US LA VAL
 
 
     
 

Raika Jugendcup Latsch y Ried in Tirol

Stampa PDF

Attachment-1

Dlungia les competizuns tradizionales de lüsa alta, él ince preodü na competiziun por i atlec plö jogn, che pó se mosoré pro atres cinch gares.

 

 

 

 

Le scenar dla lüsa s‘à spusté les ultimes döes edemes a Latsch y a Ried in Tirol tl’Austria, ulache al é gnü tigni la terza y cuarta gara de Jugendcup. La competiziun é partida sö te cinch gares olache al tôl pert mituns dai 6 ai 14 agn che vëgn partís sö de deplö categories. Al vëgn garejé sides cun lüsa alta y sides cun lüsa basa.

A tó pert é ince i atlec plö jogn dla scuadra dla lüsa da La Val, acompagná da Diego y Ivan Tschaffert.

Ai 30 de jenà à i atlec garejé a Latsch sön la pista “Gumpfrei”, ulache al é ince salté for a en podest, Brunner Philipp pó pié dô la medaia de brom tla categoria cuccioli. Peccei Lukas arjunj le otavo post te süa categoria y i fredec Serafini Daniele y Lorenzo rispetivamënter le 10. y 14. post.

L’edma dô s’à la scuadra metü sön trù por ruvé a Ried in Tirol a porvé de davagné atri punc importanc por la tlassifica finala. Te chësta gara é ince la sterscia concorënza austriaca che á tut pert. Brunner Philipp y Peccei Lukas fej bela parüda y se aiudichëia le cuarto post te söa categoria. I fredesc Serafini Lorenzo y Daniele  à incunté n gran numer de atlec te söa categoria, ruvan al 12. y15. post.

L’ultima gara y finala de Raika Jugendcup gnarà tigni duman 09 de furà ite in Passeier, ulache al gnarà spo somé adüm i punc y detlaré le campiun.

Do le training por les cualificaziuns ai campionac mondiai a Oberperfuss, gnü spusté a Funes, é ince gnü fissé i atlec che fajarà pert dla scuadra taliana. De chisc tularà ince pert dla scuadra da La Val: Rubatscher Manuela, Brunner Shamira y Miribung Carlo

 

I plazamënc dla 3a gara a Latsch ciafen chilò: risultati
I plazamënc dla 4a gara dora Ried in Tirol ciafen chilò: risultati

Por deplö informaziuns, por ci che reverda resultać, novitês y le program dla lüsa pon vijité la plata internet sot a chësc linch: http://www.sportrodel.it/

 

Por atres foto: Dropbox

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©