US LA VAL
 
 
     
 

8ª partida de campionat - Gsiesertal

Stampa PDF
12166729_10206540971255685_771206426_n

La Val se mët i trëi punc te gaiofa mo mëss aspeté cina l’ultim menüt por mët al sigü le resultat.



 

 

L’ultim fin dl’edema é le Gsies ruvé a La Val por l’otava de campionat. La scuadra aversara, tumada jö te categoria l’ann denant á porvé cina l’ultim de avalié le resultat, mo á spo msé zede sön le terzo gol dl La Val. Le derby dl’edema passada á costé deplö infortunns y porchël tröpes asënzes la dumënia dô. L’ alenadú Floriani á messü por chësc aporté val mudaziun ala formaziun cun l’injunta bele dal pröm menüt de dui sogadus plö jogn. Plö iadi denant é l’aiüt di sogadus plö jogn sté fondamental por i trëi punc y te ince te chësta partida esi stá d’öga. Ince sce La Val á pité n bel jüch, él indere mancé la determinaziun mostrada tl derby dan otedé.

 

I prüms menüc  dla partida vëgn comaná dala formaziun aversara, la buna posiziun te ciamp y les combinaziuns di sogadus fej jí in confujiun i ladins, che lascia trö massa lerch y röia insciö têrt sön le curan. Dô la chert’ora cambia la situaziun y al è i ghesc che se lascia dô fora y i atacanc é bugn de fa presciun sön le portadú dl palê, rovan ince dan porta. La prüma ocajiun d’or röia al 20^ cun la combinaziun tra i dui atacanc ladins, Alex sciampa al defensur y mët le palê a mez te area por Adrian che ne vega nia la trata al jore y vegn insciö antizipé. Al ne passa nia tröp che i medemi dui atacanc prô ciamó n iade al 35^ a sbloché le resultat. Adrian vëgn sorví cun na passaja filtranta da Alex, le prüm se fej trú dassú cuntra le verdaporta y indirizëia le palê sön le pé lunch de porta por le 1 a 0. Dan le pröm tëmp é ciamó na passaja filtranta dl Gsies prigorosa, sön na dijatenziun vëgn la defenjiun taiada fora y le atacant röia sé dan porta a trá, por fortüna röia le curan dlungia ia.



Le pröm temp se röia sön le resultat de 1 a 0 por La Val

La prüma mesora dl secundo tëmp vëgn dominada dai padruns de ciasa. Al vëgn scialdi sughé tl mezciamp aversar y cun gran sostëgn de düta la scuadra che se alza, garetel ince tosc le radopl dl resultat. Al 55^ vëgn Stefan sorví da Freddy al limit de area, ôt cun le spiné cuntra porta se girel y sënza sighité vêghel la trata  tl ciantun bass de porta por le 2 a 0. Atira dô é la trata sön puniziun de Marco C. che fej destrá le portier aversar por devié le palê. Le defensur Egon tôl ince coraje y se alza da na pert plö iadi cuntra le ciantun por alzé le palê alt amez, gunot ne se prejentëia indere degügn a rebat te porta. Al 80^ la sóra ocajiun por le Gsies, sön na crossada al limit de area ti sciampa le palê al defensur zentral y ti röia al atacant Laimer che controlëia bun y indirizëia le curan cuntra l’incrujiada de porta, en gol nia aspeté che mët in prigo le resultat. Na gran ripartënza ti gareta püch dô a Alex, al fej só le palê tl mezciamp ladin y cun velozité se fejel trú cuntra porta, ruvé dan le portier cun le flé rové prôl la trata che röia de püch dlungia porta ia. A renforzé l’atach röia te ciamp Franz Tolpeit che castighëia ciamó al’ultim menüt de jüch. Le medemo vëgn sorví cun n palê arlungé dal portier Sepl, le sogadú se fej lerch y ti sciampa al defensur, dan che al vëgnes ciamó abiné spizurëiel le curan sön le pé lunch de porta y mët insciö al sigü le resultat. Püch dô sciüra l’arbiter la fin. La Val se tëgn insciö toch pro la ferata y fej le balz al terzo post de tlassifica. 


La Val – Gsiesertal : 3 - 1

Formaziun La Val: 1. Sepl Kantioler, 2. Egon Frenes, 3. Luca Pescollderung 4. Paolo Vallazza, 5. Marco Castlunger, 6. Freddy Sottara, 7. Christian Dapoz, 8. Stefan Sottara - capitan, 9. Adrian Miribung (dal 75^ Felix Nagler), 10. Alex Elzenbaumer, 11. Michele Campei (dal 70^ Franz Tolpeit)

Goi por La Val: Adrian Miribung 35^, Stefan Sottara 55^ y Franz Tolpeit 90^

Proscima partida:

La Val süga en domënia ai 25 de otober dales 14:30 A Mühlwald cuntra la scuadra de ciasa

 

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©