US LA VAL
 
 
     
 

Campionac mondiai a Oberperfuss (AT)

Stampa PDF

atleti

L’ultim fin dl’edema él gnü tigní Ia secunda ediziun di campionac mondiai de lüsa alta a Oberperfuss tl’Austria, l’evënt culminant de chësta sajun dla lüsa. Tla scuadra taliana é ince i ladins che garejëia.









Do le garaté di ultims campionac mondiai de lüsa alta, tignis a Valdaora tl 2014, s’á spusté le scenar tl’Austria, plö avisa a Oberperfuss, olache Ia pista “Tiefental” à metü a düra proa i atlec dla scuadra taliana. I dui susc alenamënc dl vëindres y sabeda dan la gara á messü basté por studié jö la ria y asvelta pista y se preparé al miú por les gares ofiziales.

I atlec dla Talia à sluminé dan la concorënza, che se prejentëia da plö paisc europeics, portan a ciasa de buniscimi resultac. Al é le talënt jonn da Lijun Roman Kaser che vëgn incoroné campiun mondial, l’atlet ti sciampa dant por püc dezims al campiun dl monn inn ciaria dl 2014 Andreas Ehammer dal’Austria. Tla categoria dl dopl pon ciamó alzé fora la medaia d’or di fredesc Lambacher da Funes. Tla categoria dles ëres é la concorënza austriaca da malan sterscia, les talianes se stënta a tigní bót y ti conzed le podest a les austriacs, Theresa Hilpold da Porsenù pó chiló mostré sö le miú tëmp, rovan al 5 post.

Nia mancé él le presidënt dl’ISSU (International Sledge Sports Union)  y atur dla televijiun Tobias Moretti, che é jü al start por pröm a daurí la gara.

A chësc bel evënt él ci sté cater atlec ladins che s’á cualifiché y à insciö podü se mosoré cun atri garejadus, ausà uramai de udëi scialdi tres i medemi atlec südtiroleji. Dla scuadra da La Val al tut pert Rubatscher Manuela, Brunner Shamira y Miribung Carlo; dla scuadra da Longiarü al tut pert Nagler Luisa.

Chisc i resultac arjunc: Tla categoria dles ëres “junioren” röia Manuela al 5. post dant de püch a Nagler Luisa da Lungiarü che fej le 6. post, dla tlassifica generala dles eres röia Nagler Luisa al 12. post dan da Manuela che fej le tredicejim tëmp. Brunner Shamira fej te söa categoria le setim post y tla generala le 9. plazamënt. L’atlet Miribung Carlo garejëia tla categoria master mostran sö le 12ejim post, rovan indere al 39. post tla tlassifica generala.

Pro i campionac mondiai él indo gnü sotrissé le duel nazional anter la Talia y l’Austria, che pó mostré sö i atlec plö asvelc. La Talia s’à candidé por i proscimi campionac mondiai tl 2018, i proscimi dis gnaral spo anuzé da pert dl’ISSU le post che ospitará la competiziun.

 

I plazamënc dla sabeda ciafen chilò: risultati
I plazamënc finai dla dumënia daulache al á garejé i 20 mius ëi y les 10 mius ëres ciafen chilò: risultati

Por deplö informaziuns, por ci che reverda resultać, novitês y le program dla lüsa pon vijité la plata internet sot a chësc linch: http://www.sportrodel.it/

2._WM_Oberperfus_012 2._WM_Oberperfus_041 2._WM_Oberperfus_142 2._WM_Oberperfus_361

 

Por atres foto: Dropbox

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©