US LA VAL
 
 
     
 

1ª partida de campionat rit. - Prettau

Stampa PDF

_MG_9684scuadra

Le campionat de retüda scomëncia cun la lungia trasferta a Prettau por La Val. Le resultat i porta en punt porom a trames scuadres.

 

 

 

 

La formaziun da La Val à bele sughé döes partides ofiziales te chësta sajun de retüda, plö avisa i cuarti de finala de Copa Provinzia cuntra le Mölten (davagnada por 4 a 2) y l’ACD Val Badia (pordüda por 3 a 1). Da aspete él ciamó la partida anter la Val Badia y le Mölten por decreté la scuadra che passa ala semifinala.

L’ultim fin dl’edma él scomencé le campionat, daulache La Val pëia ia al cuinto post y mëss ciaré de fa punc por arpizé la tlassifica. Sön le ciamp a Prettau s’à la formaziun de Floriani scialdi stenté a fa i trëi punc, insciö ince l’ultima,  olache do ester jüs in svantaje esi bugn de aderzé le resultat mo se ciafa ciamó tl’ultim le gol dla parité. Les condiziuns dl tëmp é stades otimales, cun le surëdl che à scialdé de plëgn le ciamppor düc o nonanta menüc.

Cun le sciür dl arbiter mët man le druch di aversar, che dal mët man röia cun pai alc a fa tramoré le mür defensive, che mëss plö iadi tra demez le palé. Tosc é indere La Val che à na gran ocajiun sön puniziun, ala trata Freddy, che de prezijiun tira le palé cuntra la stangia de porta, le curan rebatü ne vëgn indere nia apogé a dërt’ ora te porta: le arbiter lascia chilò sughé inant sön n fal de man evidënt. Insciö toma le gol aversar bele al 25^, le atacant Hopfgartner controlëia bun le palé, se ôsc y vega na trata sëcia dai vint metri vh röia püch dlungia le pé de porta te rëi, le verdaporta Sepl ne röia chilò de püch nia a desfanté le curan. La formaziun ladina prô de imposté val aziun mo se stënta dassën, i sogadus ne é nia asvelc a partì fora I pai y mëss insciö se sotmët a ripartënzes. Dan le pröm tëmp é ciamó la combinaziun anter Marco y Stefan che fej ruvé chësc ultim dan le portier, mo la trata de pé ciamp fej ruvé le curan dlungia porta ia.


Le pröm tëmp se röia cun le resultat de 2-2 

Tl secundo tëmp röia i ladins cun en atra personalité te ciamp, determinà a oje le resultat. I aversars sënt atira le druch di sogadus da La Val, che partësc fora damì i pai sön les perts y röia plö saurí al limit. Bele al 50^ toma le gol dla parité: sön trata dal ciantun se presënta le jogn Christian Dapoz amez l’area y rebat de cé le curan sot les giames dl verdaporta dl Prettau. Na bel sodesfaziun por Christian che segnëia insciö só prüm gol cun la maliëta dl US La Val. I atacanc tëgn inant le palé tl mezciamp aversar y al 65^ é Stefan che radopiëia le resultat. Sön na puniziun de Luca vëgn le palé antizipé da Marco S. te area che preparëia la cogura zeruch por la trata bassa de Stefan dlungia le pé de porta ite. Le resultat aderzé i porta nöia forza ai sogadus, che é bugn de tigní bot cina le 75^, le menüt ulache le Prettau chir y arjunj le gol la parité. Te n gran cajin te area ladina ciafa l’atacant desmarché le palé al limit, al ne sighita nia y pro la trata de prezijiun tl’incrujiada de porta, che ti gareta ince. Al mancia na chert’ora de jüch y I ladins crëi ciamó tla devënta. Protagonist é chilò l’arbiter, che arferà trö massa gunot le jüch y ne da degüna spiegaziun por dezijiuns nia tres iüstes. La partida se röia sënza atri goi y les scuadres se partësc insciö en punt porom pro la prüma de campionat.

Prettau – La Val: 2-2

Formaziun La Val: 1. Sepl Kantioler, 2. Luca Pescollderung, 3. Marco Castlunger, 4. Paolo Vallazza, 5. Werner Sottara, 6. Freddy Sottara (dal 45^ Max Nagler), 7. Christian Dapoz, 8. Marco Sottara (dal 75^ Adrian Miribung), 9. Alexander Miribung (dal 45^ Franz Tolpeit), 10. Stefan Sottara - capitan , 11. Alex Elzenbaumer

Goi por La Val: Christian Dapoz al 50^ y Stefan Sottara al 65^

Proscima partida: La Val süga süa proscima partida de campionat duman sabeda dales 15:00 cuntra le Niederdorf a La Val

 

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©