US LA VAL
 
 
     
 

10ª partida de campionat - Vierschach

Stampa PDF
3a_categoria2015

La Val s’à stenté a ribalté le resultat cuntra le Vierschach, dô ester jüs sot tl prüm tëmp.


 



Avëi la miú sön les scuadres tles ultimes posiziuns de tlassamënt ne é mai sté saurí por La Val. Insciö era ince stada cuntra le Vierschach, rové adalerch a La Val por la decima de campionat; indî ne á le palê urü rové te rëi. Tla secunda pêrt tôl i ladins la partida tles mans y ribaltëia le resultat.

Le prüm tëmp vëgn scialdi sughé tl mezciamp aversar, mo i atacanc röia dainré a contlujiun a gauja de n grüm de passaji sbaliá y superfizialité tl jüch. Bele dal mëtman é le atacant dl Vierschach che röia sú dan le un Sepl y prô le palonët che ti gareta ince mo röia de püch dlungia ia. Sciöche bele dit danfora é La Val che costruësc de vigni sort de aziuns y davagna puniziuns al limit y trates dal ciantun, chilò al tres falé la indere la determinaziun y l’ultim sforz por condüj le palê te sach aversar. Al 38^ se porta spo in vantaje le Vierschach cun n önescmetri, le atacant se porta te area de straufunga y toma a tera sön en contrast da pert dl defensur da La Val. Le atacant Wisthaler se prejentëia ala trata y trasformëia le önescmetri por le 1 a 0. I padruns de ciasa prô ciamó dan la fin dl prüm tëmp a avalié le resultat mo mëss jí te cabina a mans ötes.


Le pröm temp se röia sön le resultat de 1 a 0 por le Vierschach


Tla secunda fraziun röia te ciamp na scuadra cun en ater spirit. Ti prüms vint menüc mëss i aversars se sotmët ala dominanza di ladins, che röia bel a avalié le resultat do cater menüc de jüch. Al é Marco S. che se fej lerch da na pert jö y se tira it cuntra porta por vaghé na trata bassa che ti sciampa al portier y röia bel plan do la linea.  Le medemo vëgn püch dô sorví dala crossada de Alex che vëgn abina püch dan porta mo la trata é debla y röia dlungia ia. Al 70^ le vantaje por La Val, sön na trata dal ciantun é le defensur aversar che stënta da trá demez le palê, le capitan Stefan é asvelt da ti tó le curan y de tra te porta. Le resultat é rosedé mo la partita ne é indî nia ciamó rovada. Do le vantaje é l’atach da Vierschach che se presentëia sú dan porta ladina, cun na gran parada ti dij Sepl de no ala trata. Marco á ciamó döes ocajiuns d’or por stlü la partida, sön trames vëgn chësc sorví da Alex cun na passaja filtranta mo vëgn tres arjunt dal defensur denant co ruvé ala trata. Atres gran ocajiuns ne é nia plö da alzé for a y i ultimo menüc se rüva cun la presciun dl Vierschach che chir ciamó le pêr. I padruns de ciasa tëgn indere bót y se tëgn te ciasa trëi punc asuiá.


La Val – Vierschach : 2 - 1

Formaziun La Val: 1. Sepl Kantioler, 2. Egon Frenes, 3. Luca Pescollderung 4. Paolo Vallazza, 5. Ploner Martin, 6. Max Nagler (dal 70^ Felix Nagler), 7. Christian Dapoz, 8. Stefan Sottara - capitan, 9. Marco Sottara, 10. Franz Tolpeit (dal 65^ Michele Campei), 11. Alex Elzenbaumer

 

Goi por La Val: Marco Sottara al 48^ y Stefan Sottara al 70^

Proscima partida:

 

La Val süga l’ultima de campionat en sabeda ai 07 de novëmber dales 16:00 a Raas cuntra la scuadra de ciasa

 

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©