US LA VAL
 
 
     
 

Copa Provinzia - cuarti de finala

Stampa PDF

copa2012 Les partides ofiziales dla sajun de retüda a metü man cun i cuarti de finala de Copa Provinzia. Por La Val na devënta y na pordüda. Sciöch vigne ann vëgn i cuarti de finala de Copa Provinzia tignis dan le scomenciamënt dl campionat de retüda, preodü cun le 19 de merz.

 

 

 

 

I ultims fin dl'edma à la scuadra afronté i cuarti sot forma de triangolar cun döes scuadres de terza categoria, le Mölten y l'ACD Val Badia. Ai 27 de furá é la miú scuadra dl rode A, le Mölten, ruvé a La Ila (partida spostada sön le ciamp da La Ila a gauja dla nëi) por la prüma cuntra i ladins da La Val. La formaziun de ciasa fej na bela parüda y fej süa chësta pröma partida ofiziala cun le resultat de 4-2. Insciö pëia ia bun la sajun por i ladins che pó se arjigné a afronté i aversars dl acd Val Badia ai 13 de merz a La Ila.

Na bela proa dan che le campionat mëtes man, na partida plajora da ciaré pro, ulache la Val Badia à la miú sön La Val por 3-1. Do ester jüs in vantaje do la chert d'ora cun Alex E. dal limit de puniziun, é döes dijatenziuns dezisives por le radopl dla VB: le gol dla parité röia sön puniziun/crossada amez ulache l'atacant é plö asvelt de taié fora la defenjiun y da rebat le curan te porta al jore. Al ne passa tröp por le radopl, sön puniziun dal limit de Alex Stampfer ti sciampa le palé fora dles mans al portier Sepl, le sogadú Emanuel Dorigo é le pröm de ruvé dan porta y á ma insciö bria de apogé te porta. 2-1 y l'arbiter sciüra le pröm tëmp.

La prüma chert d'ora dla secunda pert é La Val che à la partida tles mans, cun druch röia i atacanc gunot dan porta, scialdi é l'ultim passaje che ne gareta nia, l'unica ocajiun d'or é Alex che á, sú dan le portier é la trata massa amez y vëgn insciö tignida sö dal'un dla VB René. Plö tert mëss le defensur da La Val Paolo lascé le ciamp por gauja de n contrast de cé, le tai sura l'edl mëss gnì cují y ne pormët nia de sughé inant. Al 80^ ti gareta ciamó le terzo gol ala VB, che ti taia les giames ala formaziun da La Val. Cun le sciür dl'arbiter se röia spo chësc derby de Copa. Sciode por la formaziun da La Val, che à sumenè tröp mo ne à nia coiü assà. Sëgn él ciamò da aspetè le resultat dla partida anter la Val Badia y le Mölten/ Vöran, che gnarà sugada ai 30 de merz a Mölten.


La Val scomëncia só campionat in sabeda ai 19 de merz dales 15:00 a Prettau cuntra la scuadra de ciasa. I ti augurn a düta la scuadra da buna sajun de retüda!

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©