US LA VAL
 
 
     
 

11ª partida de campionat - Raas

Stampa PDF
3a_categoria2015

La formaziun da La Val reagësc purmó tl secundo tëmp y pordüj ma plö de avalié le resultat ti ultimi menüc



 



Bele la sabeda s'à la formaziun da La Val metü sön trú por ruvé tl biotop a Raas a sughé l'ultima de campionat. Ince l'ultim fin dl'edema s'à La Val indurmedi ia le pröm tëmp y à spo messü recuperé le svantaje tla secunda pert. L'agresivité y la determinaziun mostrada dles prüms partides de campionat é tröp manciada.

A costruì ocajiuns é tl pröm tëmp le Raas, deperpo che La Val se stënta dassën a tignì le palé tl mezciamp aversar y a imposté val aziun concreta. Bele al 10^ menüt toma le vantaje por i padruns de ciasa: sön na trata de puniziun rebat le curan cuntra la stangia de porta y i atacanc asvelc y nia marcà sprinza cuntra le palé por le apogé te rëi.
La Val pro de costruí jüch cun passaji asvelc y basc, scialdi indere intercetá dai aversars. Sön les ripartënzes prô i ladins de tigní sö i portadûs dl palé, rovan indere intres massa tert sön le contrast y gaujan insciö tröc fai por nia y trates de punziun decuntra. I stersc atacanc dl Raas fej gran parüda sön chëstes situaziuns standard, ruvan a mët in dificolté le portier Julian. La sóra trata cuntra porta da pert di ghesc é le defensur Martin Ploner che vega: sön na rebatüda dla defenjiun prôl na trata sëcia che sfiorëia la stangia de porta.



Le pröm temp se röia sön le resultat de 1 a 0 por le Raas


Sciöche la partida da denant röia La Val tl secundo tëmp te ciamp cun un en gol de svantaje da recuperé. La reaziun é indo la medema y do la cherd'ora tôl i ladins cun coraje la partida tles mans y pro da se refà por la pröma pert indurmedida ia. Les forzes frësches metüdes te ciamp dà n gran sostëgn ala scuadra. Le arbiter archita ince deplö posiziuns de forajüch dër tl dübe, sënza ester bun de motivé sües dezijiuns. Al 65^ röia Alex E. sù dan porta y vega na trata bassa che vëgn rebatüda dal'un dl Raas, le palê röia sön le pé de Stefan che dô na secunda trata vëgn ciamó n iade devié te ciantun. Le arbiter conzed plö trates dal ciantun y puniziuns por i ladins, che ne vëgn indere nia anuzà bun. An mëss aspeté le 85^ por avalié le resultat. La defenjiun dl Raas vëgn taiada fora cun na passaja dal mezciamp, le palé rové a Franz che controlëia a dovëi tira te porta por le 1 a 1. Por radopié le resultat mancel ma plö püch tëmp y La Val fej gran druch y prô ciamó cun vigni meso de chirí la devënta che ne gareta impone nia. Les döes formaziun se partesc insciö i punc, por La Val na ocajiun jumada ia por fa n bel balz inant de tlassifica. Dan jì tla palsa da d’invern süga ciamó La Val la partida de retöda de Copa Provinzia cuntra la medema formaziun da Raas, do avëi davagné al’andata por 2 a 0. Sughé vëgnel insnöt vëindres dales 20:00 indô a Raas.


Raas – La Val : 1 - 1

Formaziun La Val: 1. Julian Moling, 2. Egon Frenes (dal 70^ Franz Tolpeit), 3. Luca Pescollderung 4. Paolo Vallazza, 5. Ploner Martin, 6. Freddy Sottara, 7. Christian Dapoz (dal 70^ Felix Nagler), 8. Stefan Sottara - capitan, 9. Marco Sottara (dal 75^ Alexander Miribung), 10. Alex Elzenbaumer, 11. Adrian Miribung (dal 75^ Michele Campei)

Gol por La Val: Franz Tolpeit al 85^

Proscima partida:

La Val süga ciamò in vëindres sëra a Raas dales 20:00 la partida de retöda de copa provinzia cuntra la scuadra de ciasa

 

Insëra, mercui ai 23 de aurì él gnü sughé l’andata dla semifinala de Copa Provinzia cuntra la scuadra da Ritten, che süga le campionat três te 3 categoria mo te n ater girone. La scuadra da La Val à incuntè na scuadra sterscia, che à lascè udëi sües cualitês portan a ciasa la devënta por 2 a 0. Ai 7 de mà gnaral sughé le ritorno sön le ćiamp dl Ritten.

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©