US LA VAL
 
 
     
 

Campionac provinziai a Latzfons

Stampa PDF

philipp

Le scenar dla lüsa alta se é sposté tratan l’ultim fin dl’edma a Latzfons sön la pista “Lahnwiesen”, ulach al é gnü tigní i campionac provinziai che cunta ince por la cualificaziun ai campionac mondiai tl’Austria.

 

 

 

 

 

I campionac provinzia é uramai n apuntamënt tradizional tl sport dla lüsa alta. In chësc ann é la seziun dla lüsa da Latzfons che s’à tut sö l’impegn de organisé la competiziun, che é ruvada a süa ventunejima ediziun. N gran lâlt por l’organisaziun y la pista arjignada ca te condizuns otimales por garejé.

I atlec ladins prejënc à indo fat bela parüda, ruvan ince plö iadi sön podest. Pro les miûs apirantes é indo l’atleta Manuela Rubatscher che pó festejé le 2˚ plazamënt dan da les döes atletes da lungiarü Nagler Luisa y Ladstätter Greta. Al medemo post se posizionëia Brunner Shamira che se fej sciampé dant dala talentada Kaser Martina da Lijun. N’atra bela sodesfaziun tla categoria cuccioli po’ se tó Brunner Philipp cun la medaia de brom. Chilò i atri resultac di atlec da La Val: 7˚ post por Peccei Lukas tla categoria ragazzi, pro i alievs röia i fredesc Serafini Daniele y Lorenzo respetivamënter al 11˚ y 14˚ post, pro i aspiranc fej Ploner Alex le buniscimo setim tëmp, 5˚ post por Miribung Carlo pro i master B y 4˚ post por Knollseisen Kurt pro i master A, Rubatcher Florian fej ciamó le 8˚ plazamënt pro la categoria seniors. I atri resultac di atlec da Lungiarü: 10˚ post Gatta Damian y 16˚ post Monthaler Tobias pro i aspiranc, 6˚ Preindl Peter pro i juniores.

Le miù tëmp dl dé pó gní mostré sö dala campionëssa dl monn in ciaria Theresa Hilpold pro les ëres, da Roman Kaser da Lijun pro i ëi y dai fredesc Lambacher tl dopl. No ma le miú tëmp mo ince le record dla pista é gnü mioré in chësc dé da chisc ultims atlec, che tigní bót dai campionac europeics dl 2013 inca. Le mioramënt dl’ atrezatüra y le perfezionamënt di alenamënc fej pro chisc progresc dessigü süa pert.

Do chësta gara pon bel prejenté i prüms atlec cualificá ai campionac dl monn a Oberperfuss, de chisc fejl pert Manuela Rubatscher y Shamira Brunner dla scuadra da La Val y Luisa Nagler dla scuadra da Lungiarü. A se compliché la cualificaziun pro l’ultima gara é sta Carlo Miribung, Kurt Knollseisen y Florian Rubatscher, che se süga le post al alenamënt ofizial a Oberperfuss.

Chësc fin dl’edema y le proscim gnarà tigni la terza y la cuarta gara de Raika Jugendcup, plö avisa a Latsch y Ried in Tirol. Por l’apuntamënt tan aspeté á i atlec tëmp fina le fin dl’edema di 12-13-14 de furá por i campionac mondiai a Oberperfuss tl’Austria.


 

I plazamënć dla 21ejima ediziun di campionac provinziai a Latzfons ciafen chilò: risultati

Por deplö informaziuns, por ci che reverda resultać, novitês y le program dla lüsa pon vijité la plata internet sot a chësc linch: http://www.sportrodel.it/

 

 

carlo Daniele florian Lorenzo
Manuela Peccei manuellaa

shamira


 

Por atres foto: Dropbox

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©