US LA VAL
 
 
     
 

Gran Pest d'Europa a Funes

Stampa PDF

GPvE_Villnss_539

I atlec ladins fej bela parüda al Gran Pest d'Europa ia en Funes cun posiziuns scialdi tla pert alta de tlassifica









Do i mondiai de lüsa alta tignis l’edema denant tl’Austria, s’á le szenar dla lüsa sposté a Funes por la tredicejima ediziun dl Gran Pest d’Europa. Le frësch campiun dl monn da Lijun, Roman Kaser, é indo le plö asvelt y dominëia la pista “Ranuier Rungg”, mostran sö le tëmp de 2:03,10. Al à insciö fat só le scalin plö alt dl podest.

A raprejenté la Talia te chësta gara internazionala, é sambëgn ince sta i atlec ladins, che s’á posizioné tla pert alta dles tlassifiches arjunjon ince val podest. Jun daimprò ia cun i resultac: tla categoria juniores à les döes atletes Nagler Luisa da Lungiarü y Rubatscher Manuela da La Val podü trà n salt sön podest a podëi pié dô rispetivamënter la medaia de arjënt y chëra de brom. Tla categoria dles ëres generala arjunj Brunner Shamira le buniscimo 4. post de püch do l’austriaca Larcher Victoria.

Na bela sodesfaziun à podü se tó le jonn atlet da La Val Ploner Alex, che à porté a ciasa n buniscimo 5. post tla categoria juniores. Capaze pó ince ester Miribung Carlo por avëi fat le cuarto miú tëmp tla categoria master II. Knollseisen Kurt se posizionëia al 8. post pro i Master I y Rubatscher Florian al 10. post pro la tlassifica generala di ëi.

Al momënt dominëia la nazionalité taliana le szenar dla lüsa alta, chiló pon ester capazi da udëi i bugn resultac che vëgn in gran pert ince arjunc da atlec ladins.

Sön le program dla lüsa restel ma plö döes gares, in chësc fin dl’edema, la dumënia ai 28 de furá vëgnel tignì la finala dles trëi gares de Copa de Südtirol, plö avisa ia en Plan de Gralba.

 

I plazamënc dl Gran Pest d'Europa ciafen a chesc link: risultati

Por deplö informaziuns, por ci che reverda resultać, novitês y le program dla lüsa pon vijité la plata internet sot a chësc linch: http://www.sportrodel.it/

GPvE_Villnss_014 GPvE_Villnss_123 GPvE_Villnss_281 GPvE_Villnss_397
GPvE_Villnss_443 GPvE_Villnss_677 GPvE_Villnss_716

Por atres foto: Dropbox

 

 

Sponsoren

logo_M2_Srl posta raika1.plata seve decor1.plata Logo_moritz_01 patrick1.plata helmut1.plata ploner1.plata

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©