US LA VAL
 
 
     
 

L' Statut dl Unin

Stampa PDF

 

       1971           Fondaziun

       1972           Aprovaziun dl statut

       1972           Iscriziun al V.S.S. (Verband der Sportvereine Südtirols)

       1972           Iscriziun ala F.I.S.I. (Federazione Italiana Sport Invernali)

       1980           Mudaziun dl statut

       1993           Reelaboraziun dl statut

       1995           Iscriziun ala F.I.G.C. (Federazione Italiana Giuoco Calcio)

       1996           Mudaziun dl statut

       1998           Mudaziun dl statut

       2004           Mudaziun dl statut

       2005           Mudaziun dl statut

       2007           Mudaziun dl statut

 

 

Le statut dl'Uniun

 

I fins dl'Uniun

Le fin prinzipal dl'Uniun dl Sport La Val reportè tl statut, é chël de stlüje adüm düc’ i sportîfs che pratichëia y sostëgn le sport. Te chësc tómel ince íte l'organisaziun de de vigni sort de gares y manifestaziuns sportives y la partezipaziun cun sü atlec’ a vigni sort de gares foradecá. L'assoziaziun ne n’á nia fins de vadagn y vignun - ëi y ëres - pò gní mëmbri, zënza limita­ziun de residënza y eté.

Les seziuns

Le statut prevëiga la repartiziun dl'ativité dl'Uniun te deplü seziuns, che atualmënter é trëi: jüch dl palè, lüsa y arpizé. Vigni seziun é coordinada da n surastant, denominé caposeziun.

I organns  dl'Uniun les competënzes

I organns dl'Uniun cun sües competënzes, nominaziun y composiziun vëgn ince regolá avisa dal statut. L'organn plü alt dl'Uniun é la Reuniun di mëmbri, che vëgn tignida almanco n iade al ann. Les funziuns plü impor­tan­tes de chësc organn é l'eleziun dl Consëi d'aministraziun vigni trëi agn, l'aprovaziun dl cunt consuntîf y dl bilanz y l'aprovaziun de mudaziuns al statut.

L'ater organn é le Consëi d'aministraziun, de chël ch'al fej pert le Pre­si­dënt, almanco nü aconsiadus litá dala Reuniun di mëmbri y dui aconsiadus nominá facoltativamënter dal Consëi instës. Le compit dl Consëi é chël de aministré y programè l'ativité dl'Uniun, respetán les diretives dla Reuniun di mëmbri.

Le terz organn dl'Uniun é le Presidënt, che vëgn lité te so gremo dal Consëi d'Aministraziun. Ël é le rapresentant legal dl'Uniun.

Le statut prevëiga ciamò d'atres funziuns che ti vëgn assegnades ai mëmbri dl Consëi d'aministraziun, plü avisa: le secretêr, i caposeziuns, i revisurs di cunc’ y le magaziníer.

 

Le patrimone dl'Uniun

Porchël che l'Uniun poides portè inant süa ativité ara debojëgn de de vigni sort de atrezatüres y injins. Cun l'aiüt di contribuc’ conzedüs vigni ann dal Comun y dala Provinzia sciöche ince da deplü istituc’ bancars y dites á l'Uniun podü se arjigné cun le passè di agn de vigni sort de mascinns y atrezatüres.

 

Le pulmin

La mascînn che ti é plü de ütl al'Uniun é dessigü le pulmin. Sides ch'al vëgnes adorè da condüje i mituns en ocajiun de cursc organisá dal'Uniun o da jí incërch vigni sabeda da d'aisciüda y da d'altonn cun les scuadres joniles dl palè, aldedaincö ne fóssel nia plü da se imaginé demez dal'ativité dl'Uniun. Le prüm pulmin é gnü cumprè de secunda man da Beniamin Ploner, y plü avisa tl ann 1985 che é gnü tigní fina tl ann 1987. Te chësc ann él gnü cumprè le pulmin nü, che é gnü finanzié en pert dal Comun da La Val y ince cun n contribut dla Cassa Raiffeisen dla Val Badia. Tl 2008 el gnü cumpré en ater pulmino. Aldedaincö vëgnel adorè tres deplü, dantadüt por les trëi scuadres dl palè di mituns che tol pert ai campionać provinziai: al é plü o manco 50 mituns dai 9 ai 17 agn che süga al palè. Implü vëgn le pulmino adorè por i cursc che vëgn tignis vigni ann, sciöche le curs de schi y le curs da nudè por i mituns. Al é sambëgn important che i mituns pois gní condüć inćërch cun mesi moderns y dantadüt sigüsc. L’auto nü é n Opel Vivaro 2.5 CDTI da nü posć, cumprè dala Garage Crepaz a Bornech cun n cost dütadüm daimprò da 30.000 euro. Por le finanziamënt él stè le Comun ch’á conzedü n bel contribut de 10.000 euro. L’ater gran sostëgn é gnü dai sponsors, cun le sponsor prinzipal che é stada la “Stiftung Südtiroler Sparkasse” cun n contribut de bëgn 9.000 euro. Laprò él ciamò stè 9 sponsors privać, dantadüt dites da La Val ch’á daidé finanzié chësc investimënt, plü avisa les dites Colorit Snc, Decor Snc, Electro Moritz, Boandes Graus, Tistlaria Nagá, Se.ve-Studio Verginer, Ploner Snc, Rubatscher Pire-Rustikal y Tolpeit Erhard.

 

inaug__pul_20 FIL09365
FIL09367 FIL09368

 

 

Les ores da cronometrè

Por alisiré le laûr da organisé les gares él gnü cumprè tl ann 1981 dui aparac’ da cronometrè cun fotozelules. Le compit da cronometrè gnê suran­tut da Paul Alton, Giuvani, Gottfried y Hansi Rubatscher, Giuvani Nagler, Gilbert Irsara, Giuvani Frenes y te chisc ultims agn êl Vito y Siegfried Miribung, Pio Ploner o Sepl Comploi che se baratâ jö pro chësc laûr.

 

Le computer

Tl ann 1995 á l'Uniun cumprè n pice computer portatil IBM cun stampanta che vëgn adorè por i laûrs de secretariat y ince por l'orga­ni­sa­ziun dles gares.

 

La mascînn da desparè

Tl ann 1996 él gnü cumprè na picera mascînn de secunda man da desparè la nëi. Chësta vëgn dantadüt adorada por arjigné la plaza dala dlacia. Tl ann 2004 él spo gnü cumprè le tractor (Valpadana HSR - R) nü da desparè. 

traktor1 

 

 

Le Statut pur talian

 

 

statut

 

                  Pur udëi le Statut complet clicca sön le PDF in injunta

 

Statut_dl_Uniun.pdf

 

 

 

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©