US LA VAL
 
 
     
 

1ª Südtirolcup y Raika Jugendcup

Stampa PDF

wUXxAvAP2RrxPYI76yggJQJ-skUYPZDrtUzmXfL3PrY3Ntk6OPH0hiberA-kWnFJADTpNOA3TYcn8yR9d9ZuzM

Bela sodesfaziun por la scuadra dla liösa da La Val, che arjunj trëi podiums pro la pröma de Südtirolcup y atri bugn plazamënc.

 

 

 

 

Por la seziun lüsa da La Val à metü man le nü ann cun döes gares de lüsa sportiva, ai 3 de jenà la pröma dla Raika Jugendrennen tignida a Funes y püc dis dô ai 06 de jenà s’á i atlec metü sön trù cuntra Lijun por la pröma gara de Südtirolcup.

Le Raika Jugendcup é na competiziun partida sö te cinch gares olache al tôl pert mituns dai 6 ai 14 agn che vëgn partís sö de deplö categories. Al vëgn garejé sides cun lüsa alta y sides cun lüsa basa. I atlec plö jogn da La Val é gnus acompagnà da Diego y Ivan Tschaffert a Funes olache ai à concuisté de bugn plazamënc tles singles categories: Philipp Brunner à arjunt le 3. Post, Lukas Peccei é ruvé al 5. post y i dui fredesc Daniele y Lorenzo Serafini à mostré sö le 11ejim y 12ejim tëmp.  A gauja de s’avëi fat me é le jonn atlet Campei Marco nia ruvé al travert, a vël les miûs aodanzes che al pois tosc varì y por podëi sunté indô sön i liöstri.

Nianca le tëmp da trà le flé che la scuadra dla lüsa se sposta püc dis dô ia n Lijun sön la pista “Petschied” por la pröma dl Südtirolcup. N gran l’âlt al comité d’organisaziun por le gran laur a arjigné ca na pista de condiziuns otimales por garejé. Chësta gara adüm ala secunda de Südtirolcup y ala gara di campionac taliagn é varënta por i campionac dl monn che gnarà tignis amez furà a Oberperfuss tl’Austria. I atlec ladins à indo desmustré de ester stersc mostran sö ince plazamënc sön podest: Manuela Rubatscher pó indo pié dô la medaia d’or te söa categoria dan les döes athletes da Longiarü Greta y Luisa. Le 2. post tla categoria Master A é jü a Kurt Knolleisen y le 3. post a Shamira Brunner tla categoria dles ëres senior, che pó ince mostré sö le terzo miú tëmp pro les ëres. Tla categoria aspiranc röia Nicolas al 17. post y Alex Ploner mostra sö n bun setim post, le medemo plazamënt fej Florian Rubatscher pro i seniors. Tla categoria master B arjunj ciamó Carlo le 6. post.

Tla gara a scuadres joniles röia La Val al 6.post y pro la gara generala él garaté ciamó en cuinto plazamënt. Le miù tëmp dl dé i va al jogn Kaser Roman y a süa só Martina dla scuadra da Lijun. I atlec se conforta bele ala secunda gara por la Copa de Südtirol, che gnarà organisada dal’Uniun dl sport seziun lüsa da La Val ai 17 de jenà sön la pista “Do Juvel” a Longiarü.


Por la nöia sajun s’à la seziun lüsa da La Val arjigné na nöia tuta de raprejentanza, chilò val en rengraziamënt particular ala sozieté M2 y ala Raiffeisen por le sostëgn finanziar, giulan!



I plazamënć dla gara Raika Jugencup a Funes ciafen chilò: risultati

I plazamënć dla pröma gara de Südtirolcup ia en Lijun ciafen chilò: risultati Südtirolcup

Por deplö informaziuns, por ci che reverda resultać, novitês y le program dla lüsa pon vijité la plata internet sot a chësc linch: http://www.sportrodel.it/

 

 

1NbSn9lSU_Ys4VB8j81E9l-W8qZf7so9HtTQmTB5jwU 254EBITCbB5QuRfsOs3lo_4lPTxyyDfrr-_FEeIusjk dttdkY8FesAMx5DNKkbx0m2RDNG0N6R9t5tKvVd4cYs VWENwRJxQT3QonPp5_FkVT07apnb8CAkq3kpwmp1TYY
9CPUYK23w1jEsMbBRivHIpgoSO64K-CdA0mYyEIcGAw G0aBPosnh1fxV_s4Au_ElptZuFtD_q9WsJ-qFLf4cus 6sPK2J1IXLhhooTnQfKIO5dddjgmMWezXmkTgp--Kw4

oDo3llENgFywqNI-D8Z8yNutJCS4caSYAslEh78wArc

cuPvPiNO-tdXBgjFOd7ZdzxOVqjqq59vrotARH-fmV0 JkkRxmjA8qtJl36NNOsKH8SwJd427zHOcvn8EEKM8tM LYG82Sp5WvnqEhg0EoCPwNPG943GMyaWiIxZKgoRqPg

 

 

Por atres foto: Dropbox

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©