categoria2015

Chësc ultim fin dl’edema él gnü sughé le tan aspeté derby ladin anter le ACD Val Badia y La Val.

Na partida combatüda y emozionanta cina la fin, la VB defënn indere le resultat y se tëgn toch i trëi punc.

 

 

 

 

Al gran publich apascioné ruvé adalerch al bel ciamp “Pradel” a San Martin  él gnü pité na partida ezitënta cina le sciür dla fin. Dal punt d’ odüda dla determinaziun y dl’intesivité de jüch ti va n gran complimënt a trames formaziuns, che á dé düt y deplö por fa le resultat. La Val mëss se sotmët al jüch dla VB dl pröm tëmp mo se refesc spo tla secunda pert, protagonist é chiló le un dla VB Ferdigg che desfantëia n önescmetri.

Derevers ala partida, sciöche bele anuzé danfora, stënta La Val a se sbloché y mëss tl metëman se sotmët al jüch aversar. Le mezciamp süga bun le palê y le defensciun dl La Val é scialdi sforzada a trá demez. Val ripartënza ti gareta indere ince ai ghesc, Alex E.  se fej lerch sön la pert ciampa y mët amez n bel preparatif bass che passa fora por düta l’area, i atacanc indere ne röia nia a tra te porta. Ala chert’ora respogn la VB y desliëia le grop cun Manuel Clara sön na dijatenziun di ghesc. Le palê vëgn pordü a mezciamp y la passaja filtranta che taia fora la defenjiun ti röia sön le pé a Clara. Chësc ultim pó jí sú cuntra porta y vega la trata bassa sön le pé de porta lunch, le verdaporta Sepl ne röia nia a devié le curan. Dal atra pert dl ciamp vëgn  na trata a bót sigü cuntra porta de Stefan deviada dal defensur y ti röia sön le pé a Alex che vega ciamó n iad, ince chësta de püch dlungia porta ia. La defenjiun da La Val mëss ciamó tramoré sön val puniziun y trates dal ciantun, ulache i stersc atacanc é rîs da tigní y manacia a radopié le resultat.


Trames scuadres va tla palsa a ciarié nöies forzes, le pröm tëmp se rüva sön le resultat de 1 a 0 por la VB.


Le sceter dla partida i passa spo tla secunda fraziun tles mans ai ghesc da La Val. Na gran presciun sön i portadûs dl palê fej alzé düta la scuadra y bel do püc menüc röia le jonn Christian Dapoz al limit a tra cuntra porta. Püch dô vëgn archité le jüch por n contrast grô, daulache le atacant da La Val Alex y le defensur dla VB Davide röia a bat adüm le ce sön n stach. Tartan che i sogadús mëss lascé le ciamp da jüch conzed l’arbiter al 60^ n önescmetri por fal de man da pert dl defensur dla VB. Na gran ocajiun por avalié le resultat; Alex röia indô te ciamp y se prejentëia sön le punt di önescmetri. Le portier Ferdigg individuëia chilò bun la direziun dla trata y alontenëia insciö le palê cun i pîsc. Sot i scrai de esultanza dl publich vëgnel sughé inant y La Val pro da mët da pert l’ocajiun arjumada por porvé danü a ataché. Al 70^ é la gran reaziun y reflés de Ferdigg che ti dij indô de no ala trata de Stefan. Le medemo vëgn sorví cun na passaja bassa al limit y  pro la trata al jore sön le pé lunch, Ferdigg sprinza da na pert y cöi fora cun les pizes di dëic. Martin Ploner apëna rové te ciamp pro ince ciamo na trata sëcia da lungia distanza cuntra porta, le palê röia de püch sura la stangia fora. An cunësc che les forzes se röia ince y al dërt momënt anuzëia la VB le momënt de deblëza por castighé zeruch, n gran druch cuntra porta ni fej indere nia ruvé a contlujiun. Atres gran ocajiuns ne é nia plö da alzé fora y l’arbiter fej ruvé i nonanta menüc. Le resultat defenü i fej gran parüda ala VB ince sce le pêr foss sté plö co iüst.


ACD Val Badia – US La Val : 1 - 0


Formaziun La Val: 1. Sepl Kantioler, 2. Egon Frenes (dal 45^ Luca Pescollderung), 3. Werner Sottara (dal 50^ Martin Ploner, dal 75^ Felix Nagler), 4. Paolo Vallazza, 5. Marco Castlunger, 6. Franz Tolpeit (dal 45^ Christian Dapoz), 7. Max Nagler, 8. Stefan Sottara - capitan, 9. Adrian Miribung (dal 70^ Michele Campei), 10. Alex Elzenbaumer, 11. Marco Sottara

Gol por la Val Badia: Manuel Clara al 16^

Proscimes partides:

La Val süga en domënia ai 18 de otober dales 15:30 te ciasa cuntra le Gsiesertal

La Val Badia süga en domënia ai 18 de otober dala medema ora a Niederdorf cuntra la scuadra de ciasa

 

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©